വെള്ളമുണ്ട: കാമുകിയെ കാണാന്‍ അര്‍ധരാത്രിയില്‍ വീട്ടിലതിക്രമിച്ചു കയറിയ യുവാവിനെതിരെ പോക്‌സോ കേസ്. തൊണ്ടര്‍നാട് കോറോം കുനിങ്ങാരത്ത് സല്‍മാനെ(20)തിരേയാണ് വെള്ളമുണ്ട പോലീസ് കേസെടുത്തത്.
തിങ്കളാഴ്ച പുലര്‍ച്ചെ ഒന്നോടെയാണ് സ്‌റ്റേഷന്‍ പരിധിയിലെ ഒരു വീട്ടിനുള്ളില്‍ നിന്നും യുവാവിനെ വീട്ടുകാര്‍ പിടികൂടിയത്. വീട്ടിലെ പ്ലസ്ടു വിദ്യാര്‍ഥിക്ക് ജന്മദിനസമ്മാനം നല്‍കാനായി വീട്ടില്‍ കയറിയതായിരുന്നു യുവാവ്.
വീട്ടുകാര്‍ പോലീസിലേല്‍പ്പിക്കുകയും പെണ്‍കുട്ടി പരാതി നല്‍കുകയും ചെയ്തതോടെ യുവാവിനെതിരേ പോക്‌സോ വകുപ്പുള്‍പ്പെടെ ചേര്‍ത്ത് കേസെടുക്കുകയായിരുന്നു.
