ദുബായ്: ഐസിസി വനിതാ ഏകദിന ബാറ്റ്സ് വുമൺ പട്ടികയിൽ ഇന്ത്യയുടെ പൂനം റൗത്തിന് മുന്നേറ്റം. ദക്ഷിണാഫ്രിക്കയ്ക്കെതിരേ നടന്നുകൊണ്ടിരിക്കുന്ന ഏകദിനപരന്പരയിലെ മിന്നുന്ന പ്രകടനമാണ് താരത്തെ ആദ്യ ഇരുപതിനുള്ളിലെത്തിച്ചത്.
കഴിഞ്ഞ മൂന്നു മത്സരങ്ങളിൽ 62 നോട്ടൗട്ട്, 77, 104 നോട്ടൗട്ട് എന്നിങ്ങനെയായിരുന്നു സ്കോറുകൾ. പുതിയ പട്ടികയിൽ താരം 18-ാം സ്ഥാനത്താണ്. ഇതിനുമുന്പ് 13-ാം റാങ്കിലെത്തിയതാണ് റൗത്തിന്‍റെ ഏറ്റവും വലിയ നേട്ടം.
ഓപ്പണർ സ്മൃതി മന്ദാനയാണ് ഇന്ത്യൻ വനിതകളിൽ മുന്നിലുള്ളത്. മന്ദാന ഏഴാമതും ക്യാപ്റ്റൻ മിതാലി രാജ് ഒന്പതാം സ്ഥാനത്തുമാണ്.
വൈസ് ക്യാപ്റ്റൻ ഹർമൻപ്രീത് കൗർ രണ്ടു സ്ഥാനം മുന്നേറി 15-ാം സ്ഥാനത്തെത്തി. വനിതകളുടെ പട്ടികയിൽ ദക്ഷിണാഫ്രിക്കയുടെ ലിസെലി ലീയാണ് ഒന്നാമത്.
