ഓൺലൈൻ റമ്മിക്കിരയായി മരണം; പലരിൽ നിന്നും കടം വാങ്ങി കളിച്ചപ്പോൾ ഉണ്ടായത് 21 ലക്ഷം; അന്വേഷണവുമായി പോലീസ്; വി​നീ​തി​ന്‍റെ കൂ​ട്ടാ​ളി​ക​ളെ സം​ബ​ന്ധി​ച്ചും ഇ​ട​പാ​ടു​കാ​രെ സം​ബ​ന്ധി​ച്ചും അ​ന്വേ​ഷ​ണം

കാ​ട്ടാ​ക്ക​ട: ഓ​ൺ​ലൈ​ൻ റ​മ്മി ക​ളി​യു​ടെ ഇ​ര​യാ​യി മാ​റി ഒ​ടു​വി​ൽ ആ​ത്മ​ഹ​ത്യ ചെ​യ്ത വി​നീ​തി​ന്‍റെ മ​ര​ണ​ത്തെക്കു​റി​ച്ച് അ​ന്വേ​ഷി​ക്കാ​ൻ പോ​ലീ​സ്. വി​നീ​തി​ന്‍റെ കൂ​ട്ടാ​ളി​ക​ളെ സം​ബ​ന്ധി​ച്ചും ഇ​ട​പാ​ടു​കാ​രെ സം​ബ​ന്ധി​ച്ചും അ​ന്വേ​ഷ​ണം ന​ട​ത്തും.

ത​ല​സ്ഥാ​ന​ജി​ല്ല​യി​ലെ വി​വി​ധ ഭാ​ഗ​ങ്ങ​ളി​ൽ നി​ന്നു​ള്ള​വ​ർ ഓ​ൺ​ലൈ​ൻ റ​മ്മി​ക​ളി​ൽ വ്യാ​പ​രി​ക്കു​ന്ന​താ​യി ചി​ല സൂ​ച​ന​ക​ൾ പോ​ലീ​സി​ന് കി​ട്ടി​യി​ട്ടു​ണ്ട്.

വി​നീ​തി​ന്‍റെ ഫോ​ൺ പ​രി​ശോ​ധ​ന ന​ട​ത്തി അ​തി​ൽ നി​ന്നും കൂ​ടു​ത​ൽ വി​ശ​ദാം​ശ​ങ്ങ​ൾ തേ​ടാ​നാ​ണ് നീ​ക്കം. ക​ടം ക​യ​റി കൂ​ടു​ത​ൽ പേ​ർ വി​ഷാ​ദ​രോ​ഗി​ക​ളാ​യി മാ​റി​യി​ട്ടു​ണ്ടെ​ന്നും സൂ​ച​ന കി​ട്ടി​യ​തോ​ടെ ആ ​വ​ഴി​ക്കും അ​ന്വേ​ഷ​ണം വ്യാ​പി​പ്പി​ക്കും.

കു​റ്റി​ച്ച​ൽ ഗ്രാ​മ​പ​ഞ്ചാ​യ​ത്തി​ലെ കു​റ്റി​ച്ച​ൽ ടൗ​ൺ വാ​ർ​ഡ് പ​ഞ്ചാ​യ​ത്ത് അം​ഗം വേ​ലാ​യു​ധ​ൻ​പി​ള്ള​യു​ടെ മ​ക​ൻ വി​നീ​ത് തൂ​ങ്ങി മ​രി​ച്ച​തി​നു പി​ന്നി​ൽ ഓ​ൺ​ലൈ​ൻ റ​മ്മി ക​ളി​യാ​ണെ​ന്ന് പോ​ലീ​സി​ന് വി​വ​രം ല​ഭി​ച്ച​തോ​ടെ​യാ​ണ് ഈ ​നീ​ക്കം .

ത​ന്‍റെ 21 ല​ക്ഷം രൂ​പ ന​ഷ്ട​മാ​യ​തി​ന്‍റെ വി​ഷ​മ​ത്തി​ലാ​ണ് വീ​ടി​ന് സ​മീ​പ​ത്തെ പ​റ​മ്പി​ൽ വി​നീ​ത് തൂ​ങ്ങി​മ​രി​ച്ച​ത്. ഡി​സം​ബ​ർ 31നാ​ണ് വി​നീ​തി​നെ മ​രി​ച്ച നി​ല​യി​ൽ ക​ണ്ടെ​ത്തി​യ​ത്. ഓ​ൺ​ലൈ​ൻ റ​മ്മി​യി​ലൂ​ടെ പ​ണം പോ​കു​ക​യും ല​ക്ഷ​ങ്ങ​ളു​ടെ ക​ട​ക്കാ​ര​നാ​കു​ക​യും ചെ​യ്ത​തോ​ടെ​യാ​ണ് യു​വാ​വ് ജീ​വ​നൊ​ടു​ക്കി​യ​ത്.

