കൊയിലാണ്ടി: കൊയിലാണ്ടിയിൽ മോഷണം. മുത്താമ്പി റോഡിലുള്ള അയ്യപ്പൻ ലോട്ടറിയുടെ കോർപ്പറേറ്റ് ഓഫീസിലാണ് കള്ളൻ കയറിയത്. ഇന്നു രാവിലെ ഓഫീസ് തുറക്കാനെത്തിയ ജീവനക്കാരാണ് ഷട്ടറിന്‍റെ പൂട്ട് തകർന്ന നിലയിൽ കണ്ടത്.
കൊയിലാണ്ടി പോലീസ് എത്തി നടപടികൾ ആരംഭിച്ചു. പണം, ചെക്കുകൾ, മറ്റ് ഡോക്യൂമെന്‍റുകൾ എന്നിവ നഷ്ടപ്പെട്ടതായാണ് പ്രാഥമിക വിവരം.
ഗ്യാസ് കട്ടർ ഉപയോഗിച്ചാണ് ഷട്ടർ തകർത്തതെന്നാണ് കരുതുന്നത്. സമീപത്തെ ബഷീർ സ്റ്റോർ, ഐഡിയൽ സ്റ്റോർ എന്നിവിടങ്ങളിലും മോഷണശ്രമം നടന്നിട്ടുണ്ട്.
കടയിലെ സിസിടിവിയിൽ മോഷ്ടാവിന്‍റെ ചിത്രം പതിഞ്ഞിട്ടുണ്ടെങ്കിലും മുഖം മറച്ചിട്ടുണ്ട്. രജീഷിന്‍റെ ഉടമസ്ഥതയിലുള്ളതാണ് അയ്യപ്പൻ ലോട്ടറി.
