പറവൂർ: ഇന്ത്യൻ ഭരണഘടന സംരക്ഷിക്കാനായി ഒരിക്കൽ കൂടി സ്വതന്ത്ര്യ സമരം നടത്തേണ്ടി വന്നാൽ കോൺഗ്രസ് അതിനും തയാറാകുമെന്നു കെപിസിസി ഉപാധ്യക്ഷൻ വി.ഡി. സതീശൻ എംഎൽഎ. പറവൂരിൽ നടന്ന കോൺഗ്രസിന്‍റെ രാഷ്ട്രീയ വിശദീകരന്ന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
നോട്ടു നിരോധനവും വികലമായി നടപ്പിലാക്കിയ ജിഎസ്ടിയും രാജ്യത്തെ സാമ്പത്തിക മേഖലയെ തകർത്തു.സാമ്പത്തിക വളർച്ച കുറഞ്ഞു. ആയിരക്കണക്കിന് ചെറുകിട സ്ഥാപനങ്ങളടച്ചു പൂട്ടി. കർഷക ആത്മഹത്യകൾ പെരുകുന്നു.
ഈ പ്രതിസന്ധികളിൽനിന്നു ജനശ്രദ്ധ തിരിച്ചുവിടാനാണ് പൗരത്വ നിയമം ഭേദഗതി ചെയ്തതെന്നും സതീശൻ പറഞ്ഞു. എം.ജെ. രാജു അധ്യക്ഷത വഹിച്ചു. കെ.പി. ധനപാലൻ, വത്സല പ്രസന്നകുമാർ, പി.ആർ. സൈജൻ, അനു വട്ടത്തറ എന്നിവർ സംസാരിച്ചു.
