കൊ​ടൈ​ക്ക​നാ​ൽ വേ​ണ്ട, ന​മു​ക്കു ക​ന്യാ​കു​മാ​രി​യി​ലേ​ക്കു പോകാം! കൊ​ടൈ​ക്ക​നാ​ൽ ല​ക്ഷ്യ​മാ​ക്കി വ​ണ്ടി നീ​ങ്ങി​ക്കൊ​ണ്ടി​രി​ക്കെ പെ​ട്ടെ​ന്ന് അ​വ​ർ ഡ്രൈ​വ​ർ രാ​ജു​വി​നെ വി​ളി​ച്ചു…

ക​റു​ത്ത്‌ പ്രൗ​ഢ​യാ​യ ഒ​രു സ്ത്രീ​യാ​യി​രു​ന്നു ഡോ.​ഒാ​മ​ന. അ​വ​രു​ടെ പെ​രു​മാ​റ്റ​ത്തി​ലോ ഇ​ട​പെ​ട​ലി​ലോ സം​ശ​യ​ക​ര​മാ​യി ഒ​ന്നും ത​ന്നെ വാ​ൻ ഡ്രൈ​വ​റാ​യ രാ​ജു​വി​നു തോ​ന്നി​യി​ല്ല.

ഊ​ട്ടി​യി​ൽ​നി​ന്നു കൊ​ടൈ​ക്ക​നാ​ലി​ലേ​ക്കാ​ണ് യാ​ത്ര എ​ന്ന​തു​കൊ​ണ്ടു ത​ന്നെ അ​വ​ർ ടൂ​റി​സ്റ്റ് ആ​ണെ​ന്ന് അ​യാ​ൾ ഉ​റ​പ്പി​ച്ചി​രു​ന്നു.

സാ​മാ​ന്യം വ​ലു​തും ക​ന​മു​ള്ള​തു​മാ​യ ഒ​രു സ്യൂ​ട്ട്‌​കേ​സാ​യി​രു​ന്നു അ​വ​രു​ടെ കൈ​വ​ശം ഉ​ണ്ടാ​യി​രു​ന്ന​ത്. ഭാ​ര​മു​ള്ള സ്യൂ​ട്ട്‌​കേ​സ്‌ വാ​നി​ൽ ക​യ​റ്റി​വ​യ്ക്കാ​ൻ ഡ്രൈ​വ​റും അ​വ​രെ സ​ഹാ​യി​ച്ചു.

കൊ​ടൈ​ക്ക​നാ​ൽ ല​ക്ഷ്യ​മാ​ക്കി വാ​ൻ നീ​ങ്ങി. എ​ന്നാ​ൽ, യാ​ത്ര​യ്ക്കി​ട​യി​ൽ ഡോ.​ഒാ​മ​ന ഒ​ന്നും സം​സാ​രി​ച്ചി​ല്ല. സാ​ധാ​ര​ണ ഇ​ങ്ങ​നെ ടൂ​റി​സ്റ്റു​ക​ളാ​യി എ​ത്തു​ന്ന​വ​ർ സ്ഥ​ല​ങ്ങ​ളെ​ക്കു​റി​ച്ചും നാ​ടി​നെ​ക്കു​റി​ച്ചും കാ​ഴ്ച​ക​ളെ​ക്കു​റ​ച്ചു​മൊ​ക്കെ ഡ്രൈ​വ​ർ​മാ​രോ​ടു ചോ​ദി​ക്കു​ക പ​തി​വാ​ണ്.

പ്ര​ത്യേ​കി​ച്ച് ഒ​റ്റ​യ്ക്കാ​ണ് യാ​ത്ര​യെ​ങ്കി​ൽ എ​ന്തെ​ങ്കി​ലു​മൊ​ക്കെ സം​സാ​രി​ക്കും. എ​ന്നാ​ൽ, ഒാ​മ​ന സം​സാ​രി​ച്ച​തേ​യി​ല്ല.

വ​ഴി മാ​റി​യ​പ്പോ​ൾ

എ​ന്തെ​ങ്കി​ലും അ​വ​രോ​ടു ചോ​ദി​ക്കാ​ൻ ന​മു​ക്കു മ​ടി തോ​ന്നു​ന്ന ഒ​രു ത​രം ഭ​യ​പ്പെ​ടു​ത്തു​ന്ന ഒ​രു നി​ശ​ബ്ദ​ത അ​വ​രു​ടെ മു​ഖ​ത്തു​ണ്ടാ​യി​രു​ന്ന​താ​യി ഡ്രൈ​വ​ർ പ​റ​യു​ന്നു. ഇ​തോ​ടെ എ​ന്തൊ​ക്കെ​യോ പ​ന്തി​കേ​ടു തോ​ന്നി​യ ഡ്രൈ​വ​ർ അ​വ​രെ സൂ​ക്ഷ്മ​മാ​യി നി​രീ​ക്ഷി​ച്ചു.

