ആക്ഷൻ സീനുകളിൽ തികഞ്ഞ മെയ്‌വഴക്കമാണ് മോഹൻലാൽ പ്രദർശിപ്പിക്കുന്നത്. പലപ്പോഴും തന്‍റെ മെയ്‌വഴക്കം കൊണ്ട് ആരാധകരെ അന്പരപ്പിച്ചിട്ടുണ്ട് മോഹൻലാൽ. 1977-78 കാലഘട്ടത്തിലെ കേരള സംസ്ഥാന തലത്തിലെ ഗുസ്തി ചാമ്പ്യനായിരുന്നയാളാണ് മോഹൻലാൽ.
ഇപ്പോൾ മോഹൻലാലിന്‍റെ മകൾ വിസ്മയ മോഹൻലാലിന്‍റെ ആയോധന കലാ പരിശീലനം സോഷ്യൽ മീഡിയയിൽ വൈറലായിരിക്കുകയാണ്. വിസ്മയയുടെ ആക്‌ഷന്‍ വീഡിയോ ഇൻസ്റ്റഗ്രാമിൽ ആണ് തരംഗം സൃഷ്ടിച്ചിരിക്കുന്നത്.
ആക്ഷൻ രംഗങ്ങളിൽ അച്ഛൻ കാട്ടുന്ന അതേ ചടുലതയാണ് വിസ്മയയും വീഡിയോയിൽ കാഴ്ച വച്ചിരിക്കുന്നത്. തായ്‌ലാന്‍ഡിലെ ഫിറ്റ്‍കോ ഫിറ്റ്‍നെസ് ക്യാംപിൽ ടോണി ഒലിൻ എന്ന പരിശീലകന്‍റെ ശിക്ഷണത്തിൽ ആയോധനകല അഭ്യസിക്കുന്ന വിഡിയോയാണ് വിസ്മയ പങ്കുവെച്ചിരിക്കുന്നത്.
ആക്ഷൻ രംഗങ്ങളിൽ തിളങ്ങാൻ കഴിയുമെന്ന് സഹോദരൻ പ്രണവും തെളിയിച്ചിട്ടുള്ളതാണ്. പ്രണവിന്‍റെ ആദി എന്ന സിനിമയിലൂടെയായിരുന്നു പാര്‍കൗര്‍ ആക്ഷൻ ആദ്യമായി മലയാളത്തിൽ അവതരിപ്പിക്കപ്പെട്ടത്.
