മേയറുടെ രാജി; തർക്കം തീർക്കാനാകാതെ സിപിഎം; പ്ര​ശ്നം പ​രി​ഹാരത്തിന് സംസ്ഥാന നേതൃത്വം ഇ​ട​പെ​ടു​ന്നു

സ്വ​ന്തം​ലേ​ഖ​ക​ൻ
തൃ​ശൂ​ർ: അ​വ​സാ​ന വ​ർ​ഷ​ത്തെ മേ​യ​ർ സ്ഥാ​നം ഏ​റ്റെ​ടു​ക്കാ​ൻ ത​യ്യാ​റാ​യി നി​ന്ന സി​പി​എ​മ്മി​ന് ഏ​റ്റ പ്ര​തീ​ക്ഷി​ക്കാ​ത്ത തി​രി​ച്ച​ടി പ​രി​ഹ​രി​ക്കാ​നാ​കാ​തെ നേ​തൃ​ത്വം. സി​പി​ഐ പ്ര​തി​നി​ധി​യാ​യ മേ​യ​ർ അ​ജി​ത വി​ജ​യ​ൻ ക​ഴി​ഞ്ഞ 12ന് ​ക​രാ​ർ പ്ര​കാ​രം രാ​ജി​വ​യ്ക്കേ​ണ്ട​താ​യി​രു​ന്നു. എ​ന്നാ​ൽ മേ​യ​ർ സ്ഥാ​നം ഒ​ഴി​യു​ന്പോ​ൾ സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​മാ​ൻ സ്ഥാ​നം ന​ൽ​ക​ണ​മെ​ന്ന വ്യ​വ​സ്ഥ പാ​ലി​ക്കാ​ൻ ക​ഴി​യാ​താ​യ​തോ​ടെ​യാ​ണ് ത​ൽ​ക്കാ​ലം രാ​ജി​വ​യ്ക്ക​ണ്ടാ​യെ​ന്ന് സി​പി​ഐ ജി​ല്ലാ ക​മ്മി​റ്റി നി​ർ​ദ്ദേ​ശം ന​ൽ​കി​യ​ത്. ഇ​തോ​ടെ പ്ര​ശ്ന​ങ്ങ​ൾ ച​ർ​ച്ച ചെ​യ്ത് പ​രി​ഹ​രി​ക്കാ​ൻ നേ​തൃ​ത്വം ന​ൽ​കേ​ണ്ട സി​പി​എം ത​ന്നെ​യാ​ണ് ഇ​പ്പോ​ൾ വെ​ട്ടി​ലാ​യി​രി​ക്കു​ന്ന​ത്.

വി​ക​സ​ന​കാ​ര്യ സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​മാ​നാ​യ ജ​ന​താ​ദ​ളി​ലെ ഷീ​ബ ബാ​ബു​വി​നെ രാ​ജി​വ​യ്പ്പി​ച്ച് ആ ​സ്ഥാ​നം സ്ഥാ​ന​മൊ​ഴി​യു​ന്ന മേ​യ​ർ​ക്ക് ന​ൽ​കാ​മെ​ന്നാ​യി​രു​ന്നു സി​പി​എ​മ്മി​ന്‍റെ ധാ​ര​ണ. എ​ന്നാ​ൽ ഷീ​ബ ബാ​ബു ത​ൽ​ക്കാ​ലം രാ​ജി​വ​യ്ക്കി​ല്ലെ​ന്ന​റി​യി​ച്ച​തോ​ടെ സ്വ​ന്തം പാ​ർ​ട്ടി​ക്കാ​ര​നാ​യ പൊ​തു​മ​രാ​മ​ത്ത് വ​കു​പ്പ് സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​മാ​ൻ എം.​പി.​ശ്രീ​നി​വാ​സ​നെ രാ​ജി​വ​യ്പ്പി​ക്കാ​ൻ ശ്ര​മം ന​ട​ത്തി​യെ​ങ്കി​ലും പ​രാ​ജ​യ​പ്പെ​ട്ടു.

