ബത്തേരി: വയനാട്ടിൽ പ്രായപൂർത്തിയാകാത്ത ആദിവാസി പെൺകുട്ടിയെ ബന്ധു ഭീഷണിപ്പെടുത്തി മാനഭംഗപ്പെടുത്തിയതായി പരാതി. ബത്തേരി നൂൽപ്പുഴയിലാണ് സംഭവം.
കൂട്ടുകാരികൾക്കൊപ്പം പോകുകയായിരുന്ന പെൺകുട്ടിയെ കത്തികാണിച്ച് ഭീഷണിപ്പെടുത്തി വനത്തിലേക്ക് കൊണ്ടുപോയി മാനഭംഗപ്പെടുത്തിയെന്നാണ് പരാതി.
പെൺകുട്ടിയെ ഏറെനേരമായിട്ടും കാണാഞ്ഞ മാതാപിതാക്കള്‍ പരാതി നല്‍കിയതിനെതുടർന്ന് പോലീസ് വനത്തിനുള്ളില്‍ പരിശോധന നടത്തവെയാണ് പെൺകുട്ടിയെ കണ്ടെത്തിയത്.
പെൺകുട്ടിയെ പരിശോധനകൾക്കായി ബത്തേരി താലൂക്ക് ആശുപത്രിയിൽ പ്രവേശിപ്പിച്ചു. ബന്ധുവായ യുവാവിനായി പോലീസ് പരിശോധന ശക്തമാക്കി.
