ചി​ൻ അ​പ്, ചി​ൻ ഡൗ​ണ്‍… (അ​തൊ​ക്കെ ഔട്ട്‌ ഓ​ഫ് ഫാ​ഷ​നാ​യേ…)! സ്ഥാ​നാ​ർ​ഥി ഫോ​ട്ടോഷൂ​ട്ട് പു​തു​ലു​ക്കി​ൽ

സ്വ​ന്തം ലേ​ഖ​ക​ൻ

തൃ​ശൂ​ർ: ചി​ൻ അ​പ്, ചി​ൻ ഡൗ​ണ്‍, ഒ​രു പൊ​ടി​ക്ക് ഡൗ​ണ്‍, ഐ​സ് ഓ​പ്പ​ണ്‍, സ്മൈ​ൽ… ​മ​ഹേ​ഷി​ന്‍റെ പ്ര​തി​കാ​രം എ​ന്ന സി​നി​മ​യി​ൽ ഫ​ഹ​ദ് ഫാ​സി​ലി​ന്‍റെ ഫോ​ട്ടോ​ഗ്രാ​ഫ​ർ ക​ഥാ​പാ​ത്രം ത​ന്‍റെ സ്റ്റുഡി​യോ​വി​ൽ വ​രു​ന്ന​വ​രു​ടെ ഫോ​ട്ടോ​യെ​ടു​ക്കു​ന്ന​ത് ഓ​ർ​മ​യി​ല്ലേ.

എ​ന്നാ​ൽ അ​തു​പോ​ലെ​യ​ല്ല ഇ​പ്പോ​ൾ തെ​ര​ഞ്ഞെ​ടു​പ്പ് പ്ര​ച​ര​ണ​ത്തി​നാ​യി സ്ഥാ​നാ​ർ​ഥി​ക​ളു​ടെ ഫോ​ട്ടോ​യെ​ടു​പ്പ്. സ്ഥാ​നാ​ർ​ഥി​ക​ളു​ടെ പോ​സ്റ്റ​റും ഫ്ളെ​ക്സു​മൊ​ക്കെ ത​യാ​റാ​ക്കു​ന്ന​തി​നു​ള്ള ചി​ത്ര​മെ​ടു​പ്പ് അ​ഥ​വാ ഫോ​ട്ടോ ഷൂ​ട്ട് ഇ​ന്ന​പ്പാ​ടെ മാ​റി​ക്ക​ഴി​ഞ്ഞു.

ചി​ൻ അ​പും ചി​ൻ ഡൗ​ണു​മാ​യി സ്റ്റു​ഡി​യോ​ക്കു​ള്ളി​ൽ ത​ല​പ്പ​ടം മാ​ത്ര​മെ​ടു​ത്ത് പോ​സ്റ്റ​റും ഫ്ളെ​ക്സു​മ​ടി​ക്കു​ന്ന രീ​തി​യ​ല്ല ഇ​ന്ന്.

ഫോ​ട്ടോ​യ്ക്ക് പോ​സ് ചെ​യ്യു​ക​യാ​ണെ​ന്ന് തോ​ന്നാ​ത്ത രീ​തി​യി​ലു​ള്ള വ​ള​രെ റി​യ​ലി​സ്റ്റി​ക് ആ​യ ചി​ത്ര​ങ്ങ​ളാ​ണ് ഇ​ത്ത​വ​ണ​ത്തെ തെ​ര​ഞ്ഞെ​ടു​പ്പ് പ്ര​ച​ര​ണ​ത്തി​ൽ സ്ഥാ​നാ​ർ​ഥി​ക​ളും രാ​ഷ്ട്രീ​യ​പാ​ർ​ട്ടി​ക​ളും ഉ​പ​യോ​ഗി​ക്കു​ന്ന​ത്.

