മര‌‌ട് ഫ്ളാറ്റ് നഷ്ടപരിഹാരം! നിർമാതാക്കൾ നൽകിയത് അഞ്ചു കോടിയിൽ താഴെ മാത്രം

സ്വ​ന്തം ലേ​ഖ​ക​ൻ

ന്യൂ​ഡ​ൽ​ഹി: മ​ര​ടി​ലെ പൊ​ളി​ച്ച ഫ്ളാ​റ്റു​ക​ളു​ടെ ന​ഷ്ട​പ​രി​ഹാ​ര വി​ത​ര​ണ​ത്തി​നാ​യി നിർമാതാക്കൾ ന​ൽ​കേ​ണ്ടി​യി​രു​ന്ന 61.5 കോ​ടി രൂ​പ​യി​ൽ ഇ​തു​വ​രെ ന​ൽ​കി​യ​ത് അ​ഞ്ച് കോ​ടി രൂ​പ​യി​ൽ താ​ഴെ മാ​ത്ര​മെ​ന്ന് സു​പ്രീംകോ​ട​തി നി​യോ​ഗി​ച്ച സ​മി​തി.

ര​ണ്ട് ഫ്ളാ​റ്റ് നി​ർ​മാ​താ​ക്ക​ൾ തു​ക ന​ൽ​കി​യ​പ്പോ​ൾ ര​ണ്ട് ഫ്ളാ​റ്റ് നി​ർ​മാ​താ​ക്ക​ൾ ഇ​തു​വ​രെ പ​ണം ന​ൽ​കി​യി​ട്ടി​ല്ലെ​ന്നും ജ​സ്റ്റീ​സ് ബാ​ല​കൃ​ഷ്ണ​ൻ നാ​യ​ർ സ​മി​തി സു​പ്രീംകോ​ട​തി​യി​ൽ ന​ൽ​കി​യ സ​ത്യ​വാ​ങ്മൂ​ല​ത്തി​ൽ പ​റ​യു​ന്നു.

മ​ര​ടി​ൽ പൊ​ളി​ച്ച നാ​ല് ഫ്ളാ​റ്റ് സ​മു​ച്ച​യ​ങ്ങ​ൾ​ക്കു​മാ​യി ന​ൽ​കാ​നു​ള്ള ന​ഷ്ട​പ​രി​ഹാ​ര തു​ക​യി​ൽ 4,89,80,000 രൂ​പ മാ​ത്ര​മാ​ണ് ര​ണ്ട് നി​ർ​മാ​താ​ക്ക​ളി​ൽ നി​ന്നു കി​ട്ടി​യ​ത്.

9.25 കോ​ടി രൂ​പ ന​ൽ​കേ​ണ്ടി​യി​രു​ന്ന ഗോ​ൾ​ഡ​ൻ കാ​യ​ലോ​രം നി​ർ​മാ​താ​ക്ക​ളി​ൽ നി​ന്നു 2,89,86,000 രൂ​പ കി​ട്ടി​യ​പ്പോ​ൾ 15.5 കോ​ടി രൂ​പ ന​ൽ​കേ​ണ്ടി​യി​രു​ന്ന ജ​യി​ൻ ഹൗ​സിം​ഗ് ക​ണ്‍സ്ട്ര​ക്ഷ​ൻ ര​ണ്ട് കോ​ടി ന​ൽ​കി.

17.5 കോ​ടി രൂ​പ ന​ൽ​കേ​ണ്ട ആ​ൽ​ഫ സെ​റി​ൻ, 19.25 കോ​ടി ന​ൽ​കേ​ണ്ട ഹോ​ളി ഫെ​യ്ത്ത് എ​ന്നി​വ ഇ​തു​വ​രെ ഒ​രു രൂ​പ പോ​ലും ന​ൽ​കി​യി​ട്ടു​മി​ല്ല.

ല​ഭി​ച്ച തു​ക​യിൽ 1,20,30,000 രൂ​പ സ​മി​തി​യു​ടെ ചെ​ല​വു​ക​ൾ​ക്കാ​യി സം​സ്ഥാ​ന സ​ർ​ക്കാ​രി​നു കൈ​മാ​റി. ബാ​ക്കി​യു​ള്ള 3.89 കോ​ടി രൂ​പ​യി​ൽ 3.75 കോ​ടി രൂ​പ സ്ഥി​ര​നി​ക്ഷേ​പ​മാ​യി ബാ​ങ്കി​ൽ നി​ക്ഷേ​പി​ച്ചി​ട്ടു​ണ്ടെ​ന്നും സ​മി​തി അ​റി​യി​ച്ചു.

ന​ഷ്ട​പ​രി​ഹാ​രം ന​ൽ​കു​ന്ന​തി​നാ​യി വ​സ്തു​വ​ക​ക​ൾ വി​ൽ​ക്കാ​ൻ അ​നു​വ​ദി​ക്ക​ണ​മെ​ന്നാ​ണ് ഫ്ളാ​റ്റ് നി​ർ​മാ​താ​ക്ക​ളു​ടെ ആ​വ​ശ്യം. ഇ​ക്കാ​ര്യം തി​ങ്ക​ളാ​ഴ്ച കോ​ട​തി പ​രി​ഗ​ണി​ക്കും.

പൊ​ളി​ച്ചു ക​ള​ഞ്ഞ ഫ്ളാ​റ്റു സമുച്ചയത്തിലെ എ​ല്ലാ ഉ​ട​മ​ക​ൾ​ക്കും 25 ല​ക്ഷം രൂ​പ വീ​തം ന​ൽ​ക​ണ​മെ​ന്നാ​ണ് കോ​ട​തി ഉ​ത്ത​ര​വി​ട്ടി​രു​ന്ന​ത്. കോ​ട​തി ഉ​ത്ത​ര​വി​ന്‍റെ അ​ടി​സ്ഥാ​ന​ത്തി​ൽ ഈ ​തു​ക സം​സ്ഥാ​ന സ​ർ​ക്കാ​ർ ന​ൽ​കി​യ​തി​നെത്തു​ട​ർ​ന്ന് 248 ഉ​ട​മ​ക​ൾ​ക്കാ​യി സ​മി​തി വി​ത​ര​ണം ചെ​യ്തി​ട്ടു​ണ്ട്.