എടപ്പാൾ: വീട്ടുകാർ പുറത്തു പോയ സമയത്ത് വൻ മോഷണം. 125 പവൻ സ്വർണവും 65,000 രൂപയും മോഷണം പോയി. മലപ്പുറം ചേകനൂർ പുത്തംകുളം മുതുമുറ്റത്ത് മുഹമ്മദ്കുട്ടിയുടെ വീട്ടിലാണ് മോഷണം നടന്നത്.
വ്യാഴാഴച രാവിലെ വീട്ടുകാർ തൃശൂരിലേക്കു പോയതായിരുന്നു. രാത്രി പത്തു മണിയോടെ വീട്ടിൽ തിരികെയെത്തിയപ്പോഴാണ് മോഷണം അറിയുന്നത്.
അലമാരയിൽ സൂക്ഷിച്ചിരുന്ന ആഭരണങ്ങളും പണവുമാണ് നഷ്ടമായത്. വാതിലുകൾക്കോ അലമാരക്കോ യാതൊരു കേടുപാടുകളും സംഭവിച്ചിട്ടില്ലായെന്നത് മോഷണം സംബന്ധിച്ച് ദുരൂഹത വർധിപ്പിക്കുന്നു. പൊന്നാനി പോലീസ് സ്ഥലത്തെത്തി അന്വേഷണം ആരംഭിച്ചു.
