തൃ​ക്കാ​ക്ക​ര ന​ഗ​ര​സ​ഭ ഷോ​പ്പിം​ഗ്‌  കോംപ്ലക്സിലെ രണ്ടാം നിലയിലെ പാമ്പുകൾ സാമൂഹ്യ വിരുദ്ധർ;  ബോർഡ് പിന്നിലെ സത്യവസ്ഥയെക്കുറിച്ച് വ്യാപാരികൾ പറ‍യുന്നത് കഥ ഞെട്ടിക്കുന്നത്

കാ​ക്ക​നാ​ട്: തൃ​ക്കാ​ക്ക​ര ന​ഗ​ര​സ​ഭ ഷോ​പ്പിം​ഗ്‌ കോം​പ്ല​ക്സ് പാ​മ്പു​ക​ളു​ടെ താവളമാകുന്നു. പാന്പിന്‍റെ ശല്യം വർധിച്ച പ്പോൾ പോസ്റ്റർ എഴുതി ഒട്ടിച്ചിരിക്കുകയാണ് അധികൃതർ. എ​ൻ​ജി​ഒ ക്വാ​ർ​ട്ടേ​ഴ്സ് ജം​ഗ്‌​ഷ​നി​ലെ ന​ഗ​ര​സ​ഭ ഷോ​പ്പിം​ഗ്‌ കോം​പ്ല​ക്സ് കെ​ട്ടി​ട​ത്തി​ന്‍റെ ഒ​ന്നാം നി​ല​യി​ലെ കോ​വ​ണി​യോ​ട് ചേ​ർ​ന്നു​ള്ള ഭി​ത്തി​യി​ലാ​ണ് മു​ക​ളി​ലേ​ക്ക് ക​യ​റ​രു​ത് അ​വി​ടെ പാ​മ്പു​ണ്ടെ​ന്ന് പാ​മ്പി​ന്‍റെ പ​ടം ചേ​ർ​ത്ത് വ​ച്ച് എ​ഴു​തി പ്ര​ദ​ർ​ശി​പ്പി​ച്ചി​ട്ടു​ള്ള​ത്.

ര​ണ്ടാം നി​ല​യി​ലേ​ക്ക് ക​യ​റു​ന്ന കോ​വ​ണി​യി​ൽ നി​റ​യെ മാ​ലി​ന്യ കൂ​ന്പാ​ര​മാ​ണ്. അ​തി​നു​ള്ളി​ലാ​ണ് പാ​മ്പ് ഉ​ണ്ടെ​ന്ന് പ​റ​യ​പ്പെ​ടു​ന്ന​ത്. ഷോ​പ്പിം​ഗ്‌ കോം​പ്ല​ക്സി​ന്‍റെ ര​ണ്ടാം നി​ല​യി​ൽ കു​റെ ഭാ​ഗം ന​ഗ​ര​സ​ഭ ജീ​വ​ന​കാ​ർ​ക്ക് താ​മ​സി​ക്കു​ന്ന​തി​നാ​യി മു​റി​ക​ൾ പ​ണി​തി​ട്ടു​ണ്ട്.

വ​ർ​ഷ​ങ്ങ​ളാ​യി മു​റി​ക​ൾ സ​ജ്ജീ​ക​രി​ച്ചി​ട്ടു​ണ്ടെ​ങ്കി​ലും താ​മ​സി​ക്കാ​ൻ ആ​രും എ​ത്തി​യി​ട്ടി​ല്ല. അ​വി​ടെ രാ​ത്രി​കാ​ല​ങ്ങ​ളി​ൽ സാ​മു​ഹ്യ വി​രു​ദ്ധ​രു​ടെ താ​വ​ള​മാ​ണെ​ന്ന് ഷോ​പ്പിം​ഗ് കോം​പ്ല​ക്സി​ലെ ക​ച്ച​വ​ട​ക്കാ​ർ പ​റ​യു​ന്നു. മ​റ്റാ​രും ര​ണ്ടാം നി​ല​യി​ലേ​ക്ക് ക​യ​റാ​തി​രി​ക്കാ​ൻ ഭ​യ​പ്പെ​ടു​ത്തി​യാ​ണ് പാ​മ്പി​ന്‍റെ പ​ടം വ​ച്ച് വി​ല​ക്കി​യി​രി​ക്കു​ന്ന​ത്.

ഒ​ന്നാം നി​ല​യി​ലെ ക​ച്ച​വ​ട സ്ഥാ​പ​ന​ങ്ങ​ളു​ടെ വ​രാ​ന്ത​യി​ലെ ടൈ​ലു​ക​ൾ എ​ല്ലാം പൊ​ട്ടി​പൊ​ളി​ഞ്ഞ് ത​ക​ർ​ന്ന നി​ല​യി​ലാ​ണ്. മ​ദ്യം, ല​ഹ​രി വ​സ്തു ങ്ങ​ൾ എ​ന്നി​വ​യു​ടെ ഉ​പ​യോ​ഗ​വും, കൈ​മാ​റ്റ​വു​മാ​ണ് ഷോ​പ്പിം​ഗ്‌ കോം​പ്ല​ക്സി​ന്‍റെ ര​ണ്ടാം നി​ല​യി​ൽ ന​ട​ക്കു​ന്ന​തെ​ന്നാ​ണ് പ​റ​യു​ന്ന​ത്. അ​വി​ടേ​ക്ക് ഇ​ത്ത​ര​ക്കാ​ർ അ​ല്ലാ​തെ മ​റ്റാ​രും എ​ത്താ​തി​രി​ക്കാ​നാ​ണ് മു​ക​ളി​ൽ പാ​മ്പു​ക​ൾ ഉ​ണ്ടെ​ന്ന ബോ​ർ​ഡ് സ്ഥാ​പി​ച്ചി​ട്ടു​ള്ള​ത്. ഇ​തി​നെ​തി​രേ ന​ഗ​ര​സ​ഭ യാ​തൊ​രു ന​ട​പ​ടി​യും സ്വീ​ക​രി​ച്ചി​ട്ടി​ല്ല.