കുറവിലങ്ങാട്: കോട്ടയം കുറവിലങ്ങാടിന് സമീപം വാഹനാപകടത്തിൽ ഒരു കുടുംബത്തിലെ അഞ്ചു പേർ മരിച്ചു. ശനിയാഴ്ച പുലർച്ചെ 12.30 ഓടെയാണ് സംഭവം. നിയന്ത്രണം വിട്ട കാർ തടിലോറിയിൽ ഇടിച്ചു കയറുകയായിരുന്നു.
തിരുവാതുക്കൽ സ്വദേശികളായ ഉള്ളാട്ടിൽപടി തമ്പി (68), ഭാര്യ വത്സല (65), തമ്പിയുടെ മകൻ ബിനോയിയുടെ ഭാര്യ പ്രഭ (46), ബിനോയിയുടെ മകൻ അമ്പാടി (19) പ്രഭയുടെ അമ്മ ഉഷ എന്നിവരാണ് മരിച്ചത്.
കോട്ടയം ഭാഗത്തുനിന്ന് പെരുമ്പാവൂരിലേക്ക് തടിയുമായി പോയ ലോറിയിലേക്കാണ് കാർ ഇടിച്ചു കയറിയത്. ലോറിക്കടിയിൽ കുടുങ്ങിയ കാറിൽ‌നിന്നും വെട്ടിപ്പൊളിച്ചാണ് യാത്രക്കാരെ അഗ്നിശമനസേനാംഗങ്ങൾ പുറത്തെടുത്തത്.