അ​തു​കൊ​ണ്ടു​ത​ന്നെ ഒ​രു സി​നി​മ​യു​ടെ ഫോ​ട്ടോ ഷൂ​ട്ടി​ന് സ​മാ​ന​മാ​യ രീ​തി​യി​ലാ​ണ് ഇ​പ്പോ​ൾ സ്ഥാ​നാ​ർ​ഥി​ക​ളു​ടെ ഫോ​ട്ടോ​യെ​ടു​പ്പ്. മു​ന്പ് തെ​ര​ഞ്ഞെ​ടു​പ്പി​ന് മു​ന്പ് ഒ​ന്നോ ര​ണ്ടോ ത​വ​ണ മാ​ത്ര​മാ​ണ് ഫോ​ട്ടോ ഷൂ​ട്ടെ​ങ്കി​ൽ ഇ​പ്പോ​ൾ തെ​ര​ഞ്ഞെ​ടു​പ്പ് ക​ഴി​യും വ​രെ ഫോ​ട്ടോ ഷൂ​ട്ടും വീ​ഡി​യോ ഷൂ​ട്ടും തു​ട​രും.

ചി​രി​ച്ച് കൈ​വീ​ശി​ക്കാ​ണി​ച്ചു​ള്ള സ്ഥി​രം ചി​ത്ര​ങ്ങ​ളോ​ട് ഇ​പ്പോ​ൾ സ്ഥാ​നാ​ർ​ഥി​ക​ൾ​ക്കും താ​ത്പ​ര്യ​മി​ല്ലെ​ന്ന് ഫോ​ട്ടോ​ഗ്രാ​ഫി രം​ഗ​ത്തു പ്ര​വ​ർ​ത്തി​ക്കു​ന്ന​വ​ർ പ​റ​യു​ന്നു.

സോ​ഷ്യ​ൽ​മീ​ഡി​യ​യു​ടെ സ്വാ​ധീ​ന​മാ​ണ് സ്ഥാ​നാ​ർ​ഥി ചി​ത്ര​ങ്ങ​ളി​ലെ മാ​റ്റ​ത്തി​ന് കാ​ര​ണ​മെ​ന്നും ഇ​വ​ർ ചൂ​ണ്ടി​ക്കാ​ട്ടു​ന്നു.

പൊ​തു സ്ഥ​ല​ങ്ങ​ളി​ൽ സ്ഥാ​പി​ക്കു​ക​യോ ഒ​ട്ടി​ക്കു​ക​യോ ചെ​യ്യു​ന്ന പോ​സ്റ്റ​ർ മു​ത​ൽ സോ​ഷ്യ​ൽ​മീ​ഡി​യ​യി​ൽ പോ​സ്റ്റു ചെ​യ്യു​ന്ന ചി​ത്ര​ങ്ങ​ൾ വ​രെ എ​ടു​ക്കാ​ൻ ഇ​പ്പോ​ൾ സ്ഥാ​നാ​ർ​ഥി​ക്കൊ​പ്പം വ​ള​രെ പ്ര​ഫ​ഷ​ണ​ൽ ആ​യ ഫോ​ട്ടോ​ഗ്രാ​ഫ​ർ​മാ​രു​ടെ ടീ​മു​ണ്ട്.

പ​ണ്ട​ത്തെ പോ​ലെ വെ​ള്ള ഷ​ർ​ട്ടി​ട്ട് ചി​രി​ച്ച് നി​ൽ​ക്കു​ന്ന ഫോ​ട്ടോ​ക​ള​ല്ല ഇ​പ്പോ​ഴ​ത്തെ സ്ഥാ​നാ​ർ​ഥി​ക​ളു​ടേ​തെ​ന്ന് തൃ​ശൂ​രി​ലെ ഓ​ക്ക് ട്രീ ​ബ്രാ​ൻ​ഡ് വാ​ഗ​നി​ലെ ക്രി​യേ​റ്റീ​വ് ഡ​യ​റ​ക്ട​റാ​യ ഫേ​വ​ർ ഫ്രാ​ൻ​സി​സ് പ​റ​യു​ന്നു.

വ്യ​ത്യ​സ്ത​മാ​യ പ​ശ്ചാ​ത്ത​ല​ങ്ങ​ളും ലു​ക്കും കൊ​ടു​ത്താ​ണ് ഇ​പ്പോ​ൾ ഫോ​ട്ടോ​ക​ളെ​ടു​ക്കു​ന്ന​ത്. വോ​ട്ട​ർ​മാ​ർ​ക്ക് ഫോ​ട്ടോ കാ​ണു​ന്പോ​ൾ ത​ന്നെ മ​ന​സി​ൽ പ​തി​യു​ന്ന ത​ര​ത്തി​ലാ​ണ് ചി​ത്ര​ങ്ങ​ൾ എ​ടു​ക്കു​ന്ന​ത്.

