പെ​രു​മ്പാ​വൂ​രങ്കത്തിന് ആരെല്ലാം? എ​ങ്ങോ​ട്ട് വേ​ണ​മെ​ങ്കി​ലും ചാ​യു​ന്ന പെ​രു​മ്പാ​വൂ​രിൽ സ്ഥാനാർഥികളായി പരിഗണിക്കുന്നവർ ഇവരൊക്കെ…

പെ​രു​മ്പാ​വൂ​ർ: എ​ങ്ങോ​ട്ട് വേ​ണ​മെ​ങ്കി​ലും ചാ​യു​ന്ന പെ​രു​മ്പാ​വൂ​ർ നി​യോ​ജ​ക മ​ണ്ഡ​ല​ത്തി​ൽ വി​വി​ധ മു​ന്ന​ണി​ക​ളു​ടെ സ്ഥാ​നാ​ർ​ഥി​ക​ളെ സം​ബ​ന്ധി​ച്ചു​ള​ള ച​ർ​ച്ച​ക​ൾ അ​ന്തി​മ​ഘ​ട്ട​ത്തി​ലേ​ക്ക്. സം​സ്ഥാ​ന​ഭ​ര​ണം സു​ഗ​മ​മാ​ക്കാ​ൻ മു​ന്ന​ണി​ക​ളെ പ​ല​വ​ട്ടം സ​ഹാ​യി​ക്കു​ന്ന ഈ ​മ​ണ്ഡ​ല​ത്തി​ന്‍റെ ച​രി​ത്ര​വും വ​ർ​ത്ത​മാ​ന​വും സ്ഥാ​നാ​ർ​ഥി​ക​ളു​ടെ വി​ജ​യ​ഘ​ട​ക​ങ്ങ​ളാ​കാ​റി​ല്ലെ​ന്ന​താ​ണ് വാ​സ്ത​വം.

യാ​ക്കോ​ബാ​യ, ഈ​ഴ​വ, മു​സ്‌​ലിം വോ​ട്ടു​ക​ൾ ഗ​തി​നി​ർ​ണ​യി​ക്കു​ന്ന മ​ണ്ഡ​ലം രാ​ഷ്ട്രീ​യ ചാ​യ്‌​വു​ക​ൾ​ക്കു​മ​പ്പു​റം വ്യ​ക്തി​പ്ര​ഭാ​വ​ത്തി​ൽ വി​ജ​യം സ​മ്മാ​നി​ക്കു​ന്ന ഒ​ന്നാ​ണ്. സ്ഥാ​നാ​ർ​ഥി​ക​ളെ സം​ബ​ന്ധി​ച്ച് വി​വി​ധ പാ​ർ​ട്ടി​ക​ൾ ച​ർ​ച്ച ന​ട​ത്തി ധാ​ര​ണ​ക​ളാ​യി​ട്ടു​ണ്ടെ​ങ്കി​ലും ഘ​ട​ക​ക​ക്ഷി​ക​ളു​ടെ നീ​ക്കം, നേ​തൃ​ത്വ​ത്തി​ന്‍റെ സ​മ്മ​തം, സാ​മു​ദാ​യി​ക സ​മ​വാ​ക്യം എ​ന്നീ ഘ​ട​ക​ങ്ങ​ൾ അ​നു​സ​രി​ച്ചാ​യി​രി​ക്കും അ​ന്തി​മ​പ്ര​ഖ്യാ​പ​നം.

നേ​ര​ത്തേ തു​ട​ങ്ങി യു​ഡി​എ​ഫ്
പ​തി​വി​ന് വി​പ​രീ​ത​മാ​യി സ്ഥാ​നാ​ർ​ഥി നി​ർ​ണ​യ​ത്തി​ൽ ഇ​ത​ര മു​ന്ന​ണി​ക​ളെ ബ​ഹു​ദൂ​രം പി​ന്നി​ലാ​ക്കി യു​ഡി​എ​ഫി​ൽ സ്ഥാ​നാ​ർ​ഥി ധാ​ര​ണ​യാ​യി​ട്ടു​ണ്ട്. സി​റ്റിം​ഗ് എം​എ​ൽ​എ എ​ൽ​ദോ​സ് കു​ന്ന​പ്പി​ള​ളി​യെ ത​ന്നെ​യാ​ണ് യു​ഡി​എ​ഫ് മ​ണ്ഡ​ലം കാ​ക്കാ​ൻ നി​യോ​ഗി​ച്ചി​രി​ക്കു​ന്ന​ത്.

