തന്‍റെ മണ്ടത്തരം കൊണ്ട് മറ്റു പലരും ഗുണമുണ്ടാക്കിയെന്ന് ബോളിവുഡ് താരം ജൂഹി ചൗള. തന്‍റെ ഈഗോ കാരണം പല ചിത്രങ്ങളിൽ നിന്നും വിട്ടു നിന്നത് മറ്റു പലർക്കും താരപദവി ലഭ്യമാക്കിയെന്നും കരിഷ്മ കപൂറിന് താരപദവി കിട്ടാനുള്ള കാരണം താനാണെന്നും ജൂഹി ഒരു അഭിമുഖത്തിൽ പറഞ്ഞു.
ഞാന്‍ അഭിനയിച്ചില്ലെങ്കില്‍ ബോളിവുഡ് നിശ്ചലമാകുമെന്ന് ഞാൻ കരുതി. കരിയറിലെ ഏറ്റവും മികച്ച സമയത്ത് നല്ല സിനിമകള്‍ ലഭിച്ചിട്ടും എന്‍റെ ഈഗോ കാരണം ഞാൻ അത് ഒഴിവാക്കി. എനിക്ക് ഇഷ്ടമുള്ളവർക്കൊപ്പം മാത്രം സിനിമ ചെയ്യാന്‍ തുടങ്ങി.
ദില്‍ തോ പാഗല്‍ ഹെ, രാജാ ഹിന്ദുസ്ഥാനി എന്നീ ചിത്രങ്ങള്‍ ഞാന്‍ ഉപേക്ഷിച്ചതാണ്. അതു കാരണം പലര്‍ക്കും താരപദവി ലഭിച്ചു- ജൂഹി പറയുന്നു. കരിഷ്മയുടെ എക്കാലത്തേയും ഹിറ്റുകളിലൊന്നായിരുന്നു രാജാ ഹിന്ദുസ്ഥാനി. ദില്‍ തോ പാഗല്‍ ഹെഎന്ന ചിത്രത്തിലെ അഭിനയത്തിന് കരിഷ്മ കപൂറിന് ദേശീയ പുരസ്‌കാരവും ലഭിച്ചിരുന്നു.
