പെരുമ്പാവൂർ: പട്ടയമില്ലാത്ത് 39 കുടുംബങ്ങൾക്ക് കൂടി പട്ടയവും കൈവശരേഖയും നൽകുന്നതിന് നടപടികൾ സ്വീകരിച്ചു വരികയാണെന്ന് എൽദോസ് കുന്നപ്പിള്ളി എംഎൽഎ.
താലൂക്ക് ഭൂമി പതിവ് കമ്മിറ്റി ചേർന്ന് അപേക്ഷകൾ എല്ലാം പാസാക്കി. 35 പട്ടയങ്ങളുടെയും നാല് കൈവശരേഖകളും ഉൾപ്പെടെയാണ് നൽകുന്നത്.
മറ്റു നടപടി ക്രമങ്ങൾകൂടി പൂർത്തീകരിച്ചു പട്ടയവും കൈവശ രേഖയും നൽകും. താലൂക്ക് സമ്മേളന ഹാളിൽ നടന്ന പട്ടയ മേളയിൽ ആറ് കുടുംബങ്ങൾക്ക് പട്ടയം വിതരണം ചെയ്തു സംസാരിക്കുകയായിരുന്നു എംഎൽഎ.
കഴിഞ്ഞ മൂന്ന് വർഷങ്ങൾകൊണ്ട് കുന്നത്തുനാട് താലൂക്ക് പരിധിയിൽ 180 പട്ടയങ്ങളും കൈവശ രേഖകളും നൽകിയതായി എംഎൽഎ അറിയിച്ചു.
ഫാർമിംഗ് കോർപ്പറേഷൻ ചെയർമാൻ കെ.കെ. അഷ്‌റഫ്, തഹസിൽദാർ വിനോദ് രാജ്, ഭൂരേഖ തഹൽസിദാർ എം.സി. ജ്യോതി എന്നിവർ പ്രസംഗിച്ചു.