സ്ഥാ​നാ​ർ​ഥി​യു​ടെ വ​ള​രെ സ്വാ​ഭാ​വി​ക​മാ​യ ഫോ​ട്ടോ​ക​ളെ​ടു​ക്കു​ന്ന കാ​ൻ​ഡി​ഡ് ഷൂ​ട്ടാ​ണ് കൂ​ടു​ത​ലും ഇ​പ്പോ​ൾ ചെ​യ്യു​ന്ന​തെ​ന്നും ഫേ​വ​ർ ഫ്രാ​ൻ​സി​സ് പ​റ​ഞ്ഞു. തെ​ര​ഞ്ഞെ​ടു​പ്പി​ൽ മ​ത്സ​രി​ക്കു​ന്ന പ​ല സ്ഥാ​നാ​ർ​ഥി​ക​ളു​ടേ​യും ചി​ത്ര​ങ്ങ​ളെ​ടു​ക്കു​ന്ന തി​ര​ക്കി​ലാ​ണ് ഫേ​വ​റും കൂ​ട്ട​രും.

സ്ഥി​രം ബ്ലാ​ങ്ക് പ​ശ്ചാ​ത്ത​ല​ങ്ങ​ൾ​ക്കു പ​ക​രം ക​ട​ലും ചാ​യ​ക്ക​ട​യു​മെ​ല്ലാം ഇ​വ​ർ ഒ​രു​ക്കു​ന്ന ചി​ത്ര​ങ്ങ​ൾ​ക്ക് പ​ശ്ചാ​ത്ത​ല​മാ​കു​ന്നു​ണ്ട്.സി​നി​മ​യി​ലെ അ​സി.​കാമ​റാ​മാ​ൻ​മാ​ര​ട​ക്ക​മു​ള്ള പ്ര​ഫ​ഷ​ണു​ക​ളെ അ​ണി​നി​ര​ത്തി​യാ​ണ് പ​ല​യി​ട​ത്തും ഫോ​ട്ടോ ഷൂ​ട്ട്. സി​നി​മ ഷൂ​ട്ടിം​ഗി​ല്ലാ​തി​രി​ക്കു​ന്ന കോ​വി​ഡ്കാ​ല​ത്ത് അ​വ​ർ​ക്കും ഇ​ത് വ​രു​മാ​ന​മാ​ർ​ഗ​മാ​ണ്.

മേ​ക്ക​പ്പ്മാ​നെ​യും കോ​സ്റ്റ്യൂംസ് ഡി​സൈ​ന​റെ​യു​മൊ​ക്കെ വ​ച്ചാ​ണ് പ​ല​രും ഷൂ​ട്ട് ന​ട​ത്തു​ന്ന​ത്. ഏ​റ്റ​വും ക്വാ​ളി​റ്റി കൂ​ടി​യ ലെ​ൻ​സും ലൈ​റ്റു​മൊ​ക്കെ​യാ​ണ് ഷൂ​ട്ടി​ന് ഉ​പ​യോ​ഗി​ക്കു​ന്ന​ത്.

തെ​ര​ഞ്ഞെ​ടു​പ്പി​ൽ വി​ജ​യി​ച്ച​തി​ന് ന​ന്ദി​പ​റ​ഞ്ഞു കൊ​ണ്ടു​ള്ള ഫോ​ട്ടോ​യ​ട​ക്കം വോ​ട്ടെ​ടു​പ്പി​ന് മു​ന്നേ ത​ന്നെ എ​ടു​ത്തു​വെ​ക്കു​ന്ന പാ​ക്കേ​ജി​ലാ​ണ് പ​ല ഫോ​ട്ടോ ഷൂ​ട്ടും ന​ട​ക്കു​ന്ന​ത്.

സൂ​പ്പ​ർ​ഹി​റ്റ് സി​നി​മ​ക​ളു​ടെ ശ്ര​ദ്ധേയ​മാ​യ പോ​സ്റ്റ​റു​ക​ളെ അ​നു​ക​രി​ച്ചു​ള്ള ഫോ​ട്ടോ​ക​ളെ​ടു​ക്കാ​നും സ്ഥാ​നാ​ർഥി​ക​ളും ഫോ​ട്ടോ​ഗ്രാ​ഫ​ർ​മാ​രും താ​ൽ​പ​ര്യ​പ്പെ​ടു​ന്നു​ണ്ട്.

