മൊ​റ​ട്ടോ​റി​യം കാ​ല​ത്തെ പി​ഴ​പ്പ​ലി​ശ ഒ​ഴി​വാ​ക്കും; ഇ​ള​വു​ക​ൾ വാ​ങ്ങി​യാ​ലും ഇ​ല്ലെ​ങ്കി​ലും എ​ല്ലാ ഇ​ട​പാ​ടു​കാ​ർ​ക്കും ഈ ​ആ​നു​കൂ​ല്യം ന​ൽ​കുമെന്ന് കേന്ദ്രസർക്കാർ

ന്യൂ​ഡ​ൽ​ഹി: മൊ​റ​ട്ടോ​റി​യം കാ​ലാ​വ​ധി​ക്കാ​ല​ത്തെ പി​ഴ​പ്പ​ലി​ശ ഒ​ഴി​വാ​ക്കു​മെ​ന്ന് കേ​ന്ദ്ര​സ​ർ​ക്കാ​ർ സു​പ്രീം​കോ​ട​തി​യി​ൽ സ​ത്യ​വാ​ങ്മൂ​ലം ന​ൽ​കി. ആ​റ് മാ​സ​ത്തെ മൊ​റ​ട്ടോ​റി​യം കാ​ലാ​വ​ധി​ക്കാ​ല​ത്തെ പ​ലി​ശ​ക്ക് പി​ഴ പ​ലി​ശ ഈ​ടാ​ക്കു​ന്ന​താ​ണ് ഒ​ഴി​വാ​ക്കു​ക.

മൊ​റ​ട്ടോ​റി​യം ഇ​ള​വു​ക​ൾ വാ​ങ്ങി​യാ​ലും ഇ​ല്ലെ​ങ്കി​ലും എ​ല്ലാ ഇ​ട​പാ​ടു​കാ​ർ​ക്കും ഈ ​ആ​നു​കൂ​ല്യം ന​ൽ​കും. ര​ണ്ട് കോ​ടി​യി​ൽ കൂ​ടു​ത​ലു​ള്ള ഒ​രു വാ​യ്പ​യ്ക്കും ഈ ​ആ​നു​കൂ​ല്യം ല​ഭ്യ​മാ​കി​ല്ല.

ചെ​റു​കി​ട, വി​ദ്യാ​ഭ്യാ​സ, ഭ​വ​ന, വാ​ഹ​ന, പ്രൊ​ഫ​ഷ​ണ​ൽ ലോ​ണു​ക​ൾ​ക്കും, ക്രെ​ഡി​റ്റ് കാ​ർ​ഡ് തു​ക​ക​ൾ​ക്കും പി​ഴ​പ്പ​ലി​ശ​യി​ലെ ഈ ​ഇ​ള​വ് ബാ​ധ​ക​മാ​ണ്. നേ​ര​ത്തേ പി​ഴ​പ്പ​ലി​ശ ഒ​ഴി​വാ​ക്കാ​നാ​കി​ല്ലെ​ന്നാ​ണ് കേ​ന്ദ്രം സു​പ്രീം​കോ​ട​തി​യെ അ​റി​യി​ച്ചി​രു​ന്ന​ത്.

എ​ന്നാ​ൽ, ഉ​പ​ഭോ​ക്താ​ക്ക​ളു​ടെ മേ​ലു​ള്ള ഭാ​രം കു​റ​യ്ക്കു​ന്ന നി​ർ​ദേ​ശ​ങ്ങ​ൾ പ​ഠി​ച്ച് സ​മ​ർ​പ്പി​ക്കാ​ൻ സു​പ്രീം​കോ​ട​തി നി​ർ​ദേ​ശ​പ്ര​കാ​രം സ​ർ​ക്കാ​ർ രൂ​പീ​ക​രി​ച്ച വി​ദ​ഗ്ധ​സ​മി​തി പി​ഴ​പ്പ​ലി​ശ ഒ​ഴി​വാ​ക്ക​ണ​മെ​ന്ന നി​ർ​ദേ​ശ​മാ​ണ് ന​ൽ​കി​യ​ത്. ഇ​ത് പ​രി​ഗ​ണി​ച്ചാ​ണ് പി​ഴ​പ്പ​ലി​ശ ഒ​ഴി​വാ​ക്കാ​ൻ തീ​രു​മാ​നി​ച്ച​ത്.

പി​ഴ പ​ലി​ശ ഒ​ഴി​വാ​ക്കു​ന്ന​തി​ലൂ​ടെ 6000 കോ​ടി രൂ​പ​യു​ടെ ബാ​ധ്യ​ത ബാ​ങ്കു​ക​ള്‍​ക്ക് ഉ​ണ്ടാ​കും എ​ന്നാ​ണ് ക​ണ​ക്കാ​ക്കെ​പ്പ​ടു​ന്ന​ത്. മൊ​റ​ട്ടോ​റി​യം കാ​ല​യ​ള​വി​ലെ പ​ലി​ശ പൂ​ര്‍​ണ​മാ​യും എ​ഴു​തി ത​ള്ളി​യാ​ല്‍ ബാ​ങ്കു​ക​ള്‍​ക്ക് ആ​റ് ല​ക്ഷം കോ​ടി യു​ടെ ബാ​ധ്യ​ത ഉ​ണ്ടാ​കും എ​ന്നും സ​ത്യ​വാ​ങ്മൂ​ല​ത്തി​ല്‍ ചൂ​ണ്ടി​ക്കാ​ട്ടി​യി​ട്ടു​ണ്ട്.