ഭ​ഗ​വാ​നേ, ഈ ​നി​യ​മ​ലം​ഘ​നം കാ​ണു​ന്നി​ല്ലേ..! ദേ​വ​സ്വം വാ​ഹ​ന​ങ്ങ​ൾ നി​യ​മം ലം​ഘി​ക്കു​ന്ന​തു പതിവ്‌; നടപടിയെടുക്കാന്‍ ആരുമില്ലെന്നു ഭക്തര്‍

സ്വന്തം ലേഖകൻ

ഗു​രു​വാ​യൂ​ർ: ക്ഷേ​ത്ര​ന​ട​യി​ലൂ​ടെ വാ​ഹ​ന​ങ്ങ​ൾ ക​ട​ന്നു​പോ​കാ​ൻ പാ​ടി​ല്ലെ​ന്ന നി​യ​മം ലം​ഘി​ച്ച് ഗു​രു​വാ​യൂ​ർ ദേ​വ​സ്വ​ത്തി​ന്‍റെ വാ​ഹ​ന​ങ്ങ​ൾ കി​ഴ​ക്കേ​ന​ട​യി​ലെ ദീ​പ​സ്തം​ഭ​ത്തി​നു മു​ന്നി​ലൂ​ടെ ഭ​ക്ത​ർ​ക്കി​ട​യി​ലൂ​ടെ ക​ട​ന്നു​പോ​കു​ന്ന​ത് പ​തി​വാ​കു​ന്നു.

ഗു​രു​വാ​യൂ​രി​ൽ ഏ​റ്റ​വും തി​ര​ക്കേ​റി​യ കി​ഴ​ക്കേ​ന​ട​യി​ലെ ദീ​പ​സ്തം​ഭ​ത്തി​ന​രി​കെ തൊ​ഴാ​ൻ നി​ൽ​ക്കു​ന്ന ഭ​ക്ത​ർ​ക്ക് ഭീ​ഷ​ണി​യു​യ​ർ​ത്തി​യാ​ണ് അ​ധി​കാ​രി​ക​ളു​ടെ ഈ ​വാ​ഹ​ന​യാ​ത്ര.

ക്ഷേ​ത്ര​ന​ട​യി​ൽ കി​ഴ​ക്കേ ഗോ​പു​ര​വാ​തി​ലി​ന് തൊ​ട്ട​രി​കി​ലൂ​ടെ ദേ​വ​സ്വം വാ​ഹ​ന​ങ്ങ​ൾ നി​യ​മം ലം​ഘി​ക്കു​ന്ന​തു പ​തി​വാ​യി​ട്ടും അ​തി​നെ​തി​രെ ന​ട​പ​ടി​യെ​ടു​ക്കാ​നും ആ​രു​മി​ല്ലെ​ന്ന​തു ഭ​ക്ത​ർ​ക്കി​ട​യി​ൽ പ്ര​തി​ഷേ​ധ​മു​യ​ർ​ത്തി​യി​ട്ടു​ണ്ട്.

ക്ഷേ​ത്ര​ത്തി​നു​ള്ളി​ൽ പോ​കാ​ൻ ക​ഴി​യാ​ത്ത​വ​ർ പു​റ​ത്ത് ദീ​പ​സ്തം​ഭ​ത്തി​ന് മു​ന്നി​ൽ നി​ന്നാ​ണ് ദ​ർ​ശ​നം ന​ട​ത്താ​റു​ള്ള​ത്. ഈ ​വ​ഴി​ക്കാ​ണ് ഇ​പ്പോ​ൾ ദേ​വ​സ്വം വാ​ഹ​ന​ങ്ങ​ളു​ടെ വ​ര​വും പോ​ക്കും.

വി​വി​ഐ​പി​ക​ൾ ദ​ർ​ശ​ന​ത്തി​ന് എ​ത്തു​ന്പോ​ൾ​പോ​ലും വാ​ഹ​നം തെ​ക്കേ​ന​ട​വ​രെ​യെ വ​രാ​റു​ണ്ടാ​യി​രു​ന്നു​ള്ളു.​ അ​ടു​ത്ത കാ​ലം​മു​ത​ലാ​ണുദേ​വ​സ്വം വാ​ഹ​ന​ങ്ങ​ൾ മാ​ന​ദ​ണ്ഡ​ങ്ങ​ൾ ലം​ഘി​ച്ച് ഭ​ക്ത​ർ​ക്കി​ട​യി​ലൂ​ടെ പോ​കു​ന്ന​ത്.

ക​ലാ​കാ​രന്മാ​രെ വേ​ദി​യി​ലേ​ക്കെ​ത്തി​ക്കു​ന്ന​തി​ന് മേ​ൽ​പ്പ​ത്തൂ​ർ ഓ​ഡി​റ്റോ​റി​യ​ത്തി​ന​രി​ക​ൽ വ​രെ വാ​ഹ​ന​ങ്ങ​ൾ വ​രാ​റു​ണ്ടെ​ങ്കി​ലും അ​ത് തെ​ക്കേ​ന​ട​യി​ൽ നി​ന്ന് മേ​ൽ​പ്പ​ത്തൂ​ർ ഓ​ഡി​റ്റോ​റി​യ​ത്തി​ലേ​ക്ക് തി​രി​ഞ്ഞ് പ്ര​വേ​ശി​ക്കാ​റാ​ണു പ​തി​വ്.

പ്ര​ധാ​ന​മ​ന്ത്രി ന​രേ​ന്ദ്ര​മോ​ദി ദ​ർ​ശ​ന​ത്തി​നെ​ത്തി​യ​പ്പോ​ൾ അ​ദ്ദേ​ഹം ക്ഷേ​ത്ര​ന​ട​യി​ലേ​ക്ക് വാ​ഹ​നം ഉ​പ​യോ​ഗി​ക്കാ​തെ ന​ട​ന്നാ​ണ് ദ​ർ​ശ​നം ന​ട​ത്തി​യ​ത്.

ദേ​വ​സ്വം വാ​ഹ​ന​ങ്ങ​ളു​ടെ കി​ഴ​ക്കേ​ഗോ​പു​ര​ത്തി​ലൂ​ടെ​യു​ള്ള യാ​ത്ര ക​ർ​ശ​ന​മാ​യും ത​ട​യ​ണ​മെ​ന്ന ആ​വ​ശ്യം ഭ​ക്ത​ർ ഉ​യ​ർ​ത്തു​ന്നു​ണ്ട്.