ഫഹദ് ഫാസിലിനെ നായകനാക്കി ദിലീഷ് പോത്തൻ ഒരുക്കിയ സൂപ്പർഹിറ്റ് ചിത്രം മഹേഷിന്‍റെ പ്രതികാരം തെലുങ്കിലേക്ക് റീമേക്ക് ചെയ്യുന്നു. “ഉമ മഹേശ്വര റാവു’ എന്നാണ് സിനിമയുടെ പേര്. സത്യദേവ് ആണ് സിനിമയിൽ നായകകഥാപാത്രത്തെ അവതരിപ്പിക്കുന്നത്.
വെങ്കിടേഷ് മഹയാണ് സിനിമ സംവിധാനം ചെയ്യുന്നത്. സുഹാസ്, ജബ്ബർദസ്ത് റാംപ്രസാദ്, ടിഎൻആർ, രവീന്ദ്ര വിജയ്, കെ. രാഘവൻ എന്നിവർ സിനിമയിൽ മറ്റ് പ്രധാനകഥാപാത്രങ്ങളെ അവതരിപ്പിക്കുന്നു. അർക മീഡിയ വർക്സ് ആണ് സിനിമ നിർമിക്കുന്നത്. ഏപ്രിൽ 17ന് ചിത്രം തീയറ്ററുകളിലെത്തും.
