ചേര്‍ത്തല: ബൈക്ക് മോഷണകേസിലെ പ്രതി പിടിയില്‍. കടക്കരപ്പള്ളി പഞ്ചായത്ത് മൂന്നാം വാര്‍ഡ് പെരുവേലില്‍ സെബാസ്റ്റ്യന്‍ (40) ആണ് പിടിയിലായത്. ചേര്‍ത്തല മുത്താരമ്മന്‍ കോവിലിനുസമീപം സൂക്ഷിച്ചിരുന്ന ഹോണ്ട ഷൈന്‍ ബൈക്ക് മോഷണസംഭവത്തിലെ പ്രതിയാണ്.
പട്ടണക്കാട്, കുത്തിയതോട്, ചേര്‍ത്തല പോലീസ് സ്‌റ്റേഷനുകളിലെ വിവിധ മോഷണകേസിലെ പ്രതിയാണ്. ശിക്ഷ ലഭിച്ച ഇയാള്‍ ജയിലില്‍ നിന്നിറങ്ങി മോഷണം നടത്തുകയായിരുന്നു.
ചേര്‍ത്തല പോലീസ് സ്‌റ്റേഷന്‍ ഓഫീസര്‍ പി.ശ്രീകുമാര്‍, എസ്‌ഐ ലൈസാദ് മുഹമ്മദ്, എഎസ്‌ഐ സലിം, സിപിഒ മാരായ ജിതിന്‍, വിനു എന്നിവര്‍ അന്വേഷണസംഘത്തില്‍ ഉണ്ടായിരുന്നു.
