വണ്ടാനം മെഡിക്കൽ കോളജിൽ സെ​ക്യൂ​രി​റ്റി ജീ​വ​ന​ക്കാ​ർ ആം​ബു​ല​ൻ​സ് ഏ​ജന്‍റുമാരാകുന്നു; രോഗികളുടെ ബന്ധുക്കളിൽ നിന്നും പണം തട്ടി മാസം ഉണ്ടാക്കുന്ന തുക കേട്ടാൽ ഞെട്ടും

അ​ന്പ​ല​പ്പു​ഴ: ആ​യി​ര​ങ്ങ​ൾ ക​മ്മീ​ഷ​ൻ പ​റ്റി സെ​ക്യൂ​രി​റ്റി ജീ​വ​ന​ക്കാ​ർ ആം​ബു​ല​ൻ​സ് ഏ​ജ​ന്‍റു​മാ​രാ​യി മാ​റു​ന്ന​താ​യി ആരോപണം. വ​ണ്ടാ​നം മെ​ഡി​ക്ക​ൽ കോ​ള​ജാ​ശു​പ​ത്രി​യി​ലെ ചി​ല സെ​ക്യൂ​രി​റ്റി ജീ​വ​ന​ക്കാ​രാ​ണ് രോ​ഗി​ക​ളെ പി​ഴി​ഞ്ഞ് പ​ണം സമ്പാദിക്കുന്നത്

അ​ത്യാ​സ​ന്ന നി​ല​യി​ലാ​യ രോ​ഗി​ക​ളെ എ​റ​ണാ​കു​ള​ത്തോ തി​രു​വ​ന​ന്ത​പു​ര​ത്തോ കൊ​ണ്ടു പോ​കു​ന്ന​തി​ന് ഐ​സി​യു സം​വി​ധാ​ന​മു​ള്ള ആം​ബു​ല​ൻ​സു​ക​ൾ ആ​വ​ശ്യ​മാ​ണ്. മ​റ്റ് സ്ഥ​ല​ങ്ങ​ളി​ൽ നി​ന്നെ​ത്തു​ന്ന രോ​ഗി​ക​ൾ​ക്കും ഇ​വ​രു​ടെ ബ​ന്ധു​ക്ക​ൾ​ക്കും ഐ​സി​യു സം​വി​ധാ​ന​മു​ള്ള ആം​ബു​ല​ൻ​സു​ക​ളെ​ക്കു​റി​ച്ച് യാ​തൊ​രു അ​റി​വും കാ​ണി​ല്ല.

ഇ​താ​ണ് ചി​ല സെ​ക്യൂ​രി​റ്റി ജീ​വ​ന​ക്കാ​ർ മു​ത​ലെ​ടു​ക്കു​ന്ന​ത്. കൊ​ച്ചി​യി​ൽ പോ​കു​ന്ന​തി​ന് ഏ​ഴാ​യി​ര​വും തി​രു​വ​ന​ന്ത​പു​ര​ത്തു പോ​കു​ന്ന​തി​ന് പ​തി​നാ​യി​രം രൂ​പ​യു​മാ​ണ് സെ​ക്യൂ​രി​റ്റി​ക്കാ​രു​ടെ ഇ​ട​പാ​ടി​ൽ വാ​ങ്ങു​ന്ന​ത്. ഇ​തി​ൽ 1600 മു​ത​ൽ 2000 രൂ​പ വ​രെ​യാ​ണ് സെ​ക്യൂ​രി​റ്റി ജീ​വ​ന​ക്കാ​ർ ക​മ്മീ​ഷ​നാ​യി ഈ​ടാ​ക്കു​ന്ന​ത്.

ആ​വ​ശ്യ​ക്കാ​ർ നേ​രി​ട്ട് ആം​ബു​ല​ൻ​സ് ജീ​വ​ന​ക്കാ​രെ സ​മീ​പി​ക്കു​ക​യാ​ണെ​ങ്കി​ൽ ഈ ​ക​മ്മീ​ഷ​ൻ തു​ക ലാ​ഭി​ക്കാ​ൻ ക​ഴി​യും. പാ​വ​പ്പെ​ട്ട രോ​ഗി​ക​ളെ ചൂ​ഷ​ണം ചെ​യ്യു​ന്ന ഇ​ത്ത​രം സെ​ക്യൂ​രി​റ്റി ജീ​വ​ന​ക്കാ​ർ​ക്കെ​തി​രെ അ​ന്വേ​ഷ​ണം ന​ട​ത്തി ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യ​മു​യ​രു​ന്നു.