ന്യൂഡൽഹി: രാജ്യത്ത് കോവിഡ് ബാധിതരുടെ എണ്ണം 1,03,95,278 ആയി. 24 മണിക്കൂറിനിടെ 20,346 പേർക്ക് കോവിഡ് ബാധിച്ചു. 2,28,083 പേരാണ് ഇനി ചികിത്സയിലുള്ളത്.
ഇതുവരെ 1,00,16,859 പേർ രോഗമുക്തരായി. 24 മണിക്കൂറിനിടെ 19,587 പേരാണ് രോഗമുക്തരായത്. 222 മരണം രേഖപ്പെടുത്തി. 1,50,336 ഇതുവരെ മരിച്ചു.
24 മണിക്കൂറിനിടെ ഏറ്റവും കൂടുതൽ രോഗം സ്ഥിരീകരിച്ചത് കേരളത്തിലാണ്. ഇന്നലെ 6,394 പേർക്കാണ് രോഗം സ്ഥിരീകരിച്ചത്. മഹാരാഷ്ട്രയിൽ ഇതുവരെ 1,954,553 പേർക്കാണ് രോഗം ബാധിച്ചത്.
കർണാടകയിൽ 924,137ഉം ആന്ധ്രാപ്രദേശിൽ 883,876ഉം തമിഴ്നാട്ടിൽ 823,181 ഉം കേരളത്തിൽ 790,882 പേർക്കും ഇതുവരെ രോഗം ബാധിച്ചു.
രാജ്യത്ത് വിവിധ ആശുപത്രികളിൽ ഇതുവരെ 17,84,00,995 സാമ്പിളുകളാണ് പരിശോധിച്ചത്. ബുധനാഴ്ച മാത്രം 9,37,590 സാമ്പിളുകൾ പരിശോധിച്ചതായും ഐസിഎംആർ അറിയിച്ചു.
