കു​ടുംബ ക​ല​ഹം; ഭർത്താവിന്‍റെ അടിയേറ്റ് ഭാര്യ മരിച്ചു; മകനോടൊപ്പം സ്റ്റേഷനിലെത്തി കീഴടങ്ങി യുവാവ്; പ്ര​തി പ്ര​ജി​ത്ത് മ​ദ്യ​പി​ച്ചു വ​ഴ​ക്കു​ണ്ടാ​ക്കു​ന്ന ആളല്ലെന്ന് നാട്ടുകാർ

തു​റ​വൂ​ർ: കു​ടു​ബ ക​ല​ഹ​ത്തെ​ത്തു​ട​ർ​ന്ന് അ​ടി​യേ​റ്റ് യുവതി മ​രി​ച്ചു. പ​ട്ട​ണ​ക്കാ​ട് പ​ഞ്ചാ​യ​ത്ത് ഏ​ഴാം വാ​ർ​ഡി​ൽ പ​ടി​ഞ്ഞാ​റെ ചാ​ണി വീ​ട് പ്ര​ജി​ത്തി​ന്‍റെ ഭാ​ര്യ സൗ​മ്യ (31) ആ​ണ് മ​രി​ച്ച​ത്. പ്ര​ജി​ത്ത് (40) പി​ന്നീ​ട് പ​ട്ട​ണ​ക്കാ​ട് പോ​ലീ​സ് സ്റ്റേ​ഷ​നി​ലെ​ത്തി കീ​ഴ​ട​ങ്ങി.

ഇ​ന്ന് പു​ല​ർ​ച്ചെ അ​ഞ്ചോ​ടെ​യാ​യി​രു​ന്നു സം​ഭ​വം. കോ​ടാ​ലി​യു​ടെ പി​ൻ​ഭാ​ഗം കൊ​ണ്ട് ത​ല​യ്ക്കേ​റ്റ അ​ടി​യാ​ണ് മ​ര​ണ​കാ​ര​ണ​മെ​ന്ന് പോ​ലീ​സ് പ​റ​ഞ്ഞു . ര​ണ്ട​ര വ​ർ​ഷം മു​ന്പാ​യി​രു​ന്നു ഇ​വ​രു​ടെ വി​വാ​ഹം. പ​ല​പ്പോ​ഴാ​യി ഭാ​ര്യ​യും ഭ​ർ​ത്താ​വും ത​മ്മി​ൽ വ​ഴ​ക്കു​ണ്ടാ​കു​മാ​യി​രു​ന്നു.

പ​രാ​തി ന​ൽ​കി​യ​തി​നെ തു​ട​ർ​ന്ന് പോ​ലീ​സ് കൗ​ണ്‍​സിലിം​ഗ് ന​ൽ​കി​യി​ട്ടു​ള്ള​താ​യും ബ​ന്ധു​ക്ക​ൾ പ​റ​ഞ്ഞു. ഇ​ന്ന​ലെ പ​ക​ലും ഇ​രു​വ​രും ത​മ്മി​ൽ വാ​ക്ക് ത​ർ​ക്കം ഉ​ണ്ടാ​യി​രു​ന്നു. ഇ​വ​രു​ടെ ര​ണ്ടു വ​യ​സു​ള്ള കു​ട്ടി​യെ തൊ​ട്ട​ടു​ത്തു​ള്ള ചേ​ട്ട​ന്‍റെ വീ​ട്ടി​ൽ നി​ന്ന് ഇ​ന്ന​ലെ രാ​ത്രി പ​ത്തോ​ടെ ഇ​രു​വ​രും ചേ​ർ​ന്ന് ഇ​വ​രു​ടെ വീ​ട്ടി​ലേ​ക്ക് കൊ​ണ്ടു​പോ​ന്നി​രു​ന്നു.

ഇ​ന്ന് പു​ല​ർ​ച്ചേ അ​ഞ്ചോ​ടെ പ്ര​ജി​ത്ത് മ​ക​നു​മൊ​ത്ത്ജ്യേ​ഷ്ഠ​ന്‍റെ വീ​ട്ടി​ലെ​ത്തി ഭാ​ര്യ​യെ കൊ​ല​പ്പെ​ടു​ത്തി​യ വി​വ​രം പ​റ​യു​ന്പോ​ഴാ​ണ് സം​ഭ​വം മ​റ്റു​ള്ള​വ​ർ അ​റി​യു​ന്ന​ത്. ബ​ന്ധു​ക്ക​ൾ അ​റി​യി​ച്ച​തി​നെ തു​ട​ർ​ന്ന് പ​ട്ട​ണ​ക്കാ​ട് പോ​ലീ​സെ​ത്തി​യ​പ്പോ​ൾ സൗ​മ്യ​യ്ക്ക് ജീ​വ​ൻ ഉ​ള്ള​താ​യി ക​ണ്ടു.

ഉ​ട​ൻ പോ​ലീ​സും ബ​ന്ധു​ക്ക​ളും ചേ​ർ​ന്ന് ചേ​ർ​ത്ത​ല താ​ലൂ​ക്ക് ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല. പ്ര​തി പ്ര​ജി​ത്ത് മ​ദ്യ​പി​ച്ചു വ​ഴ​ക്കു​ണ്ടാ​ക്കു​ന്ന ആ​ളാ​യി​രു​ന്നി​ല്ലെ​ന്ന് നാ​ട്ടു​കാ​ർ പ​റ​ഞ്ഞു.