സംശയം തോന്നിയെന്നുകരുതി ഇങ്ങനെയൊക്കെ ചെയ്യാമോ? സ്വ​ർ​ണം ഒ​ളി​പ്പി​ച്ചെ​ന്ന സംശയം; യാ​ത്ര​ക്കാ​ര​ന്‍റെ 45 ല​ക്ഷ​ത്തി​ലേ​റെ വി​ല​യു​ള​ള വാച്ചിന്റെ കഥ കഴിഞ്ഞു

കൊ​ണ്ടോ​ട്ടി: സ്വ​ർ​ണം ഒ​ളി​പ്പി​ച്ചെ​ന്ന സം​ശ​യ​ത്തി​ൽ ക​രി​പ്പൂ​രി​ലെ​ത്തി​യ ക​ർ​ണാ​ട​ക സ്വ​ദേ​ശി​യാ​യ യാ​ത്ര​ക്കാ​ര​ന്‍റെ വി​ല കൂ​ടി​യ വാ​ച്ച് ക​സ്റ്റം​സ് അ​ടി​ച്ചു ത​ക​ർ​ത്ത​താ​യി പ​രാ​തി.

ഇ​തേ​ക്കു​റി​ച്ചു ക​രി​പ്പൂ​ർ പോ​ലീ​സ് കേ​സെ​ടു​ത്തു. വി​ഷ​യ​ത്തി​ൽ മ​ഞ്ചേ​രി മ​ജി​സ്ട്രേ​റ്റ് കോ​ട​തി​യി​ൽ സ്വ​കാ​ര്യ അ​ന്യാ​യം ഫ​യ​ൽ ചെ​യ്യും.

കോ​ട​തി​യു​ടെ അ​നു​മ​തി ല​ഭി​ച്ച​തി​നു ശേ​ഷ​മാ​യി​രി​ക്കും സം​ഭ​വം വി​ശ​ദ​മാ​യി പോ​ലീ​സ് പ​രി​ശോ​ധി​ക്കു​ക.

ക​ഴി​ഞ്ഞ ദി​വ​സം രാ​ത്രി ക​സ്റ്റം​സ് പ​രി​ശോ​ധ​ന​യ്ക്കി​ടെ​യാ​ണ് ദു​ബാ​യി​ൽ നി​ന്നെ​ത്തി​യ ക​ർ​ണാ​ട​ക ഭ​ട്ക​ൽ സ്വ​ദേ​ശി മു​ഹ​മ്മ​ദ് ഇ​സ്മാ​യി​ലി​ന്‍റെ 45 ല​ക്ഷ​ത്തി​ലേ​റെ വി​ല​യു​ള​ള വാ​ച്ച് അ​ടി​ച്ചു​ത​ക​ർ​ത്ത​ത്.

സ്വ​ർ​ണ​മു​ണ്ടെ​ന്നു സം​ശ​യം പ്ര​ക​ടി​പ്പി​ച്ചാ​ണ് വാ​ച്ച് പ​രി​ശോ​ധി​ക്കാ​നാ​യി ക​സ്റ്റം​സ് വാ​ങ്ങി​യ​ത്.

വി​ശ​ദ​മാ​യ പ​രി​ശോ​ധ​ന ന​ട​ത്തി​യെ​ങ്കി​ലും സ്വ​ർ​ണം ക​ണ്ടെ​ത്താ​നാ​യി​ല്ല. പി​ന്നീ​ട് വാ​ച്ച് തി​രി​കെ ന​ൽ​കു​ന്പോ​ൾ ഉ​പ​യോ​ഗി​ക്കാ​ൻ സാ​ധി​ക്കാ​ത്ത രീ​തി​യി​ൽ ത​ക​ർ​ന്നി​രു​ന്നു.

ദു​ബാ​യി​ലു​ള​ള സ​ഹോ​ദ​ര​നാ​ണ് വാ​ച്ച് ഇ​സ്മാ​യി​ലി​നു ന​ൽ​കി​യ​ത്. പ​രി​ശോ​ധ​ന വേ​ള​യി​ൽ ത​ന്നെ വി​ല കൂ​ടി​യ വാ​ച്ചാ​ണെ​ന്നു യാ​ത്ര​ക്കാ​ര​ൻ ക​സ്റ്റം​സ് ഉ​ദ്യോ​ഗ​സ്ഥ​രോ​ടു പ​റ​ഞ്ഞി​രു​ന്നു.

ഇ​തേ​ക്കു​റി​ച്ചു അ​ന്വേ​ഷ​ണം ന​ട​ത്ത​ണ​മെ​ന്നാ​വ​ശ്യ​പ്പെ​ട്ടു യാ​ത്ര​ക്കാ​ര​ൻ ക​രി​പ്പൂ​രി​ലെ ക​സ്റ്റം​സ് വി​ഭാ​ഗ​ത്തി​നും വി​മാ​ന​ത്താ​വ​ള ഡ​യ​റ​ക്ട​ർ​ക്കും പ​രാ​തി ന​ൽ​കി​യി​ട്ടു​ണ്ട്.

സ്വ​ർ​ണ​മു​ണ്ടെ​ന്ന സം​ശ​യ​ത്തെ തു​ട​ർ​ന്നു യാ​ത്ര​ക്കാ​ര​ന്‍റെ സാ​ന്നി​ധ്യ​ത്തി​ലാ​യി​രു​ന്നു പ​രി​ശോ​ധ​ന​യെ​ന്നും വി​ല കൂ​ടി​യ വാ​ച്ചാ​ണെ​ന്ന വി​വ​രം ധ​രി​പ്പി​ച്ചി​ല്ലെ​ന്നും ക​സ്റ്റം​സ് അ​ധി​കൃ​ത​ർ പ​റ​ഞ്ഞു.