ആശങ്കപ്പെടേണ്ടതില്ല, ജാഗ്രത കൈവെടിയരുത്; ചികിത്സയിലിരുന്ന രോ​ഗി​ക്ക് കോ​വി​ഡ്; ആലപ്പുഴ മെഡിക്കൽ കോ​ളജിൽ അഞ്ചു ഡോ​ക്ട​ർ​മാ​ർ ഉൾപ്പെടെ 21 പേർ ക്വാറന്‍റൈനിൽ

അ​ന്പ​ല​പ്പു​ഴ: ആ​ല​പ്പു​ഴ മെ​ഡി​ക്ക​ൽ കോ​ളജ് ആ​ശു​പ​ത്രി​യി​ൽ മെ​ഡി​സി​ൻ വി​ഭാ​ഗ​ത്തി​ൽ അ​ഡ്മി​റ്റ് ആ​യി​രു​ന്ന രോ​ഗി​ക്ക് കോ​വി​ഡ്. ഡോ​ക്ട​ർ​മാ​ര​ട​ക്കം നി​ര​വ​ധി പേ​ർ ക്വാ​റ​ന്‍റൈനി​ൽ. മു​ഹ​മ്മ സ്വ​ദേ​ശി​യാ​യ 50 വ​യ​സു​കാ​ര​നാ​ണ് കോ​വി​ഡ് സ്ഥി​രീ​ക​രി​ച്ച​ത്.​ 21 നാ ണ് ഇ​ദ്ദേ​ഹ​ത്തെ മെ​ഡി​സി​ൻ വി​ഭാ​ഗം പ​തി​നാ​ലാം വാ​ർ​ഡി​ൽ പ്ര​വേ​ശി​പ്പി​ച്ച​ത്.​

പി​ന്നീ​ട് ന​ട​ത്തി​യ സ്ര​വ പ​രി​ശോ​ധ​ന​യി​ൽ രോ​ഗം സ്ഥി​രീ​ക​രി​ച്ചു. ഇ​തി​നുശേ​ഷം ഇ​ദ്ദേ​ഹ​ത്തെ കോ​വി​ഡ് വാ​ർ​ഡി​ലേ​ക്കു മാ​റ്റി. ഇവിടെ ചി​കി​ത്സ​യി​ൽ ക​ഴി​ഞ്ഞി​രു​ന്ന നാ​ലു രോ​ഗി​ക​ളും അ​വ​രു​ടെ കൂ​ട്ടി​രി​പ്പു​കാ​രും ക്വാ​റ​ന്‍റൈനി​ൽ പോ​കാ​ൻ നി​ർ​ദേ​ശം ന​ൽ​കി.​

ഇ​തു കൂ​ടാ​തെ രോ​ഗി​യു​മാ​യി സ​ന്പ​ർ​ക്ക​ത്തി​ലേ​ർ​പ്പെ​ട്ട അഞ്ചു ഡോ​ക്ട​ർ​മാ​ർ, ആറു ന​ഴ്സു​മാ​ർ, നാലു ഹൗ​സ് സ​ർ​ജ​ൻ​മാ​ർ, മൂന്നു അ​റ്റ​ന്‍ഡർമാ​ർ, ഇ​സിജി ടെ​ക്നീ​ഷ്യ​ൻ, ലാ​ബ് ടെ​ക്നീ​ഷ്യ​ൻ, റേ​ഡി​യോ​ഗ്രാ​ഫ​ർ എ​ന്നി​വ​ര​ട​ക്കം മ​റ്റ് 21 പേ​രും ക്വാ​റ​ന്‍റൈനി​ൽ ക​ഴി​യാ​ൻ നി​ർ​ദേ​ശം ന​ൽ​കി.

രോ​ഗി​ക്ക് കോ​വി​ഡ് സ്ഥി​രീ​ക​രി​ച്ച​തോ​ടെ പ​തി​നാ​ലാം വാ​ർ​ഡ് അ​ണു​വി​മു​ക്ത​മാ​ക്കി. ആ​ശ​ങ്ക​പ്പെ​ടേ​ണ്ട​തി​ല്ലെ​ന്ന് ആ​ശു​പ​ത്രി അ​ധി​കൃ​ത​ർ അ​റി​യി​ച്ചു.​ സാ​ഹ​ച​ര്യ​ങ്ങ​ൾ വി​ല​യി​രു​ത്താ​ൻ അ​ടി​യ​ന്തര യോ​ഗ​വും ചേ​ർ​ന്നി​രു​ന്നു.