നി​യ​ന്ത്ര​ണ​ങ്ങ​ളോ​ടെ അ​തി​ര്‍​ത്തി തു​റ​ന്നു; ചി​കി​ത്സ കാ​സ​ർ​ഗോ​ഡു​കാ​ർ​ക്ക് മാ​ത്രം! ത​ല​പ്പാ​ടി​യി​ല്‍ കേ​ര​ള​ത്തി​ന്‍റെ​യും ക​ർ​ണാ​ട​ക​ത്തി​ന്‍റെ​യും മെ​ഡി​ക്ക​ല്‍ സം​ഘ​മെ​ത്തി; ക​ടു​ത്ത​ നി​ബ​ന്ധ​ന​ക​ൾ ഇങ്ങനെ…

കാ​സ​ര്‍​ഗോ​ഡ്: കേ​ര​ള-​ക​ര്‍​ണാ​ട​ക അ​തി​ര്‍​ത്തി​യി​ലെ ത​ല​പ്പാ​ടി ചെ​ക്ക് പോ​സ്റ്റി​ല്‍ ദി​വ​സ​ങ്ങ​ളാ​യി തു​ട​ര്‍​ന്ന അ​നി​ശ്ചി​ത​ത്വ​ത്തി​നൊ​ടു​വി​ല്‍ നി​യ​ന്ത്ര​ണ​ങ്ങ​ളോ​ടെ അ​തി​ര്‍​ത്തി തു​റ​ന്നു.

കാ​സ​ര്‍​ഗോ​ഡ് ഭാ​ഗ​ത്തു​നി​ന്നെ​ത്തു​ന്ന രോ​ഗി​ക​ളെ നി​യ​ന്ത്ര​ണ​ങ്ങ​ള്‍​ക്കു വി​ധേ​യ​മാ​യി മം​ഗ​ളൂ​രു​വി​ലേ​ക്ക് ക​ട​ത്തി​വി​ടാ​നാ​ണ് ക​ര്‍​ണാ​ട​ക സ​ര്‍​ക്കാ​ര്‍ സ​മ്മ​തി​ച്ചി​ട്ടു​ള്ള​ത്.

നി​ബ​ന്ധ​ന​ക​ളു​ടെ പ​ട്ടി​ക ദ​ക്ഷി​ണ ക​ന്ന​ഡ ജി​ല്ലാ ഡെ​പ്യൂ​ട്ടി ക​മ്മീ​ഷ​ണ​ര്‍ കാ​സ​ര്‍​ഗോ​ഡ് ജി​ല്ലാ ക​ള​ക്ട​ര്‍ ഡോ.​ഡി.​സ​ജി​ത്ത് ബാ​ബു​വി​ന് കൈ​മാ​റി​യി​രു​ന്നു. ഇ​തു​പ്ര​കാ​രം ര​ണ്ടു സം​സ്ഥാ​ന​ങ്ങ​ളി​ല്‍ നി​ന്നു​മു​ള്ള ഡോ​ക്ട​ര്‍​മാ​ര​ട​ങ്ങി​യ മെ​ഡി​ക്ക​ല്‍ സം​ഘം ത​ല​പ്പാ​ടി​യി​ലെ​ത്തി.

മം​ഗ​ല്‍​പ്പാ​ടി താ​ലൂ​ക്ക് ആ​ശു​പ​ത്രി​യി​ലെ ഡോ. ​നി​ഷ​യെ രാ​വി​ലെ എ​ട്ടു മു​ത​ല്‍ ഉ​ച്ച​യ്ക്ക് ര​ണ്ടു​വ​രെ​യും ഡോ. ​മൈ​ഥി​ലി​യെ ഉ​ച്ച​യ്ക്ക് ര​ണ്ട് മു​ത​ല്‍ രാ​ത്രി എ​ട്ടു​വ​രെ​യും ഡോ. ​ഹ​രി​കൃ​ഷ്ണ​ന്‍, ഡോ. ​സ​നൂ​ജ് എ​ന്നി​വ​രെ ഒ​ന്നി​ട​വി​ട്ട ദി​വ​സ​ങ്ങ​ളി​ല്‍ രാ​ത്രി എ​ട്ടു മു​ത​ല്‍ രാ​വി​ലെ എ​ട്ടു​വ​രെ​യു​മാ​ണ് കേ​ര​ള​ത്തി​ന്‍റെ ഭാ​ഗ​ത്തു​നി​ന്ന് ത​ല​പ്പാ​ടി ചെ​ക്ക് പോ​സ്റ്റി​ല്‍ മെ​ഡി​ക്ക​ല്‍ ഓ​ഫീ​സ​റാ​യി നി​യോ​ഗി​ച്ചി​ട്ടു​ള്ള​ത്. 108 ആം​ബു​ല​ന്‍​സി​ന്‍റെ സേ​വ​ന​വും ഇ​വി​ടെ ല​ഭ്യ​മാ​ക്കും.

