ക​യ്പ​മം​ഗ​ലം ജ്വ​ല്ല​റി ക​വ​ർ​ച്ച , ഉ​ട​മ ച​മ​ച്ച ക​ഥ​യെ​ന്ന് സം​ശ​യം; ക​വ​ർ​ച്ച ന​ട​ന്നി​ട്ടി​ല്ലെ​ന്ന് പോ​ലീ​സ്

തൃ​ശൂ​ർ:  ക​യ്പ​മം​ഗ​ലം മൂ​ന്നു​പീ​ടി​ക​യി​ലെ ജ്വ​ല്ല​റി ക​വ​ർ​ച്ച കേ​സ് കെ​ട്ടു​ക​ഥ​യെ​ന്ന് പോ​ലീ​സ് നി​ഗ​മ​നം. വി​ശ​ദ​മാ​യ അ​ന്വേ​ഷ​ണം തു​ട​രു​ന്പോഴും ക​വ​ർ​ച്ച​ക്കേ​സി​ൽ സ്വ​ർ​ണം ന​ഷ്ട​പ്പെ​ട്ടി​ട്ടി​ല്ലെ​ന്ന് പോ​ലീ​സ് ത​റ​പ്പി​ച്ചു പ​റ​യു​ന്നു.

മോ​ഷ​ണം ന​ട​ന്നു​വെ​ന്നു പ​റ​യു​ന്ന ഗോ​ൾ​ഡ് ഹാ​ർ​ട്ട് ജ്വ​ല്ല​റി​യി​ൽ സ്വ​ർ​ണം ഉ​ണ്ടാ​യി​രു​ന്നി​ല്ലെ​ന്നാ​ണ് പോ​ലീ​സ് പ​റ​യു​ന്ന​ത്. പ​രാ​തി​ക്കാ​ര​നാ​യ ജ്വ​ല്ല​റി ഉ​ട​മ​യെ​യും ജീ​വ​ന​ക്കാ​ര​നെ​യും വി​ശ​ദ​മാ​യി ചോ​ദ്യം ചെ​യ്ത​തി​ൽ നി​ന്നാ​ണ് ഈ ​നി​ർ​ണാ​യ​ക​വി​വ​ര​ങ്ങ​ൾ ല​ഭി​ച്ച​ത്.

ഏ​റെ സാ​ന്പ​ത്തി​ക ബാ​ധ്യ​ത​ക​ളു​ള്ള ജ്വ​ല്ല​റി ഉ​ട​മ ആ​സൂ​ത്ര​ണം ചെ​യ്ത നാ​ട​ക​മാ​യി​രു​ന്നോ ക​വ​ർ​ച്ചാ​ക്ക​ഥ​യെ​ന്ന് പോ​ലീ​സ് സം​ശ​യി​ക്കു​ന്നു. ജ്വ​ല്ല​റി​യു​ടെ ഭി​ത്തി കു​ത്തി​ത്തു​ര​ന്നി​ട്ടു​ണ്ടെ​ങ്കി​ലും ഇ​ത് മോ​ഷ്ടാ​ക്ക​ൾ ചെ​യ്ത​ത​ല്ലെ​ന്നാ​ണ് പോ​ലീ​സ് ക​രു​തു​ന്ന​ത്.

ജ്വ​ല്ല​റി​യി​ലെ ലോ​ക്ക​റി​ൽ സൂ​ക്ഷി​ച്ചി​രു​ന്ന സ്വ​ർ​ണം ന​ഷ്ട​മാ​യെ​ന്നാ​യി​രു​ന്നു പ​രാ​തി. എ​ന്നാ​ൽ സ​യ​ന്‍റി​ഫി​ക് വി​ദ​ഗ്ധ​രും ഫോ​റ​ൻ​സി​ക് വി​ദ​ഗ്ധ​രും ലോ​ക്ക​ർ പ​രി​ശോ​ധി​ച്ച​പ്പോ​ൾ ലോ​ക്ക​ർ കു​ത്തി​ത്തു​റ​ക്കു​ക​യോ ഡ്യൂ​പ്ലി​ക്കേ​റ്റ് താ​ക്കോ​ലി​ട്ട് തു​റ​ക്കു​ക​യോ മ​റ്റേ​തെ​ങ്കി​ലും മെ​റ്റ​ൽ ഉ​പ​ക​ര​ണം കൊ​ണ്ട് തു​റ​ക്കാ​ൻ ശ്ര​മി​ക്കു​ക​യോ ചെ​യ്തി​ട്ടി​ല്ലെ​ന്ന് മ​ന​സി​ലാ​യി.