ഇ​തു സം​ബ​ന്ധി​ച്ച് ഔ​ദ്യോ​ഗി​ക പ്ര​ഖ്യാ​പ​നം വ​ന്നി​ട്ടി​ല്ലെ​ങ്കി​ലും ര​മേ​ഷ് ചെ​ന്നി​ത്ത​ല ന​യി​ച്ച യാ​ത്ര​യി​ലും പി​ന്നീ​ട് കോ​ൺ​ഗ്ര​സ് ഭ​വ​ൻ ഉ​ദ്ഘാ​ട​ന​ച്ച​ട​ങ്ങ​ളി​ലും എ​ൽ​ദോ​സ് കു​ന്ന​പ്പി​ള​ളി​യാ​ണെ​ന്നു​ള​ള സൂ​ച​ന​ക​ൾ നേ​താ​ക്ക​ൾ പ്ര​സം​ഗ​ത്തി​ലൂ​ടെ പ​രാ​മ​ർ​ശി​ച്ചി​രു​ന്നു.

കൂ​ടാ​തെ വ​ർ​ഷ​ങ്ങ​ൾ​ക്ക് ശേ​ഷം സി​പി​എ​മ്മി​ലെ സാ​ജു​പോ​ൾ എം​എ​ൽ​എ​യെ മു​ട്ടു​കു​ത്തി​ച്ച​തും നി​ർ​ണാ​യ​ക​വോ​ട്ട് ബാ​ങ്കാ​യ യാ​ക്കോ​ബാ​യ വി​ഭാ​ഗ​ക്കാ​ര​നാ​യ​തും മ​ണ്ഡ​ല​ത്തി​ലെ വി​ക​സ​ന​പ്ര​വ​ർ​ത്ത​ന​ങ്ങ​ളും അ​ദേ​ഹ​ത്തി​ന് ഗു​ണ​ക​ര​മാ​കും. യു​വാ​ക്ക​ൾ​ക്കും വി​ജ​യ​സാ​ധ്യ​ത​യു​ള​ള​വ​ർ​ക്കും പ്രാ​തി​നി​ധ്യം എ​ന്ന കേ​ന്ദ്ര​നേ​തൃ​ത്വ​ത്തി​ന്‍റെ ആ​വ​ശ്യ​വും ഇ​തി​ലൂ​ടെ നി​റ​വേ​റും.

സ്ഥാ​നാ​ർ​ഥി നി​ർ​ണ​യം കീ​റാ​മു​ട്ടി​യാ​യിഎ​ൽ​ഡി​എ​ഫ്
ആ​ദ്യം പ്ര​ഖ്യാ​പി​ച്ച് പ്ര​ചാ​ര​ണം തു​ട​ങ്ങു​ക എ​ന്ന പ​തി​വ് രീ​തി​ക്ക് കോ​ട്ടം സം​ഭ​വി​ച്ച എ​ൽ​ഡി​എ​ഫി​ന്‍റെ സ്ഥാ​നാ​ർ​ഥി നി​ർ​ണ​യ​വും പെ​രു​മ്പാ​വൂ​രി​ലും അ​വ​സാ​ന ഘ​ട്ട​ത്തി​ലാ​ണ്. ഇ​തു​വ​രെ ഒ​രു പേ​ര് പ​ക്ഷേ അ​വ​ർ കൃ​ത്യ​മാ​യി മു​ന്നോ​ട്ടു വ​യ്ക്കു​ന്നി​ല്ല. മു​ൻ എം​എ​ൽ​എ സാ​ജു​പോ​ൾ, ജി​ല്ല സെ​ക്ര​ട്ട​റി​യേ​റ്റ് അം​ഗം എ​ൻ.​സി. മോ​ഹ​ന​ൻ എ​ന്നി​വ​രു​ടെ പേ​രു​ക​ളാ​ണ് സി​പി​എ​മ്മി​ന​ക​ത്ത് പ​രി​ഗ​ണി​ക്കു​ന്ന​ത്.

യാ​ക്കോ​ബാ​യ വി​ഭാ​ഗം, മു​ൻ പ​രി​ച​യം, വി​ജ​യ​സാ​ധ്യ​ത എ​ന്നി​വ ക​ണ​ക്കി​ലെ​ടു​ത്ത് പാ​ർ​ട്ടി​ക്ക​ക​ത്ത് സാ​ജു​പോ​ളി​നാ​യി ഒ​രു വി​ഭാ​ഗം വാ​ദി​ക്കു​മ്പോ​ൾ എ​ൻ.​സി. മോ​ഹ​ന​നാ​യും ആ​ളു​ക​ൾ രം​ഗ​ത്തു​ണ്ട്. എ​ന്നാ​ൽ സി​പി​എം പാ​ർ​ട്ടി നേ​തൃ​ത്വ​ത്തി​ന് കീ​റാ​മു​ട്ടി​യാ​യി​രി​ക്കു​ന്ന​ത് മ​റ്റൊ​രു പ്ര​ശ്‌​ന​മാ​ണ്.

