ബേസില്‍ ജോസഫ് വിനീത് ശ്രീനിവാസനെ നായകനാക്കി സംവിധാനം ചെയ്ത മുഴുനീള കോമഡി സിനിമയായിരുന്നു കുഞ്ഞിരാമായണം.
ധ്യാന്‍ ശ്രീനിവാസന്‍, ബിജു മേനോന്‍, അജു വര്‍ഗീസ്, ശ്രിദ്ധ, ആര്യ, റിമി ടോമി, ഇന്ദ്രന്‍സ്, സീമ ജി നായര്‍ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചത്.
2015ലാണ് ചിത്രം തീയേറ്ററുകളില്‍ എത്തിയത്. ഇപ്പോഴിതാ ചിത്രം വീണ്ടും ചര്‍ച്ചാവിഷയമായിരിക്കുകയാണ് കുഞ്ഞിരാമായണത്തിന്റെ പുതിയ ട്രെയിലറാണ് ഇതിന് കാരണം.
വീഡിയോ എഡിറ്ററായ അരുണ്‍ പിജിയാണ് ഈ പുതിയ ട്രെയിലറിന് പിന്നില്‍. കുഞ്ഞിരാമായണം ഒരു ഹൊറര്‍ ത്രില്ലര്‍ ആയിരുന്നെങ്കിലൊ? അതിന്റെ ട്രെയിലര്‍ എങ്ങനെ ആയിരിക്കും.
കണ്ടു നോക്കൂ എന്ന അടിക്കുറിപ്പോടെ അരുണ്‍ ഈ പുതിയ ട്രെയിലര്‍ തന്റെ ഫേസ്ബുക്കില്‍ പോസ്റ്റ് ചെയ്തിരിക്കുന്നത്.
എന്തായാലും ഈ വീഡിയോ ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുകയാണ്.
ഈ പുതിയ ട്രെയിലറിന് കുഞ്ഞിരാമായണത്തിന്റെ തിരക്കഥാകൃത്ത് ദീപു പ്രദീപും സംവിധായകന്‍ ബേസില്‍ ജോസഫും അഭിനന്ദിക്കുകയും ചെയ്തിട്ടുണ്ട്.
എന്തായാലും ഇതോടെ കുഞ്ഞിരാമായണത്തിന്റെ രണ്ടാം ഭാഗം വരുമോയെന്ന കൗതുകത്തിലാണ് സിനിമാപ്രേമികള്‍.
