‘ആ പരിശോധന വേണ്ട’!  കോവിഡ് കാലത്ത് മ​ദ്യ​പി​ച്ചു വാ​ഹ​ന​മോ​ടി​ക്കു​ന്ന​വ​രെ പി​ടി​കൂ​ടാ​ൻ നടത്തുന്ന പരിശോധനയ്ക്കെതിരേ  പോലീസിൽ പ്രതിഷേധം

 
കോ​ട്ട​യം: കോ​വി​ഡ് വ്യാ​പ​ന​ത്തി​നി​ട​യി​ലും മ​ദ്യ​പി​ച്ചു വാ​ഹ​ന​മോ​ടി​ക്കു​ന്ന​വ​രെ പി​ടി​കൂ​ടാ​ൻ ജി​ല്ല​യി​ലെ വി​വി​ധ റോ​ഡു​ക​ളി​ൽ പോ​ലീ​സ് ന​ട​ത്തു​ന്ന പ്ര​ത്യേ​ക പ​രി​ശോ​ധ​ന​യ്ക്കെ​തി​രേ പോ​ലീ​സി​ൽ ത​ന്നെ പ്ര​തി​ഷേ​ധം.

ക​ഴി​ഞ്ഞ ദി​വ​സ​ങ്ങ​ളി​ലു​ണ്ടാ​യ വാ​ഹ​നാ​പ​ക​ട​ങ്ങ​ളു​ടെ പ​ശ്ചാ​ത്ത​ല​ത്തി​ൽ ജി​ല്ലാ പോ​ലീ​സ് ചീ​ഫി​ന്‍റെ നി​ർ​ദേ​ശാ​നു​സ​ര​ണ​മാ​ണ് ജി​ല്ല​യി​ലെ വി​വി​ധ റോ​ഡു​ക​ളി​ൽ പോ​ലീ​സ് ഇ​ന്നു രാ​വി​ലെ പ്ര​ത്യേ​ക പ​രി​ശോ​ധ​ന​ക​ൾ ആ​രം​ഭി​ച്ച​ത്.

കോ​വി​ഡ് കാ​ല​മാ​യ​തി​നാ​ൽ മ​ദ്യ​പി​ച്ചു വാ​ഹ​ന​മോ​ടി​ക്കു​ന്ന​വ​രെ ക​ണ്ടെ​ത്താ​ൻ ബ്രീ​ത്ത് അ​ന​ലൈ​സ​ർ ഉ​പ​യോ​ഗി​ച്ചു​ള്ള പ​രി​ശോ​ധ​ന​ സാ​ധി​ക്കി​ല്ല. റോ​ഡി​ലൂടെ വ​രു​ന്ന ഓ​രോ വാ​ഹ​ന​ങ്ങ​ളും കൈ​കാ​ണി​ച്ചു നിർത്തി വാ​ഹ​ന​മോ​ടി​ക്കു​ന്ന​വ​രോ​ട് വി​വ​ര​ങ്ങ​ൾ തി​ര​ക്കി പ​രി​ശോ​ധി​ക്കു​ക​യാ​ണ് ചെ​യ്യു​ന്ന​ത്.

മ​ദ്യ​പി​ച്ച​താ​യി സം​ശ​യം തോ​ന്നു​ന്നവ​രെ ര​ക്ത പ​രി​ശോ​ധ​ന​ക​ൾ ന​ട​ത്തു​ന്ന​തി​നാ​യി ആ​ശു​പ​ത്രി​ക​ളി​ലേ​ക്കു കൊ​ണ്ടു പോ​കു​ക​യു​മാ​ണ് ചെ​യ്യു​ന്ന​ത്. കോ​വി​ഡ് വ്യാ​പ​ന​ത്തി​നി​ട​യി​ലും ഇ​ത്ത​രം പ​രി​ശോ​ധ​ന​ക​ൾ ന​ട​ത്തു​ന്ന​തി​നോ​ട് ഒ​രു വി​ഭാ​ഗം പോ​ലീ​സു​കാ​ർ​ക്കു വി​യോ​ജി​പ്പു​ണ്ട്.