കൊച്ചി: കേരള ബ്ലാസ്റ്റേഴ്‌സ് സ്പോർട്ടിംഗ് ഡയറക്ടറായി കരോലിസ് സ്കിൻകിസ് നിയമിതനായി. ലിത്വാനിയയിലെ ടോപ്പ് ഡിവിഷൻ ക്ലബായ എഫ്കെ സുഡുവയുടെ സ്പോർട്ടിംഗ് ഡയറക്ടറായി അര പതിറ്റാണ്ടിലേറെ അനുഭവമുള്ളയാളാണ് കരോലിസ്.
കേരളത്തിലേക്കു വരുന്നത് എനിക്ക് ആവേശകരമാണ്. ഈ ഉത്തരവാദിത്തം എന്നെ ഏൽപ്പിച്ചതിനു ക്ലബ് മാനേജ്മെന്‍റിനു നന്ദി പറയാൻ ഞാൻ ആഗ്രഹിക്കുന്നു.
ക്ലബിന്‍റെ കാഴ്ചപ്പാടിനും കേരള ആരാധകരുടെ അഭിനിവേശത്തിനും ഫുട്ബോളിനോടുള്ള അവരുടെ ഇഷ്ടത്തിനും വിലനൽകികൊണ്ട്, നമ്മൾ ഒരുമിച്ച് ഈ ക്ലബ് വളർത്തി അഭിമാനിക്കുന്ന ഒരു പാരമ്പര്യം സൃഷ്ടിക്കും – കരോലിസ് പറയുന്നു.
ടീം തെരഞ്ഞെടുപ്പ്, സ്കൗട്ടിംഗ്, റിക്രൂട്ട്മെന്‍റ് എന്നീ കാര്യങ്ങളിൽ കരോലിസിന്‍റെ മാർഗ നിർദേശം സ്വീകരിക്കും.