കു​റ​ച്ചു നാ​ളു​ക​ളാ​യി കോ​ർ​പ​റേ​ഷ​ൻ യോ​ഗ​ത്തി​ൽ വ​രാ​തെ​യും സി​പി​എം നേ​താ​വാ​യ വ​ർ​ഗീ​സ് ക​ണ്ടം​കു​ള​ത്തി​യു​ടെ പ​ല നി​ല​പാ​ടു​ക​ളോ​ടും എ​തി​ർ​പ്പ് പ്ര​ക​ടി​പ്പി​ക്കു​ക​യും ചെ​യ്യു​ന്ന ശ്രീ​നി​വാ​സ​നെ ഒ​തു​ക്കാ​ൻ പ​ല ശ്ര​മ​ങ്ങ​ളും ന​ട​ത്തി​യെ​ങ്കി​ലും സാ​ധി​ക്കാ​തെ വ​ന്ന​തോ​ടെ​യാ​ണ് പ്ര​ശ്ന​ങ്ങ​ൾ പ​രി​ഹ​രി​ക്കാ​ൻ ക​ഴി​യാ​തെ വ​ന്ന​ത്. ചെ​യ​ർ​മാ​ൻ സ്ഥാ​നം രാ​ജി​വ​യ്പ്പി​ച്ചാ​ൽ കൗ​ണ്‍​സി​ൽ സ്ഥാ​ന​വും രാ​ജി​വ​യ്ക്കു​മെ​ന്ന് ശ്രീ​നി​വാ​സ​ൻ ഭീ​ഷ​ണി മു​ഴ​ക്കി​യ​ത്രേ.

ശ്രീ​നി​വാ​സ​നെ ഒ​തു​ക്കി വ​ർ​ഗീ​സ് ക​ണ്ടം​കു​ള​ത്തി​ക്ക് ഡെ​പ്യൂ​ട്ടി മേ​യ​ർ സ്ഥാ​നം ഒ​ഴി​വു വ​രു​ന്പോ​ൾ ന​ൽ​കാ​നു​ള്ള നീ​ക്ക​ത്തി​ലും കൗ​ണ്‍​സി​ല​ർ​മാ​ർ​ക്കി​ട​യി​ലും പാ​ർ​ട്ടി​ക്കു​ള്ളി​ലും എ​തി​ർ​പ്പു​ണ്ട്. അ​തി​നാ​ൽ പാ​ർ​ട്ടി​യും ശ്രീ​നി​വാ​സ​നോ​ട് രാ​ജി​വ​യ്ക്കാ​ൻ ആ​വ​ശ്യ​പ്പെ​ടി​ല്ല. ഇ​തോ​ടെ പ്ര​ശ്നം സി​പി​എം, സി​പി​ഐ പാ​ർ​ട്ടി​ക​ളു​ടെ സം​സ്ഥാ​ന​ത​ല​ത്തി​ലേ​ക്ക് എ​ത്തി​ക്കാ​നു​ള്ള ശ്ര​മ​ങ്ങ​ളാ​ണ് ന​ട​ക്കു​ന്ന​ത്.

ജി​ല്ലാ ക​മ്മി​റ്റി​ക​ളി​ൽ ച​ർ​ച്ച ചെ​യ്ത് പ​രി​ഹ​രി​ക്കാ​ൻ സാ​ധി​ക്കാ​ത്ത​തി​നാ​ലാ​ണ് സം​സ്ഥാ​ന ത​ല​ത്തി​ൽ ജ​ന​താ​ദ​ളി​ലും ഇ​ട​തു പാ​ർ​ട്ടി​ക​ളി​ലും വി​ഷ​യം ച​ർ​ച്ച ചെ​യ്ത് പ​രി​ഹ​രി​ക്കാ​നു​ള്ള ശ്ര​മം ന​ട​ത്തു​ന്ന​ത്.