നടി നസ്രിയ ഫഹദിന്‍റെ പുതിയ വിശേഷങ്ങൾ അറിയാൻ ആരാധകർ എപ്പോഴും ആകാംക്ഷകളോടെ കാത്തിരിക്കാറുണ്ട്. വിവാഹ ശേഷം നാല് വർഷത്തെ ഇടവേളയ്ക്ക് ശേഷമാണ് നടി മോളിവുഡിൽ വീണ്ടും സജീവമായത്. അഞ്ജലി മേനോൻ സംവിധാനം ചെയ്ത കൂടെ എന്ന ചിത്രത്തിലൂടെയായിരുന്നു നസ്രിയയുടെ തിരിച്ചുവരവ്.
കൂടെയിൽ പൃഥ്വിരാജിന്‍റെ അനിയത്തിയുടെ വേഷത്തിൽ ശ്രദ്ധേയ പ്രകടനമാണ് താരം നടത്തിയത്. ന്നാലെ ട്രാൻസ്, മണിയറയിലെ അശോകൻ എന്നീ ചിത്രങ്ങളിലും നസ്രിയ അഭിനയിച്ചിരുന്നു. അഭിനയത്തിനൊപ്പം നിർമാതാവായും നസ്രിയ എത്തിയിരുന്നു. ഫഹദിന്‍റെ കുന്പളങ്ങി നൈറ്റ്സ്, വരത്തൻ, സീ യൂ സൂണ്‍ തുടങ്ങിയ സിനിമകളുടെ നിർമാതാവായിരുന്നു നസ്രിയ.
അതേസമയം നസ്രിയ തെലുങ്കിലേക്കും കടക്കുകയാണ്. നാനി നായകനാവുന്ന സിനിമയിലൂടെയാണ് നസ്രിയ തെലുങ്കിലേക്കും എത്തുന്നത്. തിരക്കുകൾക്കിടെയിലും സോഷ്യൽ മീഡിയയിലും ആക്ടീവാകാറുളള താരമാണ് നസ്രിയ ഫഹദ്. തന്‍റെ എറ്റവും പുതിയ വിശേഷങ്ങളും ചിത്രങ്ങളും വീഡിയോസുമെല്ലാം നടി പങ്കുവയ്ക്കാറുണ്ട്.
നസ്രിയയുടെതായി വരാറുളള സോഷ്യൽ മീഡിയ പോസ്റ്റുകളെല്ലാം നിമിഷനേരംകൊണ്ടാണ് വൈറലാകാറുളളത്. അതേ സമയം നസ്രിയയുടെതായി വന്ന പുതിയ ഇൻസ്റ്റഗ്രാം സ്റ്റോറിയും വാർത്തകളിൽ ഇടംപിടിച്ചിരുന്നു. ഇത്തവണ തന്‍റെ ഇൻസ്റ്റഗ്രാം പ്രൊഫൈൽ ഹാക്ക് ചെയ്യപ്പെട്ടതായി ആരാധകരെ അറിയിച്ചുകൊണ്ടാണ് നടി എത്തിയിരിക്കുന്നത്.
പ്രൈാഫൈൽ ഹാക്ക് ചെയ്യപ്പെട്ടെന്നും ദയവായി മെസേജുകൾക്ക് മറുപടി അയയ്ക്കരുതെന്നും നസ്രിയ പറഞ്ഞു. ന്ധഏതോ കോമാളികൾ എന്‍റെ ഇൻസ്റ്റഗ്രാം പ്രൈാഫൈൽ ഹാക്ക് ചെയ്തിരിക്കുന്നു. കുറുച്ചുദിവസം എന്‍റെ ഇൻസ്റ്റ പ്രൊഫൈലിൽ നിന്ന് വരുന്ന മെസേജുകൾക്ക് ദയവായി മറുപടി അയക്കരുത്. ഇക്കാര്യം എന്‍റെ ശ്രദ്ധയിൽപ്പെടുത്തിയ എല്ലാവർക്കും നന്ദി. മറ്റെല്ലാം നന്നായിരിക്കുന്നു- നസ്രിയ കുറിച്ചു.
അതേസമയം ഫഹദിന്‍റെ വിശേഷങ്ങളും നസ്രിയയാണ് സോഷ്യൽ മീഡിയയിൽ പങ്കുവയ്ക്കാറുളളത്. സമൂഹമാധ്യമങ്ങളിൽ അത്ര ആക്ടീവല്ലാത്ത താരമാണ് ഫഹദ് ഫാസിൽ. എന്നാൽ ഫഹദിന്‍റെ പുതിയ വിശേഷങ്ങളെല്ലാം നസ്രിയ ആരാധകരെ അറിയിക്കാറുണ്ട്. തിരിച്ചുവരവിൽ കൂടെ എന്ന ചിത്രത്തിന് ശേഷം ഫഹദിന്‍റെ നായികയായിട്ടാണ് നസ്രിയ അഭിനയിച്ചത്. ഇവരുടെ ട്രാൻസ് എന്ന ചിത്രം ഏറെ ശ്രദ്ധിക്കപ്പെട്ടിരുന്നു.
