നാദാപുരം: പുറമേരി പഞ്ചായത്തിലെ അരൂർ നമ്മേൽ പീടികയിൽ വീടിന്‍റെ ടെറസിന് മുകളിൽ സ്റ്റീൽ ബോംബ് കണ്ടെത്തി. എളങ്ങോട്ടുമ്മൽ അബൂബക്കറിന്‍റെ ഉടമസ്ഥതയിലുള്ള വീടിന്‍റെ ടെറസിന് മുകളിലാണ് ബോംബ് കണ്ടെത്തിയത്.
വീടിന്‍റെ പെയിന്‍റിംഗ് ജോലിക്കെത്തിയ തൊഴിലാളികളാണ് ബോംബ് കണ്ടത്. തുടർന്ന് നാദാപുരം പോലീസിൽ വിവരം അറിയിക്കുകയായിരുന്നു.
ബോംബ് സ്ക്വാഡ് അധികൃതർ സ്ഥലത്തെത്തി ബോംബ് സ്ക്വാഡ് അധികൃതർ സ്ഥലത്തെത്തി ബോംബ് കസ്റ്റഡിയിലെടുത്ത് ചേലക്കാട് ക്വാറിയിൽ നിർവീര്യമാക്കി. ഡിറ്റണേറ്റർ ഉപയോഗിച്ചാണ് ബോംബ് നിർവീര്യമാക്കി.
ഉഗ്രസ്ഫോടനശേഷിയുള്ളതാണ് ബോംബെന്ന് അധികൃതർ പറഞ്ഞു. സ്റ്റീൽ ബോംബ് എങ്ങനെയാണ് വീടിന് മുകളിൽ എത്തിയതെന്ന് പരിശോധിക്കുമെന്ന് പോലീസ് പറഞ്ഞു.
