നെടുംപൊയിൽ(കണ്ണൂർ): വാരപീടികയിൽ ബസിൽ കയറുന്നതിനിടെ വീണ് ഗർഭിണിയായ നഴ്സ് മരിച്ചു. പെരുംന്തോടിയിലെ കുരീക്കാട് മറ്റത്തിൽ ബിനുവിന്‍റെ ഭാര്യ ദിവ്യ ( 26)യാണ് മരിച്ചത്. ഇന്ന് രാവിലെ ഏഴോടെയാണ് സംഭവം.
കണ്ണൂർ ചാല മിംസ് ഹോസ്പിറ്റലിൽ നഴ്സായ ദിവ്യ ജോലിസ്ഥലത്തേക്ക് പോകുന്നതിനിടെയായിരുന്നു അപകടം. കാറിലെത്തിയ യുവതി ബസിൽ കയറുന്നതിനിടെ ബസിനടിയിലേക്ക് വീഴുകയായിരുന്നു.
ചുരിദാറിന്‍റെ ഷാൾ കാറിന്‍റെ ഡോറിൽ കുരുങ്ങിയതാണെന്ന് സംശയിക്കുന്നു. ഉടൻതന്നെ കണ്ണൂരിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ദിവ്യ ആറുമാസം ഗർഭിണിയാണ്.
