സിനിമയില്‍ നായികയാക്കാമെന്ന് വാഗ്ദാനം ചെയ്ത് ശാരീരിക ബന്ധത്തിനായി ചില സംവിധായകര്‍ തന്നെ സമീപിച്ചുവെന്ന് തമിഴ്‌നാട്ടിലെ ടിക് ടോക്ക് സൂപ്പര്‍താരം. തമിഴ്‌നാട്ടില്‍ ഏറെ ആരാധകരുള്ള ഇലാക്കിയ എന്ന പെണ്‍കുട്ടിയാണ് ഒരു അഭിമുഖത്തില്‍ വെളിപ്പെടുത്തലുമായി രംഗത്ത് വന്നത്.
സിനിമയില്‍ അവസരം നല്‍കാമെന്ന് പറഞ്ഞ് ചില സംവിധായകര്‍ തന്നെ കബളിപ്പിച്ചുവെന്നാണ് ഇലാക്കിയ പറയുന്നത്. സിനിമയില്‍ കാസ്റ്റിംഗ് കൗച്ച് ഒരു യാഥാര്‍ഥ്യമാണെന്നും വഴങ്ങിക്കൊടുക്കുന്നവര്‍ക്ക് എളുപ്പത്തില്‍ നായികമാരാകാമെന്നും ഇലാക്കിയ പറയുന്നു. യോഗി ബാബു നായകനായ സോംബി എന്ന ചിത്രത്തില്‍ ഇലാക്കിയ അഭിനയിച്ചിരുന്നു.
