കൊച്ചി: സംസ്ഥാനത്ത് ഇന്ധനവില മാറ്റമില്ലാതായിട്ട് ഇന്നേയ്ക്ക് ഒരു മാസം പിന്നിടുന്നു. തുടർച്ചയായ 30-ാം ദിനത്തിലും സംസ്ഥാനത്ത് ഇന്ധനവില വർധിക്കുകയോ, കുറയുകയോ ചെയ്തിട്ടില്ല.
കഴിഞ്ഞ 16 ന് പെട്രോളിന് 17 പൈസയും ഡീസലിന് 16 പൈസയും കുറഞ്ഞശേഷം ഇന്ധനവില പിന്നീട് ഇതേ നിലവാരത്തിൽ തുടരുകയാണ്. കൊച്ചിയിൽ പെട്രോൾ വില ലിറ്ററിന് 71.57 രൂപയും ഡീസൽ വില 65.85 രൂപയിലും തുടരുന്പോൾ തിരുവനന്തപുരത്താകട്ടെ പെട്രോൾ വില 72.99 രൂപയും ഡീസൽ വില 67.19 രൂപയുമാണ്.