നി​ബ​ന്ധ​ന​ക​ൾ ക​ടു​ത്ത​ത്

കോ​വി​ഡ് ബാ​ധി​ച്ചി​ട്ടി​ല്ലാ​ത്ത​വ​രും കാ​സ​ര്‍​ഗോ​ഡ് ജി​ല്ല​യി​ല്‍ ചി​കി​ത്സ ല​ഭ്യ​മ​ല്ലാ​ത്ത കാ​ര്‍​ഡി​യാ​ക്, ന്യൂ​റോ, ആ​ര്‍.​ടി.​എ, പ്ര​സ​വാ​ന​ന്ത​ര സ​ങ്കീ​ര്‍​ണത​ക​ള്‍ എ​ന്നി​വ മൂ​ലം ഗു​രു​ത​രാ​വ​സ്ഥ​യി​ലു​ള്ള​തു​മാ​യ രോ​ഗി​ക​ളു​മാ​യി വ​രു​ന്ന സ​ര്‍​ക്കാ​ര്‍ ഉ​ട​മ​സ്ഥ​ത​യി​ലു​ള്ള ആം​ബു​ല​ന്‍​സു​ക​ള്‍​ക്കു മാ​ത്ര​മാ​ണ് പ്ര​വേ​ശ​നം അ​നു​വ​ദി​ക്കു​ക.

രോ​ഗി​ക​ള്‍ സ​മ്മ​ദി​ദാ​യ​ക തി​രി​ച്ച​റി​യ​ല്‍ രേ​ഖ/​പാ​സ്പോ​ര്‍​ട്ട്/ ആ​ധാ​ര്‍​കാ​ര്‍​ഡ് എ​ന്നി​വ​യി​ല്‍ ഒ​രു രേ​ഖ​യും ക​ര്‍​ണാ​ട​ക സ​ര്‍​ക്കാ​ര്‍ ത​ന്നി​ട്ടു​ള്ള ഫോ​ര്‍​മാ​റ്റി​ല്‍ കേ​ര​ള​ത്തി​ല്‍ നി​ന്നു​ള്ള ഗ​വ. മെ​ഡി​ക്ക​ല്‍ ഓ​ഫീ​സ​ര്‍ സാ​ക്ഷ്യ​പ്പെ​ടു​ത്തി​യ കോ​വി​ഡ് ക്രൈ​റ്റീ​രി​യ ചെ​ക്ക് ലി​സ്റ്റും കൈ​യി​ല്‍ ക​രു​ത​ണം.

രോ​ഗി വി​ദേ​ശ​രാ​ജ്യ​ങ്ങ​ളി​ലോ മ​റ്റ് സം​സ്ഥാ​ന​ങ്ങ​ളി​ലോ ത​ബ് ലീ​ഗ് ജ​മാ അ​ത്തി​ലോ യാ​ത്ര ചെ​യ്ത ആ​ള​ല്ലെ​ന്നും കോ​വി​ഡ് രോ​ഗ​ല​ക്ഷ​ണ​ങ്ങ​ള്‍ ഇ​ല്ലെ​ന്നും കോ​വി​ഡ് രോ​ഗി​ക​ളു​മാ​യി സ​മ്പ​ര്‍​ക്ക​മു​ണ്ടാ​യി​ട്ടി​ല്ലെ​ന്നും കാ​സ​ര്‍​ഗോ​ഡ് ചി​കി​ത്സ ല​ഭ്യ​മ​ല്ലാ​ത്ത​തും ക​ണ്ണൂ​രി​ലേ​ക്ക് കൊ​ണ്ടു​പോ​കാ​ന്‍ സാ​ധി​ക്കാ​ത്ത​തു​മാ​യ രോ​ഗി​യാ​ണെ​ന്നും കോ​വി​ഡ് ക്രൈ​റ്റീ​രി​യ ചെ​ക്ക് ലി​സ്റ്റി​ല്‍ മെ​ഡി​ക്ക​ല്‍ ഓ​ഫീ​സ​ര്‍ സാ​ക്ഷ്യ​പ്പെ​ടു​ത്ത​ണം.

ആം​ബു​ല​ന്‍​സ് കേ​ന്ദ്ര ആ​രോ​ഗ്യ കു​ടും​ബ ക്ഷേ​മ മ​ന്ത്രാ​ല​യ​ത്തി​ന്‍റെ മാ​ര്‍​ഗ നി​ര്‍​ദേ​ശാ​നു​സ​ര​ണം അ​ണു​വി​മു​ക്ത​മാ​ക്കി​യി​രി​ക്ക​ണം. രോ​ഗി​യോ​ടൊ​പ്പം ഒ​രു സ​ഹാ​യി​യെ​യും ഡ്രൈ​വ​റെ​യും ഒ​രു പാ​രാ മെ​ഡി​ക്ക​ല്‍ ജീ​വ​ന​ക്കാ​ര​നെ​യും മാ​ത്ര​മേ അ​നു​വ​ദി​ക്കൂ.

