മുംബൈ: ബോളിവുഡ് നടൻ അർജുൻ രാംപാലിന്‍റെ മുംബൈയിലെ വീട്ടിൽ നാർക്കോട്ടിക്സ് കണ്ട്രോൾ ബ്യൂറോയുടെ (എൻസിബി) റെയ്ഡ്.
ബോളിവുഡിലെ ലഹരിമരുന്ന് ഇടപാടുകളെക്കുറിച്ച് അന്വേഷിക്കുന്ന സംഘമാണ് താരത്തിന്‍റെ വീട്ടിൽ റെയ്ഡ് നടത്തിയത്.
അന്ധേരി, ഖർ, ബാന്ദ്ര എന്നിവടങ്ങളിലുള്ള താരത്തിന്‍റെ വസതികളിലാണ് റെയ്ഡ് നടന്നത്.
അർജുന്‍റെ കാമുകിയായ ഗബ്രിയേലയുടെ സഹോദരൻ അഗിസിലാവോസിനെ എൻസിബി വീണ്ടും കസ്റ്റഡിയിലെടുത്തതായും സൂചനയുണ്ട്. കേസിൽ നേരത്തേ അഗിസിലാവോസിന് ജാമ്യം ലഭിച്ചിരുന്നു.
ശനിയാഴ്ച ബോളിവുഡ് നിർമാതാവ് ഫിറോസ് നദിയാവാലയുടെ വീട്ടിൽനിന്നു ലഹരിമരുന്നുകൾ പിടിച്ചെടുക്കുകയും ഫിറോസിന്റെ ഭാര്യ ഷബാനയെ അറസ്റ്റ് ചെയ്യുകയും ചെയ്തിരുന്നു.
ഇവരുടെ ഫ്ളാറ്റിൽ നിന്ന് പത്ത് ഗ്രാം മയക്കുമരുന്ന് കണ്ടെടുത്തതായി അന്വേഷണസംഘം അറിയിച്ചു.
ഫിറോസ് നദിയാവാലയോടു ചോദ്യം ചെയ്യലിനായി ഹാജരാകാൻ ആവശ്യപ്പെട്ടെങ്കിലും എത്തിയില്ലെന്ന് എൻസിബി വ്യക്തമാക്കി.
