മൂന്നുമാസം പിന്നിടുന്നു; ക​ന്നു​കാ​ലി​ക​ളി​ലെ ച​ർ​മ​മു​ഴ വ്യാപകമാകുന്നു; പ്ര​തി​രോ​ധ മ​രു​ന്ന് കി​ട്ടാ​നി​ല്ല; ആശങ്കയിൽ നാട്ടുകാർ

വരന്തരപ്പിള്ളി: പാ​ല​പ്പി​ള്ളി തോ​ട്ടം മേ​ഖ​ല​യി​ൽ ക​ന്നു​കാ​ലി​ക​ളി​ൽ പ​ട​ർ​ന്നു​പി​ടി​ച്ച ച​ർ​മ മു​ഴ രോ​ഗ​ത്തി​നു​ള്ള പ്ര​തി​രോ​ധ മ​രു​ന്നു​ക​ൾ കി​ട്ടാ​നി​ല്ലാ​ത്ത​ത് പ്ര​തി​സ​ന്ധി​ക്കി​ട​യാ​ക്കു​ന്നു. ജി​ല്ല​യി​ൽ ച​ർ​മ​മു​ഴ രോ​ഗം പ​ട​ർ​ന്നു​പി​ടി​ച്ച​തോ​ടെ​യാ​ണ് മ​രു​ന്ന് ക്ഷാ​മം രൂ​ക്ഷ​മാ​യ​ത്.

ജി​ല്ലാ വെ​റ്റി​ന​റി ആ​ശു​പ​ത്രി​യി​ൽ നി​ന്ന് ഓ​രോ മൃ​ഗാ​ശു​പ​ത്രി​ക​ളി​ലേ​ക്കും ന​ൽ​കി​യ പ്ര​തി​രോ​ധ മ​രു​ന്ന് തീ​ർ​ന്നു പോ​യ​താ​ണ് മ​രു​ന്നു​ക്ഷാ​മ​ത്തി​ന് കാ​ര​ണ​മെ​ന്ന് അ​ധി​കൃ​ത​ർ പ​റ​യു​ന്നു.

വ​ര​ന്ത​ര​പ്പി​ള്ളി പ​ഞ്ചാ​യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ച​ർ​മ​മു​ഴ രോ​ഗം സ്ഥി​രീ​ക​രി​ച്ച​തോ​ടെ മൃ​ഗാ​ശു​പ​ത്രി​യി​ൽ ക​രു​തി​യി​രു​ന്ന മ​രു​ന്നു​ക​ൾ നേ​ര​ത്തെ തീ​ർ​ന്നി​രു​ന്ന​താ​യി വെ​റ്റി​റ​ന​റി ഓ​ഫീ​സ​ർ ഡോ. ​ടി.​ജെ. രോ​ഷ്മ പ​റ​ഞ്ഞു.

പാ​ല​പ്പി​ള്ളി മേ​ഖ​ല​യി​ൽ ഒ​രേ സ​മ​യം നൂ​റി​ലേ​റെ ക​ന്നു​കാ​ലി​ക​ൾ​ക്ക് രോ​ഗ​ല​ക്ഷ​ണ​ങ്ങ​ൾ ക​ണ്ടെ​ത്തി​യ​പ്പോ​ൾ പ്ര​തി​രോ​ധ മ​രു​ന്നി​ന്‍റെ ദൗ​ർ​ല​ഭ്യം അ​ധി​കൃ​ത​ർ​ക്ക് തി​രി​ച്ച​ടി​യാ​കു​ക​യാ​ണ്.​

സം​സ്ഥാ​ന​ത്ത് ആ​ദ്യ​മാ​യി തൃ​ശൂ​ർ ജി​ല്ല​യി​ലാ​ണ് മൂ​ന്നു മാ​സം മു​ന്പ് ച​ർ​മ​മു​ഴ രോ​ഗം സ്ഥി​രീ​ക​രി​ച്ച​ത്.​പി​ന്നീ​ട് സം​സ്ഥാ​ന​ത്തി​ന്‍റെ പ​ല ഭാ​ഗ​ങ്ങ​ളി​ൽ രോ​ഗം റി​പ്പോ​ർ​ട്ട് ചെ​യ്യ​പ്പെ​ട്ടു​വെ​ങ്കി​ലും കൂ​ട്ട​ത്തോ​ടെ ക​ന്നു​കാ​ലി​ക​ളി​ൽ ച​ർ​മ​മു​ഴ ക​ണ്ടെ​ത്തി​യ​ത് പാ​ല​പ്പി​ള്ളി​യി​ലാ​ണ്.​

