തൊടുപുഴ: പാലായിൽ മാണി സി.കാപ്പൻ വിജയിച്ചത് തന്‍റെ കൂടി ശ്രമഫലമായാണെന്ന് പി.സി. ജോർജ് എംഎൽഎ. ഇത്തവണയും മാണി സി. കാപ്പനെ പിന്തുണയ്ക്കും.
അദ്ദേഹം അവിടെ ജയിക്കുമെന്നാണ് പ്രതീക്ഷ. മൽസരിച്ചാൽ വിജയിപ്പിക്കാനുള്ള എല്ലാ ശ്രമവും തുടർന്നും നടത്തും. യുഡിഎഫുമായി യാതൊരു ചർച്ചയും നടത്തിയിട്ടില്ല.
തെരഞ്ഞെടുപ്പിൽ പൂഞ്ഞാറിൽ തന്നെ താൻ മൽസരിക്കും. ഇക്കാര്യത്തിൽ ആർക്കും സംശയം വേണ്ട. ആരുടെയും വോട്ട് സ്വീകരിക്കും.
35,000 വോട്ടുകളുടെ ഭൂരിപക്ഷം തനിക്ക് ഉറപ്പാണ്. ഷോണ് ജോർജ് ഇത്തവണ മൽസരരംഗത്തുണ്ടാകില്ല. പാർട്ടി എത്രസീറ്റിൽ മൽസരിക്കുമെന്നതു സംബന്ധിച്ച് നേതൃയോഗം ചേർന്ന് തീരുമാനിക്കും.
കർഷകരും സാധാരണക്കാരും ദുരിതം അനുഭവിക്കുന്പോൾ ശന്പളപരിഷ്കരണം നടപ്പിലാക്കാനുള്ള സർക്കാർ തീരുമാനം പ്രതിഷേധാർഹമാണെന്നും അദ്ദേഹം പറഞ്ഞു.
