ജി​ല്ല​യി​ൽ ഇ​ന്ന​ലെ​യു​ണ്ടാ​യ ര​ണ്ട് അ​പ​ക​ട​ങ്ങ​ളിൽ രണ്ട് മരണം; സാരമായി പരിക്കേറ്റ രണ്ട് പേർ ആശുപത്രിയിൽ

കോ​ട്ട​യം: ജി​ല്ല​യി​ൽ ഇ​ന്ന​ലെ​യു​ണ്ടാ​യ ര​ണ്ട് അ​പ​ക​ട​ങ്ങ​ളി​ലാ​യി ര​ണ്ടു പേ​ർ മ​രി​ച്ചു.

മു​ണ്ട​ക്ക​യം മു​പ്പ​ത്തി​യൊ​ന്നാം മൈ​ലി​ൽ കാ​റും ബ​സും കൂ​ട്ടി​യി​ടി​ച്ചു കാ​ർ യാ​ത്ര​ക്കാ​ര​നാ​യ പാ​ലാ മൂ​ന്നാ​നി സ്വ​ദേ​ശി മ​ണി​യാ​ക്കു​പാ​റ​യി​ൽ ആ​ഷി​ഷ് ജോ​സ് (27), മേ​ലു​കാ​വ് മു​ട്ടം റോ​ഡി​ൽ ഓ​ട്ടോ​റി​ക്ഷ മ​റി​ഞ്ഞു​ണ്ടാ​യ അ​പ​ക​ട​ത്തി​ൽ മേ​ലു​കാ​വ് കാ​ഞ്ഞി​രം​ക​വ​ല ചെ​ന്പ​ൻ​പ്ലാ​ക്ക​ൽ ചാ​ൾ​സ് (32) എ​ന്നി​വ​രാ​ണ് മ​രി​ച്ച​ത്.

ഇ​ന്ന​ലെ രാ​ത്രി 8.45ന് ​ദേ​ശീ​പാ​ത​യി​ൽ മു​പ്പ​ത്തി​യൊ​ന്നാം മൈ​ലി​ലെ വേ ​ബ്രി​ഡ്ജി​നു സ​മീ​പ​മാ​ണ് കാ​റും ബൈ​ക്കും കൂ​ട്ടി​യി​ടി​ച്ച​ത്. ഈ ​അ​പ​ക​ട​ത്തി​ൽ കാ​റി​ലു​ണ്ടാ​യി​രു​ന്ന പൊ​ടി​മ​റ്റം പ​രി​ന്തി​രി​ക്ക​ൽ ബി​ബി​ൻ ബോ​സ്(25), പാ​ലാ ത​റ​ക്കു​ന്നേ​ൽ ഉ​ണ്ണി(35) എ​ന്നി​വ​ർ​ക്കും ഗു​രു​ത​ര​മാ​യി പ​രി​ക്കേ​റ്റി​രു​ന്നു.

ബി​ബി​നെ കോ​ട്ട​യം മെ​ഡി​ക്ക​ൽ കോ​ള​ജാ​ശു​പ​ത്രി​യി​ലും ഉ​ണ്ണി​യെ ഇ​രു​പ​ത്തി​യാ​റാം മൈ​ലി​ലെ സ്വ​കാ​ര്യ ആ​ശു​പ​ത്രി​യി​ലും പ്ര​വേ​ശി​പ്പി​ച്ചി​രി​ക്കു​ക​യാ​ണ്.

മ​ര​ണ​പ്പെ​ട്ട ആ​ഷി​ഷി​ന്‍റെ ഉ​ട​മ​സ്ഥ​ത​യി​ൽ ക​ഴി​ഞ്ഞ തി​ങ്ക​ളാ​ഴ്ച​യാ​ണ് പാ​ലാ​യി​ൽ പു​ത്ത​ൻ സൂ​പ്പ​ർ മാ​ർ​ക്ക​റ്റ് ആ​രം​ഭി​ച്ച​ത്. ആ​ഷി​ഷും സു​ഹൃ​ത്തു​ക്ക​ളും ചേ​ർ​ന്ന് ബി​സി​ന​സ് ആ​വ​ശ്യ​ങ്ങ​ൾ​ക്കു പോ​കു​ന്പോ​ഴാ​ണ് അ​പ​ക​ട​മു​ണ്ടാ​യ​ത്.

ഇ​ന്ന​ലെ മേ​ലു​കാ​വ് മു​ട്ടം റോ​ഡി​ൽ കാ​ഞ്ഞി​രം​ക​വ​ല​യി​ൽ നി​ന്നും മു​ട്ടം ഭാ​ഗ​ത്തേ​ക്കു പോ​കു​ക​യാ​യി​രു​ന്നു ഓ​ട്ടോ​റി​ക്ഷ നി​യ​ന്ത്ര​ണം​വി​ട്ടു തോ​ട്ട​ത്തി​ലേ​ക്കു മ​റി​ഞ്ഞാ​ണ് അ​പ​ക​ട​മു​ണ്ടാ​യ​ത്. ഈ ​അ​പ​ക​ട​ത്തി​ൽ ചാ​ൾ​സി​ന്‍റെ ഭാ​ര്യ​യ്ക്കും കു​ട്ടി​ക​ൾ​ക്കും പ​രി​ക്കേ​റ്റി​രു​ന്നു. ഇ​വ​രും ആ​ശു​പ​ത്രി​യി​ൽ ചി​കി​ത്സ​യി​ലാ​ണ്.