പാ​ല​പ്പി​ള്ളി കു​ള്ള​ൻ എ​ന്ന പേ​രി​ല​റി​യ​പ്പെ​ടു​ന്ന നാ​ട​ൻ ഇ​ന​ത്തി​ൽ​പ്പെ​ട്ട ക​ന്നു​കാ​ലി​ക​ളി​ലാ​ണ് ച​ർ​മ​മു​ഴ രോ​ഗം വ്യാ​പ​ക​മാ​യി​രി​ക്കു​ന്ന​ത്. തോ​ട്ടം വ​നം മേ​ഖ​ല​യി​ൽ കാ​രി​കു​ളം, പാ​ല​പ്പി​ള്ളി, മൈ​സൂ​ർ, വ​ലി​യ​കു​ളം പ്ര​ദേ​ശ​ങ്ങ​ളി​ലെ നൂ​റു​ക​ണ​ക്കി​ന് ക​ന്നു​കാ​ലി​ക​ളി​ൽ രോ​ഗ​ല​ക്ഷ​ണ​ങ്ങ​ൾ ക​ണ്ടെ​ത്തി​യി​ട്ടു​ണ്ട്.

ക​ന്നു​കാ​ലി​ക​ളു​ടെ ശ​രീ​ര​ഭാ​ഗ​ങ്ങ​ളി​ൽ മു​ഴ​ക​ൾ രൂ​പ​പ്പെ​ടു​ക​യും പി​ന്നീ​ട് വൃ​ണ​മാ​യി പൊ​ട്ടി​യൊ​ലി​ക്കു​ന്ന​താ​യാ​ണ് കാ​ണു​ന്ന​ത്. ക​ഴി​ഞ്ഞ ദി​വ​സം കാ​രി​കു​ള​ത്ത് രോ​ഗം മൂ​ർഛി​ച്ച പ​ശു ച​ത്തി​രു​ന്നു. ഉ​ട​മ​സ്ഥ​രി​ല്ലാ​തെ അ​ല​ഞ്ഞു​ന​ട​ക്കു​ന്ന നൂ​റു​ക​ണ​ക്കി​ന് പ​ശു​ക്ക​ളാ​ണ് മേ​ഖ​ല​യി​ലു​ള്ള​ത്.

കൂ​ട്ട​മാ​യി ന​ട​ക്കു​ന്ന പ​ശു​ക്ക​ളി​ൽ അ​തി​വേ​ഗം രോ​ഗം പ​ട​രു​ക​യാ​ണ്.
ച​ർ​മ മു​ഴ കാ​ണ​പ്പെ​ട്ട ഭാ​ഗ​ങ്ങ​ളി​ൽ മ​രു​ന്ന് പു​ര​ട്ടി ന​ൽ​കു​ക​യാ​ണ് പ്രാ​ഥ​മി​ക ചി​കി​ത്സ. എ​ന്നാ​ൽ ഇ​വി​ടെ​യു​ള്ള ക​ന്നു​കാ​ലി​ക​ൾ​ക്ക് ഇ​ത്ത​രം ചി​കി​ത്സ ന​ട​ത്താ​ൻ ക​ഴി​യാ​ത്ത അ​വ​സ്ഥ​യാ​ണ്.

മൂ​ക്കു​ക​യ​റി​ല്ലാ​ത്ത​തു​മൂ​ലം കു​ത്തി​വെ​യ്പ്പ് എ​ടു​ക്കാ​നും ക​ഴി​യു​ന്നി​ല്ല. രാ​വി​ലെ മു​ത​ൽ മേ​ഞ്ഞു​ന​ട​ക്കു​ന്ന ക​ന്നു​കാ​ലി​ക​ൾ വൈ​കീ​ട്ടാ​ണ് പാ​ഡി​ക​ൾ​ക്ക് സ​മീ​പം എ​ത്തു​ന്ന​ത്. വൃ​ത്തി​ഹീ​ന​മാ​യ സ്ഥ​ല​ത്ത് കൂ​ട്ട​മാ​യി കി​ട​ക്കു​ന്ന​ത് കാ​ര​ണ​മാ​ണ് എ​ല്ലാ ക​ന്നു​കാ​ലി​ക​ളി​ലും രോ​ഗം പ​ട​രു​ന്ന​ത്.

പാ​ൽ കു​ടി​ക്കു​ന്ന കി​ടാ​ങ്ങ​ളി​ലും രോ​ഗം വ്യാ​പ​ക​മാ​ണ്. മൃ​ഗ സം​ര​ക്ഷ​ണ വ​കു​പ്പ്, പ​ഞ്ചാ​യ​ത്ത് എ​ന്നി​വ​ർ ഇ​ട​പ്പെ​ട്ട് ആ​വ​ശ്യ​മാ​യ വാ​ക്സി​ൻ എ​ത്തി​ക്കു​ന്ന​തി​നും തോ​ട്ട​ങ്ങ​ളി​ൽ മേ​ഞ്ഞു​ന​ട​ക്കു​ന്ന ക​ന്നു​കാ​ലി​ക​ൾ​ക്ക് കു​ത്തി​വപ്പ് നൽകണമെന്നതാണ് നാ​ട്ടു​കാ​രു​ടെ ആ​വ​ശ്യം.