അ​വ​രു​ടെ ചി​ല പെ​രു​മാ​റ്റ​ങ്ങ​ളി​ൽ ചി​ല്ല​റ സം​ശ​യ​ങ്ങ​ൾ തോ​ന്നി​യെ​ങ്കി​ലും അ​തൊ​ക്കെ ത​ന്‍റെ തോ​ന്ന​ലാ​യി​രി​ക്കു​മെ​ന്ന ചി​ന്ത​യി​ൽ അ​യാ​ൾ വ​ണ്ടി​യോ​ടി​ച്ചു​കൊ​ണ്ടി​രു​ന്നു.

ഒ​ന്നും മി​ണ്ടാ​തെ ഇ​രി​ക്കു​ന്ന അ​വ​രോ​ട് എ​ന്തെ​ങ്കി​ലും സം​സാ​രി​ക്കാ​നും അ​യാ​ൾ ശ്ര​മി​ച്ചി​ല്ല. ഇ​തി​നി​ടെ, ന​ട​ന്ന ഒ​രു സം​ഭ​വ​മാ​ണ് ഒാ​മ​ന​യെ​ക്കു​റി​ച്ചു കാ​ര്യ​മാ​യ സം​ശ​യം തോ​ന്നാ​ൻ ഡ്രൈ​വ​റെ പ്രേ​രി​പ്പി​ച്ച​ത്.

കൊ​ടൈ​ക്ക​നാ​ൽ ല​ക്ഷ്യ​മാ​ക്കി വ​ണ്ടി നീ​ങ്ങി​ക്കൊ​ണ്ടി​രി​ക്കെ പെ​ട്ടെ​ന്ന് അ​വ​ർ ഡ്രൈ​വ​ർ രാ​ജു​വി​നെ വി​ളി​ച്ചു.

കൊ​ടൈ​ക്ക​നാ​ൽ വേ​ണ്ട, ന​മു​ക്കു ക​ന്യാ​കു​മാ​രി​യി​ലേ​ക്കു പോ​ക​ണ​മെ​ന്ന് അ​വ​ർ നി​ർ​ദേ​ശി​ച്ചു. ഇ​തു​കേ​ട്ട ഡ്രൈ​വ​ർ ആ​കെ അ​ന്പ​ര​ന്നു​പോ​യി.

കൊ​ടൈ​ക്ക​നാ​ലി​ലേ​ക്കു ഒാ​ട്ടം വി​ളി​ച്ചി​ട്ടു പോ​കു​ന്ന വ​ഴി​ക്കു പെ​ട്ടെ​ന്നു ക​ന്യാ​കു​മാ​രി​യി​ലേ​ക്കു പോ​യാ​ൽ മ​തി എ​ന്ന് അ​വ​ർ പ​റ​ഞ്ഞ​തി​ൽ എ​ന്തൊ​ക്കെ​യോ ദു​രൂ​ഹ​ത ഡ്രൈ​വ​ർ മ​ണ​ത്തു.

ആ നോട്ടം!

വൈ​കി​ട്ട് ആ​റോ​ടെ വാ​ൻ ചെ​മ്പ​ക​ള്ളൂ​ർ പെ​ട്രോ​ൾ പ​മ്പി​നു സ​മീ​പ​മെ​ത്തി. റൂ​ട്ടു മാ​റ്റി പ​റ​ഞ്ഞ​തോ​ടെ യാ​ത്ര​യ്ക്കി​ട​യി​ലെ​ല്ലാം ഡ്രൈ​വ​ർ അ​വ​രെ നി​രീ​ക്ഷി​ക്കു​ന്നു​ണ്ടാ​യി​രു​ന്നു.

ത​ന്‍റെ കൈ​വ​ശ​മു​ള്ള സ്യൂ​ട്ട് കേ​സി​ലേ​ക്ക് അ​വ​ർ ഇ​ട​യ്ക്കി​ടെ നോ​ക്കു​ന്ന​തു ഇ​തി​നി​ടെ ഡ്രൈ​വ​റു​ടെ ശ്ര​ദ്ധ​യി​ൽ​പ്പെ​ട്ടു.

ചു​റ്റു​മു​ള്ള കാ​ഴ്ച​ക​ളോ യാ​ത്ര​യോ ഒ​ന്നി​ലു​മ​ല്ല ആ ​സ്യൂ​ട്ട് കേ​സി​ലാ​ണ് അ​വ​രു​ടെ പ്ര​ധാ​ന ശ്ര​ദ്ധ​യെ​ന്നു രാ​ജു​വി​നു മ​ന​സി​ലാ​യി. (തു​ട​രും)

തയാറാക്കിയത്: എൻ.എം