വി​നീ​ത് ഒ​രു വ​ർ​ഷ​മാ​യി ഓ​ൺ​ലൈ​ൻ റ​മ്മി ക​ളി​യു​ടെ അ​ടി​മ​യാ​യി​രു​ന്നു. റ​മ്മി ക​ളി​യി​ലൂ​ടെ മാ​ത്രം പ​ല ത​വ​ണ​യാ​യി വി​നീ​തി​ന് 21 ല​ക്ഷം രൂ​പ​യാ​ണ് ന​ഷ്ട​മാ​യ​ത്. പ​ല സ്വ​കാ​ര്യ ലോ​ൺ ക​മ്പ​നി​ക​ളി​ൽ നി​ന്ന് അ​ട​ക്കം ക​ട​മെ​ടു​ത്താ​ണ് വി​നീ​ത് ഓ​ൺ​ലൈ​നാ​യി റ​മ്മി ക​ളി​ച്ച​ത്.

എ​ന്നാ​ൽ ഇ​തി​ൽ പ​ല ക​ളി​ക​ളി​ലും ഉ​ള്ള പ​ണം പോ​യ​തോ​ടെ ല​ക്ഷ​ക്ക​ണ​ക്കി​ന് രൂ​പ​യു​ടെ ക​ട​ക്കാ​ര​നാ​യി. ലോ​ക്ക്ഡൗ​ൺ കാ​ല​ത്താ​ണ് വി​നീ​ത് ഏ​റ്റ​വും കൂ​ടു​ത​ൽ റ​മ്മി ക​ളി​ച്ചി​രു​ന്ന​ത്. 21 ല​ക്ഷ​ത്തോ​ളം ക​ടം വ​ന്ന ശേ​ഷ​മാ​ണ് വി​നീ​ത് ഇ​ക്കാ​ര്യം വീ​ട്ടു​കാ​രെ അ​റി​യി​ക്കു​ന്ന​ത് ത​ന്നെ.

തു​ട​ർ​ന്ന് വീ​ട്ടു​കാ​ർ ഇ​ട​പെ​ട്ട് കു​റ​ച്ച് പ​ണം അ​ട​യ്ക്കു​ക​യും ചെ​യ്തു.​നി​ൽ​ക്ക​ക്ക​ള്ളി​യി​ല്ലാ​തെ വ​ന്ന​തോ​ടെ ഒ​രു മാ​സം മു​മ്പ് വി​നീ​ത് വീ​ട് വി​ട്ട് ഒ​ളി​ച്ചോ​ടി​പ്പോ​യി​രു​ന്നു. അ​ന്ന് പോ​ലീ​സാ​ണ് വി​നീ​തി​നെ കോ​ട്ട​യ​ത്തു നി​ന്നും ക​ണ്ടെ​ത്തി തി​രി​കെ വീ​ട്ടി​ലേ​ക്ക് കൊ​ണ്ടു​വ​ന്ന​ത്.

തി​രി​കെ വ​ന്ന ശേ​ഷ​വും വി​നീ​ത് വി​ഷാ​ദ​ത്തി​ന് അ​ടി​മ​യാ​യി​രു​ന്നു​വെ​ന്ന് വീ​ട്ടു​കാ​ർ പ​റ​യു​ന്നു. വി​നീ​തി​ന്‍റെ സു​ഹൃ​ത്തു​ക്ക​ളി​ൽ ചി​ല​രും റ​മ്മി​ക​ളി​യി​ൽ സ​ജീ​വ​മാ​യി​രു​ന്ന​താ​യി വി​വ​രം ല​ഭി​ച്ചു. റ​മ്മി​ക​ളി​യി​ലെ ഏ​ജ​ന്‍റുമാ​രി​ൽ ചി​ല​ർ വി​നീ​തി​നെ ഭീ​ഷ​ണി​പ്പെ​ടു​ത്തി​യി​രു​ന്ന​താ​യി വീ​ട്ടു​കാ​ർ പ​റ​യു​ന്നു.

ഇ​ത് വി​നീ​തി​നെ വി​ഷാ​ദ​രോ​ഗ​ത്തി​ന് അ​ടി​മ​യാ​ക്കി​യിരു​ന്നു. വി​നീ​തി​ന്‍റെ സു​ഹൃ​ത്തു​ക്ക​ളി​ൽ പ​ല​ർ​ക്കും റ​മ്മി ക​ളി വ​ഴി പ​ണം പോ​യ​താ​യും ഇ​ട​യ്ക്ക് വി​നീ​ത് പ​റ​ഞ്ഞി​രു​ന്ന​താ​യി ബ​ന്ധു​ക്ക​ൾ പ​റ​യു​ന്നു. ആ​ദ്യം ചെ​റി​യ തു​ക​യ്ക്ക് ക​ളി​ച്ചു​തു​ട​ങ്ങും. പി​ന്നീ​ട് വ​ൻ തു​ക​യ്​ക്ക് ക​ളി​ക്കും. അ​താ​ണ് വി​നീ​തി​നെ മ​ര​ണ​ത്തി​ലേ​ക്ക് ന​യി​ച്ച​ത്.