തിരുവനന്തപുരം: കോവിഡ് കാലമായതിനാലാണ് മുഖ്യമന്ത്രി തെരഞ്ഞെടുപ്പ് പ്രചാരണത്തിന് എത്താത്തതെന്ന് മന്ത്രി കടകംപള്ളി സുരേന്ദ്രൻ. തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പുകളുടെ പ്രചാരണ നേതൃത്വം മുഖ്യമന്ത്രി പിണറായി വിജയനാണെന്നും അദ്ദേഹം വ്യക്തമാക്കി.
വികസന പ്രവർത്തനങ്ങളാണ് തെരഞ്ഞെടുപ്പിൽ ചർച്ചയാകുക. സ്വർണക്കടത്ത് അടക്കമുള്ള അനാവശ്യ വിവാദങ്ങളിൽ എതിരാളികൾക്കുള്ള മറുപടിയാവും തെരഞ്ഞെടുപ്പ് ഫലം. തിരുവനന്തപുരം കോർപറേഷനിലടക്കം എല്ലായിടത്തും എൽഡിഎഫ് ഭൂരിപക്ഷം നേടുമെന്നും കടകംപള്ളി പറഞ്ഞു.
വിവാദങ്ങളൊന്നും ജനങ്ങളെ സ്വാധീനിക്കില്ലെന്നും തെരഞ്ഞെടുപ്പ് ലക്ഷ്യമിട്ടാണ് അവ ഉയർത്തിക്കൊണ്ടുവരുന്നതെന്നു ജനങ്ങൾക്കറിയാമെന്നും കടകംപള്ളി കൂട്ടിച്ചേർത്തു.
