വലിപ്പത്തില്‍ അല്ല ചങ്കൂറ്റത്തിലാണ് കാര്യം എന്ന വാക്ക് അക്ഷരം പ്രതി ശരിയാണെന്ന തരത്തിലുള്ള വീഡിയോയാണ് ഇപ്പോള്‍ സോഷ്യല്‍മീഡിയയില്‍ വൈറലാകുന്നത്. കാട്ടാനയെ തുരത്തിയോടിക്കുന്ന പോത്തിന്‍ കുഞ്ഞാണ് ദൃശ്യങ്ങളില്‍ ഉള്ളത്.
വലിപ്പവും ശരീരവും വകവയ്ക്കാതെ പോത്തിന്‍ കുഞ്ഞ് ആനയുടെ നേരെ ചെല്ലുമ്പോള്‍ ആന പേടിച്ച് പിന്നിലേക്ക് പോകുകയാണ്. കുഞ്ഞിന് കൂട്ടായി സമീപം ഒരു പോത്തും നില്‍ക്കുന്നുണ്ട്.
17 സെക്കന്‍ഡ് ദൈര്‍ഘ്യമുള്ള വീഡിയോ നേച്ചര്‍ ഈസ് ലിറ്റ് എന്ന ട്വിറ്റര്‍ അക്കൗണ്ടില്‍ കൂടിയാണ് പുറത്ത് വിട്ടത്. ദൃശ്യങ്ങള്‍ ഇതിനോടകം തന്നെ വൈറലായി മാറിയിരിക്കുകയാണ്.