പു​തു​താ​യി ഘ​ട​ക​ക​ക്ഷി​യാ​യ മാ​ണി ഗ്രൂ​പ്പ് ജി​ല്ല​യി​ൽ ഒ​രു സീ​റ്റ് ആ​വ​ശ്യ​പ്പെ​ട്ട​ത് പെ​രു​മ്പാ​വൂ​രോ അ​ങ്ക​മാ​ലി​യോ ആ​കാ​നാ​ണ് സാ​ധ്യ​ത. പെ​രു​മ്പാ​വൂ​ർ മാ​ണി ഗ്രൂ​പ്പി​ന് വി​ട്ട് ന​ൽ​കു​ക​യാ​ണെ​ങ്കി​ൽ എം​എ​ൽ​എ ആ​യി റോ​ഷി അ​ഗ​സ്റ്റി​നാ​ണ് കൂ​ടു​ത​ൽ സാ​ധ്യ​ത.

എ​ന്നാ​ൽ സി​റ്റിം​ഗ് സീ​റ്റി​ൽ മ​ൽ​സ​രി​ക്കാ​നാ​ണ് റോ​ഷി​യു​ടെ തീ​രു​മാ​ന​മെ​ങ്കി​ൽ ജി​ല്ലാ പ്ര​സി​ഡ​ന്‍റും പെ​രു​മ്പാ​വൂ​ർ സ്വ​ദേ​ശി​യു​മാ​യ ബാ​ബു ജോ​സ​ഫാ​യി​രി​ക്കും സ്ഥാ​നാ​ർ​ഥി​യാ​യി വ​രി​ക. ഇ​തു സം​ബ​ന്ധി​ച്ച് അ​ന്തി​മ​തീ​രു​മാ​ന​ങ്ങ​ൾ വ​രും ദി​വ​സ​ങ്ങ​ളി​ൽ പു​റ​ത്ത് വ​രു​മെ​ന്നാ​ണ​റി​യു​ന്ന​ത്.

പെ​രു​മ്പാ​വൂ​രി​ൽകര ക​യ​റാ​ൻ എ​ൻ​ഡിഎ
​എ​ൻ​ഡി​എ​യു​ടെ സീ​റ്റ് ഘ​ട​ക​ക​ക്ഷി​യാ​യ ബി​ഡി​ജെ​എ​സി​നാ​ണ് ഇ​വി​ടെ ന​ൽ​കി​യി​രി​ക്കു​ന്ന​ത്. ബി​ഡി​ജെ എ​സി​ന്‍റെ ജി​ല്ലാ പ്ര​സി​ഡ​ന്‍റും കു​ന്ന​ത്തു​നാ​ട് എ​സ്എ​ൻ​ഡി​പി യൂ​ണി​യ​ൻ മു​ൻ സെ​ക്ര​ട്ട​റി എ.​ബി. ജ​യ​പ്ര​കാ​ശി​ന്‍റെ പേ​രാ​ണ് ഉ​യ​ർ​ന്നു​വ​ന്നി​ട്ടു​ള്ള​ത്.

ഒ​ട്ടു​മി​ക്ക സ​മു​ദാ​യ​ങ്ങ​ളു​മാ​യും എ​സ്എ​ൻ​ഡി​പി​യു​ടെ താ​ഴേ​ത്ത​ട്ടി​ലു​ള​ള​വ​രു​മാ​യി ബ​ന്ധ​മു​ള​ള ജ​യ​പ്ര​കാ​ശ് ഇ​ക്കു​റി മ​ണ്ഡ​ല​ത്തി​ൽ വ​ൻ​മാ​റ്റ​ങ്ങ​ൾ ഉ​ണ്ടാ​കു​മെ​ന്ന പ്ര​തീ​ക്ഷ​യി​ലാ​ണ്.

ചെ​റു​പാ​ർ​ട്ടി​ക​ളും
ഇ​ത​ര പാ​ർ​ട്ടി​ക​ളാ​യ ട്വ​ന്‍റി-20, എ​സ്ഡി​പി​ഐ, വെ​ൽ​ഫെ​യ​ർ പാ​ർ​ട്ടി, പി​ഡി​പി, വി​ഫോ​ർ കൊ​ച്ചി​ൻ തു​ട​ങ്ങി മു​ന്ന​ണി സം​വി​ധാ​ന​ങ്ങ​ളി​ലി​ല്ലാ​ത്ത പാ​ർ​ട്ടി​ക​ളും പെ​രു​മ്പാ​വൂ​രി​ൽ സ്ഥാ​നാ​ർ​ഥി​ക​ളെ രം​ഗ​ത്തി​റ​ക്കു​ന്ന​തി​ന്‍റെ സൂ​ച​ന​ക​ളു​ണ്ട്.