കടയ്ക്കല്‍ : വീട്ടില്‍ അതിക്രമിച്ച് കടന്നു ഭാര്യാമാതാവിനെ മര്‍ദിക്കുകയും ഇവരുടെ കഴുത്തില്‍ ഉണ്ടായിരുന്ന സ്വര്‍ണ മാല അപഹരിക്കുകയും ചെയ്ത കേസില്‍ പ്രതിയായ മരുമകന്‍ അറസ്റ്റില്‍.
കടയ്ക്കല്‍ കുമ്മിൾ വട്ടത്താമര പ്ലാങ്കീഴ് ഈട്ടിവിള പുത്തൻ വീട്ടിൽ ഷാനവാസ് കലാം (57) ആണ് കടയ്ക്കല്‍ പോലീസിന്‍റെ പിടിയിലായത്.
ഷാനവാസ് കലാമിന്‍റെ ഭാര്യ ഇയാളുമായി പിണങ്ങി മാതാവിനോടൊപ്പമാണ് താമസിച്ച് വന്നിരുന്നതിനാലും വസ്തു വില്‍പ്പന നടത്തി പണം നല്‍കാത്തതിലുമുള്ള വിരോധം നിമിത്തം ഇയാള്‍ ആക്രമണം നടത്തുകയായിരുന്നുവെന്ന് പോലീസ് പറഞ്ഞു.
സിഐ രാജേഷിന്‍റെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്.