ലോ​ക്ക​ർ കു​ത്തി​ത്തു​റ​ന്നി​ട്ടി​ല്ലെ​ന്നും ഒ​റി​ജി​ന​ൽ താ​ക്കോ​ൽ ഉ​പ​യോ​ഗി​ച്ച് ലോ​ക്ക​ർ തു​റ​ക്കു​ക​യോ ലോ​ക്ക​ർ അ​ട​യ്ക്കാ​തി​രി​ക്കു​ക​യോ ആ​ണ് സം​ഭ​വി​ച്ചി​രി​ക്കു​ന്ന​തെ​ന്ന് സ​യ​ന്‍റി​ഫി​ക് വി​ദ​ഗ്ധ​ർ വ്യ​ക്ത​മാ​ക്കുന്നു.

ഇ​വ​ർ ഇ​ക്കാ​ര്യം ത​റ​പ്പി​ച്ചു പ​റ​ഞ്ഞ​തോ​ടെ സ്വ​ർ​ണം ലോ​ക്ക​റി​ലാ​യി​രു​ന്നി​ല്ലെ​ന്ന് ഉ​ട​മ മൊ​ഴി​മാ​റ്റി​യ​തോ​ടെ പോ​ലീ​സി​ന് നാ​ട​ക​ത്തി​ന്‍റെ കി​ട​പ്പ് മ​ന​സി​ലാ​യി. ഇ​തെ തു​ട​ർ​ന്ന് പോ​ലീ​സ് ഇ​യാ​ളു​ടെ സാ​ന്പ​ത്തി​ക ഇ​ട​പാ​ടു​ക​ൾ സം​ബ​ന്ധി​ച്ച് വി​ശ​ദ​മാ​യി അ​ന്വേ​ഷി​ക്കു​ക​യാ​യി​രു​ന്നു.

ആ​റു​കി​ലോ സ്വ​ർ​ണം സ്റ്റോ​ക്കു​ണ്ടെ​ന്നു കാ​ണി​ച്ച് ബാ​ങ്കി​ൽ​നി​ന്ന് ഉ​ട​മ വ​ൻ​തു​ക വാ​യ്പ​യെ​ടു​ത്തി​ട്ടു​ണ്ട്. ഈ ​വാ​യ്പ​യ്ക്ക് ബാ​ങ്ക് ഇ​ൻ​ഷ്വറ​ൻ​സ് പ​രി​ര​ക്ഷ ഏ​ർ​പ്പെ​ടു​ത്തി​യി​ട്ടു​മു​ണ്ട്.

സ്വ​ർ​ണം ന​ഷ്ട​പ്പെ​ട്ട​താ​യി കാ​ണി​ച്ച് വാ​യ്പ തി​രി​ച്ച​ട​വി​ൽ​നി​ന്ന് ര​ക്ഷ​പ്പെ​ടാ​നാ​യി ഉ​ട​മ കെ​ട്ടി​ച്ച​മ​ച്ച ക​ഥ​യാ​ണോ മോ​ഷ​ണ​മെ​ന്നും പോ​ലീ​സ് സം​ശ​യി​ക്കു​ന്നു​ണ്ട്. നി​ര​വ​ധി​യാ​ളു​ക​ളി​ൽ​നി​ന്നും പ​ണം നി​ക്ഷേ​പ​മാ​യി സ്വീ​ക​രി​ച്ച് പ​ല​വി​ധ ബി​സി​ന​സു​ക​ൾ ന​ട​ത്തി​യ ഉ​ട​മ​യ്ക്ക് ഇ​തി​ൽ ക​ന​ത്ത ന​ഷ്ടം സം​ഭ​വി​ച്ചി​രു​ന്ന​താ​യും പോ​ലീ​സി​ന് സൂ​ച​ന ല​ഭി​ച്ചി​ട്ടു​ണ്ട്.

ജ്വല്ല​റി​യു​ടെ ഭി​ത്തി കു​ത്തി​ത്തു​ര​ന്ന് ആ​രോ അ​ക​ത്തു​ക​ട​ന്നി​ട്ടു​ണ്ടെ​ന്ന​ത് ശ​രി​യാ​ണെ​ന്ന് പോ​ലീ​സ് സ​മ്മ​തി​ക്കു​ന്നു​ണ്ട്. എ​ന്നാ​ൽ, ഉ​ട​മ പ​റ​യും​പോ​ലെ ഭൂ​മി​ക്ക​ടി​യി​ലെ ര​ഹ​സ്യ അ​റ തു​റ​ന്നി​ട്ടി​ല്ലെ​ന്നും അ​തി​ൽ സ്വ​ർ​ണം സൂ​ക്ഷി​ച്ചി​രു​ന്നി​ല്ലെ​ന്നും പോ​ലീ​സ് ക​ണ്ടെ​ത്തി.

