കൊട്ടാരക്കര : ക്രൈംബ്രാഞ്ച് ഓഫീസിൽ മദ്യപിച്ചുകൊണ്ടിരുന്ന എസ്ഐ അറസ്റ്റിൽ. എസ് ഐ സലിം ആണ് അറസ്റ്റിലായത്. കൊല്ലം റൂറൽ എസ്പിക്ക് ഇന്നലെ രാത്രിയിൽ ലഭിച്ച രഹസ്യവിവരത്തിന്‍റെ അടിസ്ഥാനത്തിൽ എസ്പി നിയോഗിച്ച പ്രത്യേക പരിശോധനാസംഘമാണ് ഇന്നലെ രാത്രി കൊട്ടാരക്കര ക്രൈംബ്രാഞ്ച് ഓഫീസിൽനിന്ന് എസ്ഐയെ പിടികൂടിയത്.
ഇയാളോടൊപ്പമുണ്ടായിരുന്ന മറ്റ് രണ്ടുപേർ ഓടിരക്ഷപെട്ടു. വൈദ്യപരിശോധനയ്ക്ക് വിധേയനാക്കിയ എസ്ഐയെ കോടതിയിൽ ഹാജരാക്കുമെന്ന് പോലീസ് സംഘം അറിയിച്ചു. പോലീസ് ഓഫീസേഴ്സ് അസോസിയേഷൻ സംസ്ഥാന ഭാരവാഹികൂടിയാണ് എസ്ഐ സലിം.
