കു​ഞ്ഞൂ​ഞ്ഞി​ന്‍റെ ത​ന്ത്ര​ങ്ങ​ൾ കു​റി​ക്ക് കൊ​ണ്ടു! ത​ർ​ക്ക​ങ്ങ​ൾ​ക്കും ആ​ശ​ങ്ക​ക​ൾ​ക്കും നാ​ട​കീ​യ​ത​ക​ൾ​ക്കും വി​രാ​മ​മി​ട്ട് കോ​ൺ​ഗ്ര​സ് സ്ഥാ​നാ​ർ​ഥി പ​ട്ടി​ക​യി​ൽ അ​ന്തി​മ തീ​രു​മാ​ന​മാ​യെ​ന്ന് സൂ​ച​ന

ന്യൂ​ഡ​ൽ​ഹി: ത​ർ​ക്ക​ങ്ങ​ൾ​ക്കും ആ​ശ​ങ്ക​ക​ൾ​ക്കും നാ​ട​കീ​യ​ത​ക​ൾ​ക്കും വി​രാ​മ​മി​ട്ട് നി​യ​മ​സ​ഭാ തെ​ര​ഞ്ഞെ​ടു​പ്പി​നു​ള്ള കോ​ൺ​ഗ്ര​സ് സ്ഥാ​നാ​ർ​ഥി പ​ട്ടി​ക​യി​ൽ അ​ന്തി​മ തീ​രു​മാ​ന​മാ​യെ​ന്ന് സൂ​ച​ന.

ദി​വ​സ​ങ്ങ​ളാ​യി ന​ട​ന്ന സ്ക്രീ​നിം​ഗ് ക​മ്മി​റ്റി​ക്ക് ശേ​ഷം, രാ​ജ്യ​ത​ല​സ്ഥാ​ന​ത്ത് ത​ങ്ങു​ന്ന കെ​പി​സി​സി അ​ധ്യ​ക്ഷ​ൻ മു​ല്ല​പ്പ​ള്ളി രാ​മ​ച​ന്ദ്ര​നു​മാ​യി ഹൈ​ക്ക​മാ​ൻ​ഡ് പ്ര​തി​നി​ധി​ക​ൾ ന​ട​ത്തി​യ ച​ർ​ച്ച​യ്ക്കൊ​ടു​വി​ലാ​ണ് സ്ഥാ​നാ​ർ​ഥി നി​ർ​ണ​യം അ​ന്തി​മ​മാ​യ​ത്.

സം​സ്ഥാ​ന​ത്തി​ന്‍റെ ശ്ര​ദ്ധാ​കേ​ന്ദ്ര​മാ​യി മാ​റി​യ നേ​മം മ​ണ്ഡ​ല​ത്തി​ൽ ലോ​ക്സ​ഭാം​ഗം കൂ​ടി​യാ​യ കെ.​മു​ര​ളീ​ധ​ര​നെ മ​ത്സ​രി​പ്പി​ക്കാ​ൻ തീ​രു​മാ​ന​മാ​യെ​ന്നാ​ണ് വി​വ​രം.

ഇ​തു​മാ​യി ബ​ന്ധ​പ്പെ​ട്ട ച​ർ​ച്ച​യ്ക്കാ​യി മു​ര​ളി​യെ നേ​ര​ത്തെ ഡ​ൽ​ഹി​യി​ലേ​ക്ക് വി​ളി​പ്പി​ച്ചി​രു​ന്നു.

നേ​ര​ത്തെ, ഉ​മ്മ​ൻ ചാ​ണ്ടി നേ​മ​ത്ത് മ​ത്സ​രി​ക്കു​മെ​ന്ന് അ​ഭ്യൂ​ഹ​ങ്ങ​ൾ പ​ര​ന്നി​രു​ന്നു​വെ​ങ്കി​ലും അ​ദ്ദേ​ഹം ത​ന്നെ അ​തി​ന് വി​രാ​മി​ട്ടി​രു​ന്നു.

