ര​ണ്ട​ര മ​ണി​ക്കൂ​ർ പ​ത്തുപേ​ര​ട​ങ്ങു​ന്നവരുമായി ര​ഹ​സ്യ ച​ർ​ച്ച​നടത്തി മു​ഖ്യ​മ​ന്ത്രി തൃ​ശൂ​രി​ലെ ര​ഹ​സ്യ കേ​ന്ദ്ര​ത്തി​ൽ

സ്വ​ന്തം ലേ​ഖ​ക​ൻ
തൃ​ശൂ​ർ: ര​ഹ​സ്യ ച​ർ​ച്ച​യു​മാ​യി മു​ഖ്യ​മ​ന്ത്രി പി​ണ​റാ​യി വി​ജ​യ​ൻ തൃ​ശൂ​രി​ലെ ര​ഹ​സ്യ കേ​ന്ദ്ര​ത്തി​ൽ. പ​ത്തുപേ​ര​ട​ങ്ങു​ന്ന ചി​ല​രു​മാ​യി ര​ണ്ട​ര മ​ണി​ക്കൂ​റാ​ണു ര​ഹ​സ്യ ച​ർ​ച്ച ന​ട​ത്തി​യ​ത്. ക​ണ്ണൂ​രി​ൽ​നി​ന്നു​ള്ള ചി​ല സി​പി​എം നേ​താ​ക്ക​ളും ഇ​ക്കൂ​ട്ട​ത്തി​ലു​ണ്ടാ​യി​രു​ന്നു. മു​ഖ്യ​മ​ന്ത്രി തൃ​ശൂ​രി​ൽ താ​മ​സി​ക്കാ​റു​ള്ള സ​ർ​ക്കാ​രി​ന്‍റെ അ​തി​ഥിമ​ന്ദി​ര​മാ​യ രാ​മ​നി​ല​യ​ത്തി​ലോ വി​ശാ​ല സൗ​ക​ര്യ​ങ്ങ​ളു​ള്ള പാ​ർ​ട്ടി ജി​ല്ലാ ക​മ്മി​റ്റി ഓ​ഫീ​സി​ലോ കൂ​ടി​ക്കാ​ഴ്ച ന​ട​ത്താ​തെ ഒ​രു ഫ്ളാ​റ്റി​ലാ​ണു ര​ഹ​സ്യ കൂ​ടി​ക്കാ​ഴ്ച ന​ട​ന്ന​ത്.

തൃ​ശൂ​ർ ന​ന്പൂ​തി​രി വി​ദ്യാ​ല​യ​ത്തി​ന് അ​രി​കി​ലു​ള്ള കെഎൻ​പി ശി​വ​പു​രി എ​ന്ന ഫ്ളാ​റ്റ് സ​മു​ച്ച​യ​മാ​ണ് കൂ​ടി​ക്കാ​ഴ്ച​യ്ക്കു വേ​ദി​യാ​യ​ത്. ഫ്ളാറ്റി​ന്‍റെ പ​ണി ഏ​റെ​ക്കു​റെ പൂ​ർ​ത്തി​യാ​യെ​ങ്കി​ലും താ​മ​സ​ക്കാ​ർ ആ​രു​മി​ല്ലാ​തെ പൂ​ട്ടി​ക്കി​ട​ക്കു​ക​യാ​ണ്. ഫ്ളാ​റ്റി​ന്‍റെ ഉ​ട​മ​യാ​യ വാ​ണി​ജ്യ പ്ര​മു​ഖ​നാ​ണ് കൂ​ടി​ക്കാ​ഴ്ച​യ്ക്ക് ഇ​വി​ടെ സ്ഥ​ല​മൊ​രു​ക്കി​യ​ത്. ഇ​ന്ന​ലെ രാ​വി​ലെ 11 നു ​ഫ്ളാ​റ്റി​ലെ​ത്തി​യ മു​ഖ്യ​മ​ന്ത്രി​യും കൂ​ടി​ക്കാ​ഴ്ച​യ്ക്ക് എ​ത്തി​യ​വ​രും ഉ​ച്ച​യ്ക്ക് ഒ​ന്ന​ര​യോ​ടെ​യാ​ണ് പി​രി​ഞ്ഞ​ത്.

മു​ഖ്യ​മ​ന്ത്രി​യു​ടെ കാ​ർ ഫ്ളാ​റ്റ് കെ​ട്ടി​ട​ത്തി​ലേ​ക്കു ക​യ​റ്റി​യെ​ങ്കി​ലും പാ​ർ​ക്കു ചെ​യ്ത​ത് ആ​രും ശ്ര​ദ്ധി​ക്കാ​ത്ത വി​ധ​ത്തി​ലാ​യി​രു​ന്നു. എ​സ്കോ​ർ​ട്ട് സം​ഘ​വും അ​വ​രു​ടെ വാ​ഹ​ന​ങ്ങ​ളും ഫ്ളാ​റ്റി​ലേ​ക്കു പ്ര​വേ​ശി​ക്കാ​തെ ദൂ​രെ​യാ​ണു പാ​ർ​ക്കു ചെ​യ്ത​ത്. ഇ​ടു​ങ്ങി​യ റോ​ഡു​ക​ളി​ൽ ഗ​താ​ഗ​തത​ട​സ​മു​ണ്ടാ​കാ​തി​രി​ക്കാ​നെ​ന്ന മ​ട്ടി​ലാ​യി​രു​ന്നു മു​ഖ്യ​മ​ന്ത്രി​യു​ടെ വാ​ഹ​നവ്യൂ​ഹം ദൂ​രേ​യ്ക്കു മാ​റി പാ​ർ​ക്കു ചെ​യ്ത​ത്. ഫ്ളാ​റ്റി​നു ചു​റ്റും മ​ഫ്ടി​യി​ൽ പോ​ലീ​സു​കാ​ർ സ​ജ്ജ​രാ​യി​രു​ന്നു.

ഫ്ളാ​റ്റി​നു തൊ​ട്ട​രി​കി​ലാ​ണു സി​പി​എം ജി​ല്ലാ ക​മ്മി​റ്റി ഓ​ഫീ​സ്. രാ​വി​ലെ തൃ​ശൂ​രി​ലെ​ത്തി​യ മു​ഖ്യ​മ​ന്ത്രി രാ​മ​നി​ല​യ​ത്തി​ലാ​ണു വി​ശ്ര​മി​ച്ച​ത്. ഫ്ളാ​റ്റി​ലെ കൂ​ടി​ക്കാ​ഴ്ച​യ്ക്കുശേ​ഷ​വും രാ​മ​നി​ല​യ​ത്തി​ലേ​ക്കാ​ണു തി​രി​ച്ചു​പോ​യ​ത്. വൈ​കു​ന്നേ​രം തൃ​ശൂ​രി​ലെ നി​ശാ വാ​ണി​ജ്യോ​ത്സ​വ​ത്തി​ന്‍റെ സ​മാ​പ​ന സ​മ്മേ​ള​ന​ത്തി​ൽ പ്ര​സം​ഗി​ച്ച​ശേ​ഷ​മാ​ണ് മു​ഖ്യ​മ​ന്ത്രി തൃ​ശൂ​ർ വി​ട്ട​ത്. തി​ങ്ക​ളാ​ഴ്ച മു​ഖ്യ​മ​ന്ത്രി ക​ണ്ണൂ​രി​ലും ത​ല​ശേ​രി​യി​ലും ഉ​ണ്ടാ​യി​രു​ന്നു.