മുംബൈ: ബോളിവുഡ് നടന്‍ സുശാന്ത് സിംഗിനെ വസതിയില്‍ മരിച്ചനിലയില്‍ കണ്ടെത്തിയ സംഭവം കൊലപാതകമെന്ന് സംശയിച്ച് കുടുംബാംഗങ്ങൾ. സുശാന്ത് ആത്മഹത്യ ചെയ്യുമെന്ന് കരുതുന്നില്ലെന്നും മരണത്തിൽ ദുരൂഹതയുണ്ടെന്നും സുശാന്തിന്‍റെ അമ്മാവൻ മാധ്യമങ്ങളോട് പ്രതികരിച്ചു.
സുശാന്തിന്‍റെ സംസ്കാര ചടങ്ങുകൾ ഇന്ന് മുംബൈ ജുഹുവിൽ നടക്കുമെന്നും കുടുംബം അറിയിച്ചു. കഴിഞ്ഞ ദിവസം രാവിലെ ബാന്ദ്രയിലെ വസതിയിലാണ് നടനെ മരിച്ച നിലയില്‍ കണ്ടെത്തിയത്. 34 വയസായിരുന്നു. ആത്മഹത്യയാണെന്നാണ് പോലീസിന്‍റെ പ്രാഥമിക സ്ഥിരീകരണം.
