അ​ധി​കൃ​ത​രു​ടെ അവഗണന, പെരുവഴിയിലായി കുടുംബം; മ​ഴ​യി​ൽ വീ​ട് ത​ക​ർ​ന്ന കു​ടും​ബ​ത്തി​ന് സ​ർ​ക്കാ​ർ സ​ഹാ​യ​ങ്ങ​ൾ ല​ഭി​ച്ചില്ലെന്ന് പരാതി

ഇ​രി​ങ്ങാ​ല​ക്കു​ട: അ​ധി​കൃ​ത​രു​ടെ വീ​ഴ്ച​യെ തു​ട​ർ​ന്ന് ക​ന​ത്ത മ​ഴ​യി​ൽ വീ​ട് പൂ​ർ​ണ​മാ​യും ത​ക​ർ​ന്ന കു​ടും​ബ​ത്തി​ന് സ​ർ​ക്കാ​ർ ത​ല​ത്തി​ലു​ള്ള സ​ഹാ​യ​ങ്ങ​ൾ ഒ​ന്നും ല​ഭി​ക്കാ​ത്ത അ​വ​സ്ഥ​യി​ൽ.

പ​ടി​യൂ​ർ പ​ഞ്ചാ​യ​ത്ത് 12-ാം വാ​ർ​ഡി​ൽ ഷ​ണ്‍​മു​ഖം ബ​ണ്ടി​ൽ താ​മ​സി​ച്ചി​രു​ന്ന ക​ല്ലി​ക്കാ​ട​ൻ ര​വി​ക്കും കു​ടും​ബ​ത്തി​നു​മാ​ണ് ഈ ​ദു​ർ​ഗ​തി. ക​ഴി​ഞ്ഞ വ​ർ​ഷം ജൂ​ണ്‍ 13 നാ​ണ് തു​ട​ർ​ച്ച​യാ​യ മ​ഴ​യി​ൽ ര​വി​യും ഭാ​ര്യ സ​ജി​നി​യും മ​ക്ക​ളാ​യ അ​രു​ണും ആ​ർ​ദ്ര​യും താ​മ​സി​ച്ചി​രു​ന്ന ഓ​ടി​ട്ട വീ​ട് പൂ​ർ​ണ​മാ​യും ത​ക​ർ​ന്ന് വീ​ണ​ത്.

വി​ഷ​യം അ​ധി​കൃ​ത​രു​ടെ ശ്ര​ദ്ധ​യി​ൽ കൊ​ണ്ടു വ​ന്ന​തി​നെ തു​ട​ർ​ന്ന് വി​ല്ലേ​ജി​ൽ നി​ന്നു​ള്ള ഉ​ദ്യോ​ഗ​സ്ഥ​ർ വ​ന്ന് സ്ഥ​ലം സ​ന്ദ​ർ​ശി​ക്കു​ക​യും ചെ​യ്തി​രു​ന്നു. പി​ന്നീ​ട് ര​വി​യും കു​ടും​ബ​വും വാ​ട​ക​വീ​ട്ടി​ലേ​ക്ക് താ​മ​സം മാ​റു​ക​യും ചെ​യ്തു.

റേ​ഷ​ൻ കാ​ർ​ഡു​മാ​യി ബ​ന്ധ​പ്പെ​ട്ട കാ​ര്യ​ത്തി​ന് സ​പ്ലൈ ഓ​ഫീ​സി​ൽ ചെ​ന്ന ശേ​ഷം താ​ലൂ​ക്ക് ഓ​ഫീ​സി​ൽ അ​ന്വേ​ഷി​ച്ച​പ്പോ​ൾ വീ​ടു​മാ​യി ബ​ന്ധ​പ്പെ​ട്ട ഒ​രു റി​പ്പോ​ർ​ട്ടും താ​ലൂ​ക്കി​ൽ എ​ത്തി​യി​ട്ടി​ല്ലെ​ന്ന മ​റു​പ​ടി​യാ​ണ് ല​ഭി​ച്ച​തെ​ന്ന് സ​ജി​നി പ​റ​ഞ്ഞു.

തു​ട​ർ​ന്ന് എ​ട​തി​രി​ഞ്ഞി വി​ല്ലേ​ജ് ഓ​ഫീ​സി​ൽ നി​ന്നും ഇ​തേ മ​റു​പ​ടി​യാ​ണ് ല​ഭി​ച്ച​ത്. തു​ന്ന​ൽ​പ്പ​ണി​യി​ൽ നി​ന്നു​ള്ള സ​ജി​നി​യു​ടെ വ​രു​മാ​നം കൊ​ണ്ട് മാ​ത്ര​മാ​ണ് കു​ടും​ബം ക​ഴി​യു​ന്ന​ത്. അ​ധി​കൃ​ത​രു​ടെ വീ​ഴ്ച​യ്ക്ക് മു​ന്പി​ൽ എ​ന്ത് ചെ​യ്യ​ണ​മെ​ന്ന് അ​റി​യാ​ത്ത അ​വ​സ്ഥ​യി​ലാ​ണ് സ​ജി​നി​യും കു​ടും​ബ​വും.

എ​ന്നാ​ൽ വി​ഷ​യം ശ്ര​ദ്ധ​യി​ൽ​പ്പെ​ട്ടി​ട്ടു​ണ്ടെ​ന്നും വീ​ട് ത​ക​ർ​ന്ന​തു​മാ​യി ബ​ന്ധ​പ്പെ​ട്ട റി​പ്പോ​ർ​ട്ട് പ​ഞ്ചാ​യ​ത്തി​ലേ​ക്ക് വി​ട്ടി​രു​ന്നു​വെ​ന്നും വീ​ടി​ന്‍റെ ന​ഷ്ടം നി​ർ​ണ​യി​ച്ചു​കൊ​ണ്ടു​ള്ള റി​പ്പോ​ർ​ട്ട് താ​ലൂ​ക്ക് ഓ​ഫീ​സി​ൽ ല​ഭി​ച്ചി​രു​ന്നി​ല്ലെ​ന്നും ന​ട​പ​ടി​ക​ൾ സ്വീ​ക​രി​ച്ച് അ​ർ​ഹ​മാ​യ സ​ഹാ​യം കു​ടും​ബ​ത്തി​ന് ല​ഭ്യ​മാ​ക്കു​മെ​ന്നും ത​ഹ​സി​ൽ​ദാ​ർ പ​റ​ഞ്ഞു.