ഉ​മ്മ​ൻ ചാ​ണ്ടി പു​തു​പ്പ​ള്ളി​യി​ൽ ത​ന്നെ മ​ത്സ​രി​ക്കു​മെ​ന്ന കാ​ര്യ​ത്തി​ലും തീ​രു​മാ​ന​മാ​യി​ട്ടു​ണ്ട്.

ഞാ​യ​റാ​ഴ്ച രാ​വി​ലെ 11ന് ​മു​ല്ല​പ്പ​ള്ളി രാ​മ​ച​ന്ദ്ര​ൻ സ്ഥാ​നാ​ർ​ഥി പ്ര​ഖ്യാ​പ​നം ന​ട​ത്തു​മെ​ന്നാ​ണ് സൂ​ച​ന. പ​ട്ടാ​മ്പി, നി​ല​മ്പൂ​ർ ഒ​ഴി​കെ​യു​ള്ള മ​ണ്ഡ​ല​ങ്ങ​ളി​ലെ സ്ഥാ​നാ​ർ​ഥി​ക​ളെ​യാ​കും കെ​പി​സി​സി അ​ധ്യ​ക്ഷ​ൻ പ്ര​ഖ്യാ​പി​ക്കു​ക.

ഉ​മ്മ​ൻ ചാ​ണ്ടി​യു​ടെ സ​മ്മ​ർ​ദ ഫ​ല​മാ​യി കെ.​ബാ​ബു​വി​ന് തൃ​പ്പൂ​ണി​ത്തു​റ​യി​ൽ സീ​റ്റ് ന​ൽ​കാ​ൻ ധാ​ര​ണ​യാ​യ​താ​യും റി​പ്പോ​ർ​ട്ടു​ക​ളു​ണ്ട്.

ഒ​പ്പം, കൊ​ല്ല​ത്ത് ഡി​സി​സി അ​ധ്യ​ക്ഷ ബി​ന്ദു കൃ​ഷ്ണ മ​ത്സ​രി​ക്കു​മെ​ന്നും ഏ​റെ​ക്കു​റെ ഉ​റ​പ്പാ​യി. ബി​ന്ദു​വി​നെ മ​ത്സ​രി​പ്പി​ക്ക​ണ​മെ​ന്നാ​വ​ശ്യ​പ്പെ​ട്ട് തീ​ര​ദേ​ശ തൊ​ഴി​ലാ​ളി​ക​ൾ ഇ​ന്ന് പ്ര​തി​ഷേ​ധ​മ​റി​യി​ച്ച് രം​ഗ​ത്തെ​ത്തി​യി​രു​ന്നു.

സ്ഥാ​നാ​ർ​ഥി​ത്വം സം​ബ​ന്ധി​ച്ച് ഉ​റ​പ്പ് ല​ഭി​ച്ചു​വെ​ന്നും പ്ര​വ​ർ​ത്ത​ന​ങ്ങ​ൾ തു​ട​ങ്ങ​ണ​മെ​ന്ന് അ​റി​യി​ച്ചു​വെ​ന്നും ബി​ന്ദു കൃ​ഷ്ണ ത​ന്നെ​യാ​ണ് മാ​ധ്യ​മ​ങ്ങ​ളോ​ട് വെ​ളി​പ്പെ​ടു​ത്തി​യ​ത്.

ഇ​തി​നു, പു​റ​മേ പി.​സി.​വി​ഷ്ണു​നാ​ഥി​നെ കു​ണ്ട​റ​യി​ലും കെ.​പി.​അ​നി​ൽ കു​മാ​റി​നെ വ​ട്ടി​യൂ​ർ​ക്കാ​വി​ലും മ​ത്സ​രി​പ്പി​ക്കാ​ൻ തീ​രു​മാ​ന​മാ​യെ​ന്നാ​ണ് വി​വ​രം.