ക​ര്‍​ണ്ണാ​ട​ക​യു​ടെ ഭാ​ഗ​ത്തു നി​ന്നു​ള്ള മെ​ഡി​ക്ക​ല്‍ സം​ഘം ഈ ​നി​ബ​ന്ധ​ന​ക​ള്‍ പാ​ലി​ച്ചി​ട്ടു​ണ്ടോ​യെ​ന്ന് ഉ​റ​പ്പു വ​രു​ത്തും. പി ​പി ഇ ​കി​റ്റ്, ഐ​സോ​ലേ​ഷ​ന്‍ ഐ​സി യു ​എ​ന്നി​വ ആ​വ​ശ്യ​മാ​യി വ​ന്നാ​ല്‍ അ​വ​യു​ടെ ചെ​ല​വു​ക​ളും രോ​ഗി ത​ന്നെ വ​ഹി​ക്ക​ണം.

ചി​കി​ത്സ കാ​സ​ർ​ഗോ​ഡു​കാ​ർ​ക്ക് മാ​ത്രം

മം​ഗ​ളൂ​രു​വി​ൽ ചി​കി​ത്സ തേ​ടി​യി​രു​ന്ന​വ​ർ കൂ​ടു​ത​ലും ക​ണ്ണൂ​ർ ജി​ല്ല​യി​ൽ നി​ന്നു​ള്ള​വ​രാ​യി​രു​ന്നു. കാ​സ​ർ​ഗോ​ഡ് നി​വാ​സി​ക​ൾ​ക്ക് മാ​ത്ര​മാ​യി ചി​കി​ത്സ നി​ജ​പ്പെ​ടു​ത്തി​യ​തി​ൽ ബു​ദ്ധി​മു​ട്ടി​ലാ​കു​ന്ന​ത് ഭൂ​രി​ഭാ​ഗ​വും ക​ണ്ണൂ​ർ നി​വാ​സി​ക​ളാ​യി​രി​ക്കും.

മം​ഗ​ളൂ​രു​വി​ല്‍ നേ​ര​ത്തേ ചി​കി​ത്സ​യി​ലാ​യി​രു​ന്ന രോ​ഗി​ക​ളു​ടെ തു​ട​ര്‍ ചി​കി​ത്സ​യു​മാ​യി ബ​ന്ധ​പ്പെ​ട്ട് ക​ണ്ണൂ​ര്‍ ജി​ല്ല​യി​ല്‍ നി​ന്നെ​ത്തി​യ ര​ണ്ട് ആം​ബു​ല​ന്‍​സു​ക​ളാ​ണ് ഇ​ന്ന​ലെ ത​ല​പ്പാ​ടി​യി​ല്‍ ത​ട​ഞ്ഞ് തി​രി​ച്ച​യ​ച്ച​ത്.

ഒ​രു​വ​ര്‍​ഷം മു​മ്പ് പ​ട​ക്കം പൊ​ട്ടി​ത്തെ​റി​ച്ച് പൊ​ള്ള​ലേ​റ്റ​തി​നെ​ത്തു​ട​ര്‍​ന്ന് മം​ഗ​ളു​രു ഹൈ​ലാ​ന്‍​ഡ് ആ​ശു​പ​ത്രി​യി​ല്‍ പ്ലാ​സ്റ്റി​ക്ക് സ​ര്‍​ജ​റി​ക്ക് വി​ധേ​യ​നാ​യി​രു​ന്ന മാ​ങ്ങാ​ട്ടു​പ​റ​മ്പി​ല്‍ നി​ന്നു​ള്ള പ​തി​മൂ​ന്നു​കാ​ര​നും യേ​ന​പ്പോ​യ മെ​ഡി​ക്ക​ല്‍ കോ​ള​ജി​ല്‍ മൂ​ക്കി​ന് ശ​സ്ത്ര​ക്രി​യ ക​ഴി​ഞ്ഞ് ബ​യോ​പ്‌​സി പ​രി​ശോ​ധ​ന റി​പ്പോ​ര്‍​ട്ട് കാ​ത്തി​രി​ക്കു​ന്ന പ​യ്യ​ന്നൂ​ര്‍ സ്വ​ദേ​ശി​നി​യാ​യ അ​റു​പ​തു​കാ​രി​യു​മാ​ണ് ഇ​ന്ന​ലെ അ​തി​ര്‍​ത്തി​യി​ല്‍ മ​ണി​ക്കൂ​റു​ക​ള്‍ കാ​ത്തി​രു​ന്ന ശേ​ഷം അ​തേ ആം​ബു​ല​ന്‍​സു​ക​ളി​ല്‍ മ​ട​ങ്ങി​യ​ത്.

കാ​സ​ര്‍​ഗോ​ഡ് ജി​ല്ല​യി​ല്‍ നി​ന്നു​ള്ള രോ​ഗി​ക​ള​ല്ലാ​ത്ത​തി​നാ​ല്‍ ഇ​പ്പോ​ള്‍ അം​ഗീ​ക​രി​ക്ക​പ്പെ​ട്ട നി​ബ​ന്ധ​ന​ക​ള്‍ പ്ര​കാ​ര​വും ഇ​വ​ര്‍​ക്ക് തു​ട​ര്‍ ചി​കി​ത്സ​യ്ക്ക് വ​രാ​നാ​കാ​ത്ത അ​വ​സ്ഥ​യാ​ണ്.