മോ​ഹ​ൻ​ലാ​ലി​ന്‍റെ ലൂ​സി​ഫ​ർ, സു​രേ​ഷ്ഗോ​പി​യു​ടെ വ​രാ​ൻ പോ​കു​ന്ന ക​ടു​വ എ​ന്ന സി​നി​മ, മ​മ്മൂ​ട്ടി​യു​ടെ മ​ധു​ര​രാ​ജ തു​ട​ങ്ങി​യ ചി​ത്ര​ങ്ങ​ളു​ടെ പോ​സ്റ്റ​റു​ക​ളു​ടെ രൂ​പ​ത്തി​ൽ സ്ഥാ​നാ​ർ​ഥി​യു​ടെ ഫോ​ട്ടോ​യെ​ടു​ക്കു​ന്നു​ണ്ട്.

സോ​ഷ്യ​ൽ​മീ​ഡി​യ​ക്ക് ജ​ന​ങ്ങ​ൾ​ക്കി​ട​യി​ൽ വ​ള​രെ​യ​ധി​കം സ്വാ​ധീ​ന​മു​ള്ള​തി​നാ​ലാ​ണ് സ്ഥാ​നാ​ർ​ഥി​ക​ൾ ഫോ​ട്ടോ​ക​ളി​ൽ ഇ​ത്ര​യും ശ്ര​ദ്ധി​ക്കു​ന്ന​തെ​ന്നും മു​ന്പ്് ഇ​ത്ര​യ​ധി​കം സാ​ധ്യ​ത​ക​ളി​ല്ലാ​ത്ത​തി​നാ​ലാ​കാം ഒ​രേ ത​ര​ത്തി​ലു​ള്ള പോ​സ്റ്റ​റു​ക​ൾ ത​യ്യാ​റാ​ക്കി​യി​രു​ന്ന​തെ​ന്നും എ​ൻ​ഡി​എ സ്ഥാ​നാ​ർ​ഥി ഡോ.​ആ​തി​ര പ​റ​ഞ്ഞു.

സ്ഥാ​നാ​ർ​ഥി​ക​ളു​ടെ ചി​ത്ര​ങ്ങ​ളി​ലെ ഡ്ര​സ് കോ​ഡ് വ​രെ വോ​ട്ട​ർ​മാ​ർ ശ്ര​ദ്ധി​ക്കു​ന്നു​ണ്ടെ​ന്നും വ​നി​താ സ്ഥാ​നാ​ർ​ഥി​ക​ളെ പോ​ലെ ത​ന്നെ പു​രു​ഷ സ്ഥാ​നാ​ർ​ഥി​ക​ളും ഡ്ര​സ് കോ​ഡി​ൽ വ​ള​രെ​യ​ധി​കം ബോ​ധ​വാ​ൻ​മാ​രാ​ണെ​ന്നും ഇ​പ്പോ​ഴ​ത്തെ പോ​സ്റ്റ​റു​ക​ൾ ക​ണ്ടാ​ൽ മ​ന​സി​ലാ​കു​മെ​ന്നും ഡോ.​ആ​തി​ര ചൂ​ണ്ടി​ക്കാ​ട്ടി.

നാ​ടു മു​ഴു​വ​ൻ മാ​സ്ക​ണി​യു​ന്നു​ണ്ടെ​ങ്കി​ലും സ്ഥാ​നാ​ർ​ത്ഥി​ക​ളു​ടെ ചി​രി​ക്കു​ന്ന മു​ഖ​ങ്ങ​ൾ പോ​സ്റ്റ​റു​ക​ളി​ൽ മാ​സ്കി​ട്ട് മ​റ​യ്ക്കു​ന്നി​ല്ല. എ​ന്നാ​ൽ പ്ര​മോ വീ​ഡി​യോ​ക​ളി​ൽ മാ​സ്ക​ണി​ഞ്ഞും അ​ല്ലാ​തെ​യു​മു​ള്ള വി​ഷ്വ​ലു​ക​ൾ ഇ​ട​ക​ല​ർ​ത്തി​യാ​ണ് ത​യ്യാ​റാ​ക്കു​ന്ന​ത്.