തെസ്പുർ: ആസാമിലെ ബിസ്വന്ത് ജില്ലയിൽ നഴ്സുമാരെ ശാരീരികമായി പീഡിപ്പിക്കാൻ ശ്രമിച്ച നാലു പേർ അറസ്റ്റിൽ. ആശുപത്രിയിൽ ഡ്യൂട്ടിക്ക് പോകുകയായിരുന്ന മൂന്നു നഴ്സുമാരെയാണ് ഇവർ ഉപദ്രവിക്കാൻ ശ്രമിച്ചത്. മൂന്നു നഴ്സുമാരും ഉത്തർപ്രദേശിലെ ലക്കിംപുർ സ്വദേശികളാണ്.
ശനിയാഴ്ച രാത്രി ദഗാവിലെ പെട്രോൾ പമ്പിന് മുന്നിൽ വച്ചായിരുന്നു സംഭവം. നഴ്സുമാർ ബഹളം വച്ചതോടെ ആൾ‌ക്കാർ ഓടിക്കൂടി. നാലംഗ സംഘത്തിൽ ഒരാളെ നാട്ടുകാർ പിടികൂടി പോലീസിന് കൈമാറി. രക്ഷപെട്ടോടിയ മൂന്നു പേരെ ഞായറാഴ്ച രാവിലെയോടെ പോലീസ് അറസ്റ്റ് ചെയ്തു.