അ​തേ​സ​മ​യം ക​ട​യി​ലെ സെ​യി​ൽ​സ് കൗ​ണ്ട​റി​ലെ മേ​ശ​പ്പു​റ​ത്തു​ണ്ടാ​യി​രു​ന്ന ആ​ഭ​ര​ണ​ങ്ങ​ൾ സ്വ​ർ​ണ​മാ​യി​രു​ന്നി​ല്ല.ജ്വല്ല​റി​യു​ടെ ഭി​ത്തി തു​ര​ന്ന് അ​ക​ത്തു​ക​ട​ന്ന​ത് ആ​രാ​ണെ​ന്ന​തി​നെ​ക്കു​റി​ച്ച് അ​ന്വേ​ഷ​ണം ന​ട​ക്കു​ന്നു​ണ്ടെ​ന്ന് ഇ​രി​ങ്ങാ​ല​ക്കു​ട ഡി​വൈ.​എ​സ്.​പി. ഫെ​യ്മ​സ് വ​ർ​ഗീ​സ് പ​റ​ഞ്ഞു.

വെ​ള്ളി​യാ​ഴ്ച രാ​വി​ലെ പ​ത്തോ​ടെ​യാ​ണ് ജ്വ​ല്ല​റി മോ​ഷ​ണ​ക്ക​ഥ പു​റ​ത്ത​റി​യു​ന്ന​ത്. ആ​റു​മാ​സ​മാ​യി ക​ച്ച​വ​ട​വും ആ​ള​ന​ക്ക​വു​മി​ല്ലാ​തെ കി​ട​ന്ന ഗോ​ൾ​ഡ് ഹാ​ർ​ട്ട് ജ്വല്ല​റി കു​ത്തി​ത്തു​ര​ന്ന്് മൂ​ന്നേ​കാ​ൽ കി​ലോ സ്വ​ർ​ണം ക​വ​ർ​ന്നു​വെ​ന്നാ​ണ് പ​രാ​തി.

ന​ഷ്ട​പ്പെ​ട്ടു​വെ​ന്ന് പ​റ​യു​ന്ന സ്വ​ർ​ണം കൈ​വ​ശം വെ​ക്കാ​നു​ള്ള സാ​ന്പ​ത്തി​ക ഭ​ദ്ര​ത ഇ​യാ​ൾ​ക്കി​ല്ലെ​ന്നാ​ണ് പോ​ലീ​സി​ന് അ​ന്വേ​ഷ​ണ​ത്തി​ൽ വ്യ​ക്ത​മാ​യി​രി​ക്കു​ന്ന​ത്.

യ​ഥാ​ർ​ത്ഥ​ത്തി​ൽ മോ​ഷ്ടാ​ക്ക​ൾ ഭി​ത്തി തു​ര​ന്ന് ജ്വ​ല്ല​റി​ക്ക​ക​ത്ത് ക​ട​ന്ന് ഒ​ന്നും കി​ട്ടാ​തെ മ​ട​ങ്ങി​യി​രി​ക്കു​മെ​ന്നും ഭി​ത്തി തു​ര​ന്ന​ത് ക​ണ്ട​പ്പോ​ൾ ഉ​ട​മ​യു​ടെ ത​ല​യി​ൽ ഉ​ദി​ച്ച ഐ​ഡി​യ​യാ​ണോ മോ​ഷ​ണ​ക്ക​ഥ​യെ​ന്നും പോ​ലീ​സ് പ​രി​ശോ​ധി​ക്കു​ന്നു​ണ്ട്.

ഫോ​റ​ൻ​സി​ക് വി​ദ​ഗ്ധ​ർ വി​ശ​ദ​മാ​യ പ​രി​ശോ​ധ​ന​യാ​ണ് ന​ട​ത്തു​ന്ന​ത്.
ജ്വ​ല്ല​റി​യി​ലെ സി​സി ​ടി​വി കാ​മ​റ​ക​ൾ പ്ര​വ​ർ​ത്ത​ന​ര​ഹി​ത​മാ​യി​രു​ന്നു.