ആ പണി ഇവിടെ വേണ്ട ! അ​ഴു​ക്കു​ചാ​ലി​ലെ മാ​ലി​ന്യ​ങ്ങ​ൾ നീ​ക്കാ​തെ സ്ലാ​ബി​ട്ട് മൂ​ടാ​നു​ള്ള ശ്ര​മം വ്യാപാരികൾ ത​ട​ഞ്ഞു

മു​ക്കം: അ​ഴു​ക്കു​ചാ​ലി​ലെ മാ​ലി​ന്യ​ങ്ങ​ൾ നീ​ക്കാ​തെ സ്ലാ​ബി​ട്ട് മൂ​ടാ​നു​ള്ള ക​രാ​റു​കാ​ര​ന്‍റെ നീ​ക്കം വ്യാ​പാ​രി​ക​ൾ ത​ട​ഞ്ഞു. മു​ക്കം ടൗ​ണി​ലെ പ്ര​ധാ​ന റോ​ഡു​ക​ളി​ലൊ​ന്നാ​യ പു​തി​യ ബ​സ് സ്റ്റാ​ൻഡിനേ​യും പ​ഴ​യ ബ​സ് സ്റ്റാ​ൻഡിനേ​യും ത​മ്മി​ൽ ബ​ന്ധി​പ്പി​ക്കു​ന്ന എ​ര​ക്ക​ഞ്ചേ​രി റോ​ഡി​ലെ ഡ്രൈ​നേ​ജ് പ്ര​വൃ​ത്തി​യാ​ണ് ത​ട​ഞ്ഞ​ത്.

ക​ഴി​ഞ്ഞ ആ​ഴ്ച ഈ ​റോ​ഡി​ലെ കോ​ൺ​ക്രീ​റ്റ് പൂ​ർ​ത്തീ​ക​രി​ച്ചി​രു​ന്നു. തു​ട​ർ​ന്ന് അ​ഴു​ക്കു​ചാ​ൽ സ്ലാ​ബി​ടു​ന്ന പ്ര​വൃ​ത്തി​യും ആ​രം​ഭി​ക്കു​ക​യും ചെ​യ്തു.

എ​ന്നാ​ൽ റോ​ഡ് പ്ര​വൃ​ത്തി​യു​ടെ ഭാ​ഗ​മാ​യി മ​ണ്ണും ക​ല്ലും ച​പ്പു​ച​വ​റു​ക​ളു​മെ​ല്ലാം നി​റ​ഞ്ഞ ഡ്രൈ​നേ​ജ് ഇ​വ​യൊ​ന്നും നീ​ക്കം ചെ​യ്യാ​തെ സ്ലാ​ബി​ട്ട് മൂ​ടാ​നാ​യി​രു​ന്നു ക​രാ​റു​കാ​ര​ന്‍റെ ശ്ര​മം.

ഇ​തി​നെ​തി​രെ രം​ഗ​ത്തെ​ത്തി​യ വ്യാ​പാ​രി​ക​ളോ​ട് ഡ്രൈ​നേ​ജി​ലെ മാ​ലി​ന്യം നീ​ക്ക​ൽ ത​ന്‍റെ പ്ര​വൃ​ത്തി​യു​ടെ ഭാ​ഗ​മ​ല്ല​ന്ന് ക​രാ​റു​കാ​ര​ൻ പ​റ​യു​ക​യാ​യി​രു​ന്നു എ​ന്ന് വ്യാ​പാ​രി​ക​ൾ പ​റ​ഞ്ഞു.

നാ​ട്ടു​കാ​ർ മു​ക്കം ന​ഗ​ര​സ​ഭാ​ധി​കൃ​ത​രെ വി​വ​ര​മ​റി​യി​ച്ച​തി​നെ തു​ട​ർ​ന്ന് ഉ​ദ്യോ​ഗ​സ്ഥ​ർ സ്ഥ​ല​ത്തെ​ത്തു​ക​യും പ്ര​വൃ​ത്തി നി​ർ​ത്തി​വയ്​പ്പി​ക്കു​ക​യും ചെ​യ്തു.